ÉXODO 15:25 - Dios Rimashca Shimicunami

²⁵ Mandaj Diosta caparishpa Moisés mañajpi, Mandaj Dios shuj yurata ricuchijpi, chai yurata yacupi urmachijpimi chai yacuca mishquijlla tucurca. Chashnami Mandaj Diosca paicuna ima shina cashcata ricurca. Chaitataj pajtachichun nishcatapish, mandashcatapishmi curca.

ÉXODO 15:25 Iomraidhean Croise

2 REYES 2:21

Eliseoca, chaita japishpaca pugyucunaman rishpa, chai yacucunapi cachita shitashpaca: –Mandaj Diosca cashnami nin: Ñucami cai yacucunataca chuyayachini. Cunanca ña mana huañuchingachu, ña mana unguchingachu ninmi– nircami.

2 REYES 4:41

Shina nijpimi Eliseoca: –Cutata apamuichij– nishpa cutata mangapi churashpaca: –Cai mangapica ima mana allica ña mana tiyanchu. Paicunaman carailla– nirca.

2 REYES 6:6

Chaimi Diospaj runaca: –¿Maipitaj huashicurca?– nijpi, chai runaca maipi huashicushcata ricuchijpi, Eliseoca caspita p'itishpa hacha huashicushcapi caspita shitashpa fierro hachata huambuchishpaca,

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 66:10

Taita Dios ñucanchij ima shina cajta ricurcanguimi. Cullquita chuyayachij shinami chuyayachircangui.

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

SALMOS 91:15

Ñucata mañajpica ñucapish cutichishami. Llaquihuan cajpipish, ñucapish paihuanmi casha. Paitaca cacharichishami, sumajyachishami.

SALMOS 99:6

Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

ÉXODO 14:10

Faraón ñalla c'uchuyagricujta israelcuna ricushpami, paicunata egipciocuna caticushcata ricushpa, jatunta mancharishpa Mandaj Diosta caparishpa mañarcacuna.

ÉXODO 16:4

Chaipimi Mandaj Diosca Moisestaca: –Ñucaca jahua pacha tandatami tamyachigrini. Chai micunataca tucuicuna quiquin micuna pajtallata punllanta tandanaman llujshichuncuna. Ñuca imallata rurachun mandashcata cazujta, mana cazujtami ricusha nini.

ÉXODO 17:4

Chaimi Moisesca: –Cai gentecunataca ¿imatataj rurashari? Rumicunahuan shitanallamari illan– nishpa, Mandaj Diosta caparishpa mañarca.

ÉXODO 20:20

Shina nijpi Moisesca israelcunamanca: –Ama manchaichijchu, Taita Diosca paita manchashpa ama juchallichun cazujta mana cazujta ricungapajmari shamurca– nircami.

PROVERBIOS 17:3

Curipish, cullquipish pailapi churashpa hornopi rupachijpimi, alli cashcaca ricurin. Ashtahuanpish runacunapaj shungutacarin Mandaj Diosmari ricucun.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 9:7

Chashnacuna cajpimi, tucuita Mandaj Diosca cashnapish nin: “Ñuca agllashcacunataca imata ashtahuan mana rurai tucunichu. Cunanca ninapi churashpami, tucui mapata anchuchigrini.

EZEQUIEL 47:7

Chai jatun yacu uripica, achca yuracunami tiyarca. Chai yuracunaca, yacu ishqui lado uripimi tiyarca.

EZEQUIEL 47:8

Chaimantaca ñucataca cashnami nirca: Cai jatun yacucunaca, inti llujshin llajtamantami callpacun. Arabá pambaman uriyashpaca, jatun cuchamanmi yaicunga, mama cucha yacuca mishqui yacumi tucunga.

1 Corintios 1:18

Chingarijcunapajca, cruzmanta huillashcaca musparishca shinallami. Ashtahuanpish ñucanchij quishpirijcunapajca, Diospaj podermi.

DEUTERONOMIO 13:3

Diosmanta huillajmi cani nij huillashcatapish mana cashpaca muscuipi ricushcatami huillani nijtaca amataj uyanguichijchu. Cancunapaj tucui shunguhuan, tucui almahuan Mandaj Dios cancunapaj Taita Diosta c'uyaj cashcata mana c'uyaj cashcata yachangapajmi Mandaj Dios cancunapaj Taita Diosca chaicuna chashna rurachunca saquinga.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

JUECES 2:22

Paicunata chai llajtacunamanta mana llujshichishpa cachashpaca, Mandaj Diosca israelcunataca paicunapaj ñaupa yayacuna shina paita alli cazujta, mana cazujta ricungapajmi manaraj llujshichishpa cacharca.

JUECES 3:1

Canaanta japingapaj israelcuna macanacucujpi manaraj huacharishca israelcunata cazujta mana cazujta ricungapajmi Mandaj Diosllataj paicunataca saquirca.

JUECES 3:4

Israelcunataca paicunapaj yayacunaman Moisesta huillachishca pai mandashcacunata cazujta, mana cazujta ricungapajmi chai gentecunataca chaillapitaj saquirca.