ÉXODO 15:17 - Dios Rimashca Shimicunami

¹⁷ Mandaj Dios cambaj urcumanmi yaicuchingui. Cambaj urcupimi tarpungui. Mandaj Dios can causanapaj maipi allichishcamanmi pushangui. Cambaj maquihuan rurashca cambajlla ucumanmi pushangui.

ÉXODO 15:17 Iomraidhean Croise

2 SAMUEL 7:10

Ñuca israelcunapajca shuj llajtatami paicunapajtaj cachun nigrini. Chaipi causachunmi paicunataca yurata tarpuj shina churagrini. Chaimantaca pi manataj cuyuchingachu. Millaicunapish callari punllapi shina mana llaquichingachu.

1 REYES 8:13

Shina cajpipish ñucaca can causachunca, shuj huasitami shayachini. Chaipi huiñaita causachun nircami.

SALMOS 114:2

Judaca, Diospaj huasi tucurca. Israelca, pai mandana llajtami tucurca.

SALMOS 2:6

“Ñucapajlla caj Sión urcu jahuapi mandachunca ñuca churashca jatun mandajtami churarcani.”

SALMOS 44:2

Llajtacunataca quiquinpaj maquihuanmi carcushpa cachashcangui. Gentecunataca llaquichishpami llujshichishpa cachashcangui. Chashna rurashpaca ñucanchij yayacunatami tarpuj shina cai llajtapi churashcangui.

SALMOS 68:16

Jatun urcucuna, ¿ima nishpataj Taita Dios pai causanapaj munashca urcutaca p'iña chaparacunguichigari? Mandaj Diosmari chai urcupica huiñaita causanga.

SALMOS 76:2

Paipaj carpa huasica, Salempimari. Pai causana huasica Sionpimari.

SALMOS 80:15

Chai yuraca quiquinpaj alli maquihuan tarpushcamari. Quiquinpajlla cachunmari sapiyachircangui.

SALMOS 80:8

Egiptomantami uva yurata apamurcangui. Cai llajta runacunata llujshichishpa cachashpami chaitaca tarpurcangui.

ÉXODO 15:13

Quiquin quishpichishca cai gentecunataca cambaj llaquij cashcapimi pusharcangui. Tucuita rurai tucujhuanmi pushangui. Jucha illaj cambaj huasimanmi pushangui.

ÉXODO 23:20

Ñuca cancunapaj allichishca llajtaman ñanpi cuidashpa cancunata chai llajtaman ñaupashpa yaicuchichunca ñuca angeltami cachani.

ÉXODO 25:8

Tucui chaicunahuan ñucapajlla shuj carpa huasita ruraichij. Chaipimi ñucaca paicunapaj chaupipi causasha.

ÉXODO 32:34

Cunanca israelcunata ñuca maiman pushashpa richun nishcaman pushashpa rilla. Ñuca angelmi canta ñaupashpa ringa. Paicunata llaquichina punlla chayajpimi, paicunapaj juchamantaca llaquichisha– nircami.

JEREMÍAS 2:21

Ñucaca cancunataca alli uva muyumanta huiñashca yuracunatamari tarpurcani. Ima sacha yurahuan chagruta mana tarpurcanichu. ¿Imamantataj sacha uva shina tucurcanguichigari?

JEREMÍAS 31:23

Tucuita Mandaj, israelcunapaj Diostajmi cashna nin: “Prezu apashcacunataca ñuca tigrachimujpi, cai Judá llajta quiquin pueblocunapi cashpaca: Cashcata ruraj causana pueblolla, Diospajlla ch'icanchishca urculla, cantaca Mandaj Dios bendiciashca cachun ningacunami.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.

EZEQUIEL 37:26

Shinallataj sumajta causanatami ari ninacushun, chai ari ninacushcaca huiñaipajmi canga. Paicunataca chaipi causachun churashpaca, yallitaj achcatami mirachisha, ñuca huasitapish huiñaipajmi paicunapaj chaupipi shayachisha.

EZEQUIEL 37:28

Ñucapajlla huasita paicunapaj chaupipi huiñaipaj shayachishcata ricushpami, shujtaj llajtacunapi causajcunaca israelcunata ñucapajlla cachun agllashcataca yachangacuna. Chashna rurajpimi ñucataca, Mandaj Diostaj cashcataca yachangacuna ninmi ni” nircami.

DEUTERONOMIO 33:19

Paicunapaj urcumanmi shujtajcunata cayangacuna. Chaipimi Mandaj Dios munashca shina paiman cushpa rupachingacuna. Chashna rurashpami mama cuchapi achca tiyajcunahuan, allpapi pacashca sumaj charinacunahuan cushicungacuna” nircami.

JOSUÉ 22:19

Cancuna japishca llajta mapa yuyachijpica, Mandaj Diospaj huasi tiyacun, Mandaj Diospaj allpaman shamuichij. Chaipi ñucanchijpurallapitaj cancunapaj cachun allpacunata japishpa causanguichijllami. Ñucanchijta Mandaj Diospaj altarta saquishpa shujtaj altarta ama ruraichijchu. Chashna rurashpaca Mandaj Diostami p'iñachinguichij, ñucanchijtapish llaquichinguichijmi.