ÉXODO 15:3 - Dios Rimashca Shimicunami

³ Mandaj Diosca alli macanacujmi. Paipaj shutica Mandaj Diosmi.

ÉXODO 15:3 Iomraidhean Croise

SALMOS 24:8

Chai achij nicuj Jatun Mandajca ¿pitagari? C'ari c'ari tucuita rurai tucuj Mandaj Diosmi. Paica tucuita rurai tucuj, tucuita mishaj Mandaj Diosmi.

SALMOS 45:3

C'ari c'ari runa, cambaj espadata changa uripi apariyari. Quiquinpaj sumaj cashcahuan, mandaj cashcahuan chumbilliriyari.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

ÉXODO 14:14

Mandaj Diosmi cancunamantaca macanacunga. Cancunaca imata mana ruranachu canguichij– nirca.

ÉXODO 14:25

paicunapaj carrocunapaj ruedacunatapish llujshijpi chai carrocunapish urata janajta llaqui tucurcacuna. Chaimi egipciocunaca: –Israelcunamanta anchushpa callpashunchij. Mandaj Diosmari paicunapaj randi egipciocunahuan macanacugrin– nircacuna.

ÉXODO 3:13

Shina nijpipish Moisesca Taita Diostaca: –Israelcunapajman ñuca chayashpaca: Cancunapaj ñaupa yayacunapaj Diosmi ñucataca cancunapajman cachan nijpi, paicunaca: Paipaj shutica ¿ima shutitagari? nijpica, ¿imatataj nishari?– nircami.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ISAÍAS 42:13

Mandaj Diosca, yallitaj jatun runa shinami llujshinga. Alli macanacuj runa tucuchina yuyailla rijcharij shinami llujshinga. Caparingami, macanacuiman llujshina caparitami caparinga. Paita p'iñajcunataca mishangami.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

JEREMÍAS 33:2

“Mandaj Diosca cai pachata rurajmi. Tucuita rurashpa sinchita churajmi. Paica Mandaj Dios shutimi, paimi cashna nin: