ÉXODO 15:9 - Dios Rimashca Shimicunami

⁹ P'iñajca cashnami nirca: Paicunataca cati japijtami risha. Mirga mirgatami rurasha. Quichushcacunatapish chaupicushami. Chashna rurashpami ñuca almaca samaringa. Ñuca espadata llujshichishami. Ñuca maquihuanmi tucuchisha nircami.

ÉXODO 15:9 Iomraidhean Croise

GÉNESIS 49:27

Benjaminca quichuj atujmi. Tutamantamanca quichumushcatami micunga. Chishitaca shujtajcunamanmi chaupinga nircami.

2 SAMUEL 22:38

Ñucata p'iñajcunataca catirashpami llaquichigrisha. Tucuitami tucuchisha. Tucuita tucuchingacama mana tigrashachu.

1 REYES 19:2

Chaimi Jezabelca, Eliasta cashna nichun shuj huillajta cacharca: “Can chai profetacunata huañuchishca shinallataj cantapish ñuca mana caya cai horaspaj huañuchijpica, ñucataca ñuca dioscuna jatunta llaquichichun” ninmi nichunmi cacharca.

1 REYES 20:10

Ben-adadca, cutinllatajmi Acabtaca: “Cai Samaria pueblota mana tucui chingachishpa ñuca soldadocuna lutsaj lutsaj ñutu allpata apanapajllapish saquijpica, ñucataca ñuca dioscuna jatunta llaquichichun ninmi nigrichij” nishpami cacharca.

ÉXODO 14:5

Egipto llajtapi causajcunaca, paicunata jatun mandajmanca: “Israelcunaca ñami cai llajtamanta llujshishpa rincuna” nishpa huillajpimi, faraonpish, paipajta rurajcunapish cutin p'iñarishpaca: “Israelcuna ñucanchijta ama ashtahuan ruraj cachun paicuna richun saquishpaca ¿imatataj rurashcanchijchu imamí?” ninacurcacuna.

PROVERBIOS 16:19

Jatun tucushcacunapura tucushpa, imatapish paicunahuan chaupinacunapaj randica, mana jatun tucushcacunahuan apanacuj alli shungu canamari alli.

ISAÍAS 36:20

Mandaj Dios ñuca maquimanta cai Jerusalén pueblota quishpichingami nishpa shunguta churachunca, cai pachapi tiyaj dioscunaca ¿maijan diostaj paipaj llajtapi cajcunata ñuca maquimanta quishpichi tucushcari? ninmi– nircami.

ISAÍAS 53:12

Chaimanta ñucaca paimanca jatuncunapurapi canatami cusha. Mishashpa quichushcatapish c'ari c'aricunahuanmi chaupinacunga. Paica huañuchichun paillataj japi tucushpamari, millaita rurajcunahuan huañuchishca carca. Juchayujcunapaj randi huañushpamari, achcacunapaj juchata aparca. Millaita rurajcunamantapish mañarcami.

JEREMÍAS 46:17

Chaipica: Egipto llajtata jatun mandaj faraonca manaraj punlla chayajllapi c'ari tucujmari carca, cunanca tucurishcamari nishpapishmi caparircacuna.

HABACUC 3:14

Paicunapaj soldadocunataca, paicunapaj quiquin flechacunallahuantajmi umata jutcurcangui. Jatun acapana shinami ñucataca, caita chaita aparcacuna. Paicunaca, imata mana charij huajchata pacallapi huañuchij shinami ñucata huañuchishpaca, cushicushun yuyarcacuna.

Lucas 11:22

Chashna cajpipish paita yalli c'ari c'ari runa shamushpaca, pai shunguta churashpa charicushca macanacunatapish quichushpa tucui imalla charishcacunatapish apashpaca, paihuan cajcunahuanmi chaupinacunman.

JUECES 5:30

¿Manachu macanacuipi imalla japishcacunata chaupinacucunga? Macanacuita mishajcunaca shuj shuj solteracunatachari mana cashpaca ishqui ishquitachari chaupinacucuncuna. Tucui laya coloryuj sumaj churanacunatachari Sisaramanca cucuncuna. Macanacuita mishashpa imallata japijcunata mandajcunamanca coloryuj churanata, ishquindij ladoman bordashca cungallinatachari cucuncuna ninacucurcacunami.

1 SAMUEL 30:8

Chaipimi Davidca: –¿Prezu apashpa ricujcunataca catishpa rishachu? ¿Paicunataca cati japishachu?– nishpa Mandaj Diosta tapujpi paica: –Catishpa rilla. Cati japinguitajmi. Paicunataca prezushpa apacushcamanta quishpichinguitajmi– nirca.