ÉXODO 15:26 - Dios Rimashca Shimicunami

²⁶ Chaipica cashnami nirca: “Cancunaca Mandaj Dios ima nishcata alli uyashpa, paipaj ñaupajpi ima pandata mana rurashpa, pai mandashcacunata alli uyashpa, chaitataj pajtachichun nishcacunata pajtachijpica, egipciocunaman cachashca ungüicunataca shujllatapish cancunapaj jahuaman mana apamushachu. Ñucaca Mandaj Diosmi cani. Cancunata alliyachijmi cani” nircami.

ÉXODO 15:26 Iomraidhean Croise

1 REYES 11:33

Salomonca sidoniocunapaj Astoret huarmi diosta, moabitacunapaj Quemos diosta, amonitacunapaj Moloc diosta adorashpami ñuca chaitataj pajtachichun nishcata mana pajtachishpa, pajtachinguitaj nishcatapish mana pajtachirca. Paipaj yaya David maiman mana anchurishpa, purishca shinaca mana ñuca ñanpi purishpami ñucamanta anchurirca.

1 REYES 11:38

Canca ñuca imallata mandashcacunata uyashpa, ñuca ñanpi purijpi, ñucapajta ruraj David rurashca shina chaitataj pajtachichun nishcata, ñuca mandashcacunata huaquichishpa, mana maiman ch'icanyashpa chaitataj rurajpica, ñucaca canhuanmi casha. Davidpaj huahua huahuacunapaj mandanata pi mana cuyuchipajta churashca shinallatajmi, cambaj huahua huahuacunapaj mandanatapish pi mana cuyuchipajta churashpa israelcunataca cambaj maquipi churasha.

2 REYES 2:21

Eliseoca, chaita japishpaca pugyucunaman rishpa, chai yacucunapi cachita shitashpaca: –Mandaj Diosca cashnami nin: Ñucami cai yacucunataca chuyayachini. Cunanca ña mana huañuchingachu, ña mana unguchingachu ninmi– nircami.

2 REYES 20:5

“Ñuca agllashcacunata mandaj Ezequiaspajman tigrashpa cashna ni: Cambaj ñaupa yaya Davidpaj Mandaj Diosca cashnami nin: Can mañashcatapish uyanimi. Can huacashcatapish ricunimi. Cantaca alliyachigrinimi, quimsa punllapica Mandaj Diospaj huasiman huichiyanguimi.

2 REYES 22:2

Josiasca, paipaj ñaupa yaya David purishca shinallataj purishpami Mandaj Diospaj ñaupajpica ima pandata mana rurarca. Alli ladomanpish, lluqui ladomanpish mana anchurircachu.

JOB 5:18

Paillatajmi caracha ungüitaca churarca, chaitaca paillatajmi maillashpa huatanga. Pai chugrichishcataca, paipaj maquicunallahuantajmi jambin.

SALMOS 103:3

Paica tucui millaita can rurashcata perdonajmi. Paica tucui cambaj ima nanaitapish alliyachijmi.

SALMOS 147:3

Paimi shungu p'aquirishcacunataca alliyachin. Paicunapaj chugricunatapish paimi jambishpa pilluchin.

SALMOS 81:9

Cancunapaj chaupipica shujtaj dioscunaca amataj tiyachun. Shujtajcunapaj dioscunataca amataj cunguringuichijchu.

ÉXODO 12:29

Mandaj Diosca, chaupi tutami egipciocunapaj punta churicunataca tucuicunata huañuchirca. Mandashpa tiyanapi tiyacuj faraonpaj punta churimanta callarishpaca, macanacuipi prezu japimushca carcelpi tiyacujpaj punta churicamami huañuchirca. Punta huacharishca animalcunatapishmi huañuchirca.

ÉXODO 19:5

Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 19:6

Cancunaca ñuca mandana llajtapi causana curacunapish, jucha illaj runacunapishmi canguichij ninmi nishpa, cai tucui shimicunata israelcunaman huillangui– nircami.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 23:25

Mandaj cancunapaj Diospajta ruranguichij. Paimi cambaj micunatapish, yacutapish alli cashca cachun ninga. Cancunamantaca ñucami tucui ima ungüicunatapish anchuchisha.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

ISAÍAS 57:18

Paicuna ima shinalla ruracujta ima shinalla puricujta ricunimi. Chashna cajpipish ñallami alliyachisha. Ñallami michisha. Paimanpish, paihuan llaquilla cajcunamanpish cushicuita cushami.

JEREMÍAS 11:7

Cancunapaj ñaupa yayacunata Egipto llajtamanta llujshichimui punllamantapachami, ñuca mandashcata uyaichij nishpa rimarcani, cunarcani. Cancunatapish cai tucui huatacunata mana upalla saquishcanichu. Ashtahuanpish chai shinallatajmi cunani.

JEREMÍAS 17:24

Mandaj Diosca cashnapishmi nin: “Paicuna chashna cashca cajpipish, cancunaca ñucata cazuichij. Samana punllapica cai pueblomanca imata ama yaicuchimuichijchu. Ashtahuanpish samana punllataca, ñucapajlla ch'icanchishca cashcata yuyarishpa, ama imata ruraichijchu.

JEREMÍAS 30:17

Ashtahuanpish canmanca alliyanata cushpa, cambaj chugrita alliyachishami. Cantaca shitashca cashcata yuyashpami: Chai Sión puebloca shitashcami, pi mana yuyarinchu nincuna” ninmi Mandaj Diosca.

JEREMÍAS 33:6

Shina cashpapish alliyanatapish, jambitapish apamushami, jambishpa alliyachishami. Chaimantaca tucui llaquimanta huaquichishpami, mana tucurij sumaj causaita cusha.

JEREMÍAS 7:23

Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

JEREMÍAS 8:22

Galaad llajtapica ¿bálsamo aceite tiyanchu imashi? ¿Manachu maijan jambij tiyanga imashi? ¿Imamantataj ñuca llajtapi causajcunaca, ima jambihuan manataj alliyanchu imamí?

EZEQUIEL 18:5

Cashcata ruraj runaca imatapish allitami ruran, cashcatami ruran.

OSEAS 11:3

Chashna cajpipish, Efraintaca ñucami purinata yachachircani. Maquimanta aisashpami, yachachircani. Ashtahuanpish paicunaca ñuca cuidacushcataca mana entendircacunachu.

OSEAS 6:1

Shamuichij, Mandaj Diosman cutirishunchij. Paimi ñucanchijtaca mirga mirgata rurarca. Paillatajmi jambinga. Paillatajmi chugrichirca. Paillatajmi alliyachinga.

LEVÍTICO 26:13

Ñucaca Mandaj Diosmi cani, cancunapaj Diosmi cani. Egiptopi ama huatashca shina ruraj cachunmi llujshichimurcani. Yugopi huatashca angucunataca ñucami p'itircani. C'ari c'ari purichunmi churarcani.

LEVÍTICO 26:3

Ñuca ima shina causachun nishca shina causaichij. Ñuca mandashcacunata huaquichishpa chaitataj rurana yuyailla tucushpa ruraichij.

NÚMEROS 12:13

Moisesca Mandaj Diosta caparishpaca: “Taita Dios, cunanca Mariata alliyachichunmi” rogapani nirca.

DEUTERONOMIO 12:25

Canpish, cambaj huahuacunapish, huahua huahuacunapish alli cangapajca yahuartaca ama micunguichijchu. Cancunaca Mandaj Diospaj ñaupajpi chashna allita rurashcamantami alli canguichij.

DEUTERONOMIO 12:28

Canpish, cambaj huahuacunapish, huahua huahuacunapish Mandaj Dios cancunapaj Taita Diospaj ñaupajpi allita rurajcuna, ima pandata mana rurajcuna cangapajca tucui cai ñuca mandashcacunata alli uyashpa huaquichinguichij.

DEUTERONOMIO 13:18

Mandaj Dios cancunapaj Taita Diospaj ñaupajpi ima pandata mana rurangapaj cunan ñuca cushca mandashcacunata huaquichishpa, Mandaj Dios cancunapaj Taita Dios rimashcata cazujpimi chashna mirachinga.

DEUTERONOMIO 28:27

Mandaj Diosca egipciocunata llaquichishca mana jambiri tucuipaj úlcera ungüihuan, chupu ungüihuan, caracha ungüihuan, shijshi ungüihuanmi cancunataca llaquichinga.

DEUTERONOMIO 28:58

Cancunata Mandaj Diospaj sumaj manchana shutita manchashcamanta cai libropi quillcashca cai mandashca shimicunata pajtachina yuyailla tucushpa mana pajtachijpica,

DEUTERONOMIO 28:60

Egiptopi llaquichij llaquillatatajmi cancunapaj jahuamanpish apamunga. Yallitaj llaquichishpami samaita aisachunllapish mana saquinga.

DEUTERONOMIO 32:39

Cunanca ñucalla Taita Diostaj cashcataca alli ricuichij. Ñuca shina Diosca pi shujtaj diosca mana tiyanchu. Ñucami causaita quichuni, ñucallatajmi causaita cuni. Ñucami chugrichini, ñucallatajmi alliyachini. Ñuca maquimantaca pi mana quishpiri tucunchu.

DEUTERONOMIO 5:1

Moisesca tucui israelcunata cayashpaca: “Uyaichij Israelcuna, cunan ñuca chaitataj pajtachichun nishcacunata, pajtachinguitaj nishcacunata cancuna uyajta yachachishcataca alli alli yachashpa pajtachina yuyailla tucushpa pajtachichij.

DEUTERONOMIO 7:15

Mandaj Diosca tucui ungüicunatami cancunapajmantaca anchuchinga. Egiptopi cashpa cancuna ricushca millai ungüicunataca cancunapaj jahuamanca mana cachangachu. Ashtahuanpish tucui cancunata p'iñajcunapaj jahuamanmi chai ungüicunataca cachanga.