ÉXODO 15:2 - Dios Rimashca Shimicunami

² Mandaj Diosca ñuca fuerzami. Mandaj Diosca ñuca cantanami. Mandaj Diosca ñuca quishpirinami. Chaimi ñuca Diosca, paitami ñucaca alabacuni. Paica ñuca yayapaj Diosmi, paitami jatunyachini.

ÉXODO 15:2 Iomraidhean Croise

GÉNESIS 17:7

Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

GÉNESIS 49:18

Mandaj Dioslla, can quishpichinallatami shuyashpa catini.

2 SAMUEL 22:3

Ñuca Taita Dioslla, ñuca pacatucunalla, paipimi shunguta churani. Paica ñuca escudomi. Tucuita rurai tucujhuan ñucata quishpichijmi. Tucuimanta yalli jahuaman ñuca miticunami. Ñuca quishpichijmi cangui. Llaquihuan cajpica canmi ñucata quishpichircangui.

2 SAMUEL 22:47

Mandaj Diosca, huiñaita causacuchunlla. Ñuca jatun rumica alli nishca cachun. Ñucata quishpichij Diosca jatunyachishca cachun.

2 SAMUEL 22:51

Pai churashca jatun mandajtaca cushicushpami quishpichin. Pai churashca mandajtaca llaquicunllami. Davidtapish, paipaj huahuacunatapish huiñaitami chashna pushanga” nircami.

2 SAMUEL 7:24

Cambaj israelcunataca canllataj agllashpamari huiñaipaj cambaj cachun churarcangui. Mandaj Dioslla canmari paicunapaj Dios cangui.

2 SAMUEL 7:5

“Ñucapajta ruraj Davidpajman rishpa cashna nigri: Mandaj Diosca cashnami nin: Canchari ñuca causana huasitaca rurasha ningui. Ashtahuanpish mana canchu rurangui.

1 REYES 8:13

Shina cajpipish ñucaca can causachunca, shuj huasitami shayachini. Chaipi huiñaita causachun nircami.

1 REYES 8:27

¿Taita Diosca allpa pachapica causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca mana pajtaipajchu. Canta yuyarinapaj cachun ñuca shayachishca cai huasicarin ¿maitataj pajtangari?

1 CRÓNICAS 16:14

Mandaj Diosca ñucanchij Diosmari. Paipaj shimicunaca tucui cai pachapimari.

SALMOS 109:1

Ñuca alabana Taita Dioslla, ama upajlla caichu.

SALMOS 118:14

Mandaj Diosca ñucaman fuerzata cujmi, ñuca cantanami. Paica ñucata quishpichijmi.

SALMOS 118:21

Quiquin ñucata uyashcamantaca, alabashami. Quiquinmi ñucata quishpichij cangui.

SALMOS 118:28

Quiquinmari ñuca Taita Dios cangui. Quiquintami alabasha. Ñuca Taita Dioslla, quiquintami jatunyachisha.

SALMOS 132:5

Mandaj Diospaj huasita maipi rurangacama manataj samarishachu. Jacobpaj tucuita rurai tucuj causanata maipi rurangacama manataj samarishachu” nircamari.

SALMOS 140:7

Mandaj Dios, Jatun Dios tucuita rurai tucuj ñucata quishpichijmi. Jatun macanacui punllapica ñuca umapaj c'ata tucushpami quishpichircangui.

SALMOS 145:1

Jatun Mandaj ñuca Dioslla, quiquintami jatunyachisha. Quiquinpaj shutitaca huiñai huiñaitami alli nisha.

SALMOS 18:46

Mandaj Diosca huiñaita causacuchunlla. Ñuca jatun Rumica alli nishca cachun. Ñucata quishpichij Diosca, jatunyachishca cachun.

SALMOS 22:10

Manaraj huacharijpimi quiquinman mingashca carcani. Ñuca mamapaj huijsapi cai pachamantami ñuca Dios cangui.

SALMOS 22:3

Ashtahuanpish quiquinca jucha illajmari cangui. Israelcuna alabacun chaupipimi causangui.

SALMOS 27:1

Mandaj Diosca ñucata achijyachij luzmi, ñucata quishpichijmi. Pitataj manchashari. Mandaj Diosca muyundijta pircashca shinami ñuca causaita huaquichin. Pita mana manchanichu.

SALMOS 28:8

Mandaj Diosca pai agllashcacuna paca tucuna pircami. Pai ch'icanchishca miticushpa quishpirinami.

SALMOS 30:1

Mandaj Dioslla, ñucataca jatun canapimi churashcangui. Ñucata p'iñajcuna cushicuchunca manataj saquishcanguichu. Chaimanta quiquintaca sumajmi cangui, allimi cangui nicushallami.

SALMOS 34:3

Mandaj Diostaca ñucahuan tucushpa jatunyachishunchigari. Paipaj shutitaca shuj shinalla tucushpa jatunyachishunchij.

SALMOS 48:14

Taita Diosca, ñucanchij Taita Diosmi. Huiñaimanta huiñaicama caj Diosmi. Huañushca q'uipapish paillatajmi huiñaicama pushacungalla.

SALMOS 59:17

Ñuca muyundij pircalla quiquintamari cantasha. Ñuca miticuna Taita Diosmari cangui. Ñucata llaquij Taita Diosmari cangui.

SALMOS 68:20

Dios, ñucanchij Dioslla, paimi quishpichinga. Huañuimanta quishpichinapish Mandaj Jatun Diospajmi.

SALMOS 99:5

Mandaj ñucanchij Taita Diosta jatunyachichij. Paipaj chaqui ñaupajpi cungurichij. Paica jucha illajmi.

SALMOS 99:9

Mandaj ñucanchij Taita Diosta jatunyachichij. Paipajlla urcu chaquipi cungurichij. Mandaj Dios, ñucanchij Taita Diosca ima jucha illajmari.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ÉXODO 4:22

Mana cacharisha nijpica faraontaca: Mandaj Diosca cashnami nin: Israelca ñuca punta churimi.

ÉXODO 40:34

Dioshuan tupanacuna carpa huasitaca p'uyumi taparca. Diospaj carpa huasipica, Mandaj Diospaj achij nicujmi jundarca.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 25:1

Mandaj Dios canmi ñuca Dios cangui. Mancharinacunata quiquin rurashcamantaca cambaj shutitaca jatunyachishami. Cambaj shutitaca alabashami. Ñaupaman quiquin imata ruranata yuyarishcataca chaitatajmi pajtachishcangui.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 66:1

Mandaj Diosca cashnami nin: “Jahua pachaca ñuca mandashpa tiyanami, cai pachaca ñuca chaqui sarunami. ¿Maipitaj ñucapajca huasita shayachi tucunguichigari? ¿Maipitaj ñuca samarinataca rurai tucunguichigari?” ninmi.

JEREMÍAS 3:23

Lomacunapi, urcucunapi caparirishpa mañagrinaca yangallami. Ñucanchij israelcunamanca ñucanchijta Mandaj Diosllamari quishpirinata cun.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:38

Paicunaca ñucapajlla runacunami canga, ñucapish paicunapaj Diosmi casha.

HABACUC 3:13

Canca cambaj agllashcacunatapish, can agllashpa churashca mandajtapish mitsanamanmi llujshircangui. Canta mana manchaj runapaj huasi c'atataca, tucuimi urmachircangui. Yacu rumi ricuringacamami, callari rumicunataca, mashcashpa llujshichircangui. Selah

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Lucas 1:77

Can rishpaca paipaj caj gentecuna quishpirichun juchacunamanta ima shina quishpirina yuyaitapish cushpami yachachingui.

Lucas 2:30

Quiquin cushca Quishpichijtaca, ñuca ñahuihuantajmi ricuni.

Juan 4:22

Cancunaca pita adoracushcatapish mana yachanguichijchu. Ñucanchijca pita adoracushcataca yachanchijmi. Quishpichijca judiocunamantami shamun.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

2 Corintios 5:19

Diosca cai pachapi causajcunapaj juchacunata manataj yuyarishachu nishpaca, Cristomantami paicunahuanca alli tucurca. Alli tucunata huillachunca ñucanchijmanmi mingarca.

Efesios 2:22

Cancunapish Espiritupi Dios causana huasi cangapajmi, chaipi tandalla huasichicushcacuna canguichij.

DEUTERONOMIO 10:21

Paica cancuna alabanamari. Paimi cancunapaj Taita Dios. Paimi cancunapaj jatun mancharinacunata ruraj. Chaitaca cancunallataj ricurcanguichijmi.

Filipenses 2:11

Dios Yaya sumajyarichunca tucui c'allucunami Jesucristotaca Mandajmi nishpa huillangacuna.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Colosenses 2:9

Dios tucui ima shina cashcaca, Cristopaj cuerpopimi causan.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 19:1

Chai q'uipaca cielopica achcacuna sinchita cashna nishpa rimanacucuj shinatami uyarcani: “Ñucanchijta Mandaj Taita Diosca Quishpichijmari, alli nishcamari, sumaj nishcamari, Tucuita Rurai Tucuj nishcamari. Chaimanta paitaca ¡Alabaichij!

JUECES 5:21

Cisón jatun yacu, ñaupamanta tiyaj yacu. P'iñajcunataca p'ichajtami aparcangui. Ñuca almalla ama manchashpa rishun.