ÉXODO 15:21 - Dios Rimashca Shimicunami

²¹ Mariaca cashna nishpami cantarca: “Mandaj Diosta cantaichij. Paica jatun cashcahuan pillurishcami. Caballocunatapish, soldadocunatapish cuchapimi shitashca” nishpami cantarca.

ÉXODO 15:21 Iomraidhean Croise

2 SAMUEL 1:20

Circuncisionta mana rurashcacunapaj ushushicuna cushicushpa ama tushuchun, filisteocunapaj ushushicunapish ama cushicuchun, Gat pueblopica ama huillanguichijchu. Ascalón plazacunapipish ama parlanguichijchu.

2 SAMUEL 6:14

Davidca mandaj Diospaj ñaupajpimi tucui fuerzahuan tushushpa rirca. Paica linomanta rurashca efod churanata churashcami carca.

2 CRÓNICAS 5:13

Chashna tucuicuna chaipi cashpaca trompetacunapipish, cimbalocunapipish, shujtaj tocanacunapipishmi shuj shinalla tocashpa, cantashpa, Mandaj Diostaca pagui nishpa alabarcacuna. Paicuna chashna cantacujpica caishujcunaca: “Mandaj Diosta cantaichij, paica allimi. Pai llaquij canaca huiñai huiñaipajmi” nishpami cantarcacuna. Chashna cantacujpimi Mandaj Diospaj huasipica p'uyu jundarca.

SALMOS 76:6

Jacobpaj Taita Dioslla, quiquin sinchita rimajpica carropish, caballopish mana cuyuri tucurcachu.

ÉXODO 15:1

Moisespish, tucui israelcunapish cai cantotami Mandaj Diosta alabashpa cantarcacuna: “Mandaj Diostami ñucaca cantasha. Paica jatun cashcahuan pillurishcami. Caballocunatapish, soldadocunatapish cuchapimi shitashca.

ÉXODO 15:4

Faraonpaj carrocunatapish soldadocunatapish, cuchapimi shitarca. Soldadocunata mandaj tucuimanta yalli allicunatapish Puca Cuchapimi huashicuchirca.

Apocalipsis 14:3

Paicunaca, jatun tiyarina ñaupajpi, causaiyuj chuscupaj ñaupajpi, ancianocunapaj ñaupajpipishmi, shuj mushuj cantota cantarcacuna. Chai cantotaca, pi mana yachai tucurcacunachu. Ashtahuanpish allpa pachamanta Dios quishpichishca 144milcunallami, chai cantotaca yachai tucurcacuna.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

JUECES 5:3

¡Uyaichij jatun mandajcuna! ¡Uyaichij, llajtata mandajcuna! Ñucami Mandaj Diosta cantagrini. Israelcunapaj Mandaj Diostaca cuerdayuj tocanacunapi tocashpami cantagrini. Paica israelcunapaj Diosmi.

1 SAMUEL 18:6

Chai filisteota David huañuchishca q'uipa tucuicuna tigracujpimi, Israelpi tiyaj pueblocunamantaca tucui huarmicuna cantashpa tushushpa jatun mandaj Saulta tupanaman llujshircacuna. Paicunaca panderocunapi tocashcahuan, cushicushpa cantashcahuan, shujtaj tocanacunapi tocashcahuanmi tuparcacuna.

1 SAMUEL 18:7

Chai huarmicunaca: “Saulca, 1.000 gentecunatami huañuchishca, Davidca, 10.000 gentecunatami huañuchishca” nishpami cantashpa tushurcacuna.