ÉXODO 15:15 - Dios Rimashca Shimicunami

¹⁵ Edom llajtata mandajcunaca musparicungacunami. C'ari c'ari moabitacunataca manchaimi chujchuchicunga. Canaanpi causajcunapish tucuicunami imata mana rurai tucuj cangacuna.

ÉXODO 15:15 Iomraidhean Croise

GÉNESIS 36:15

Esaupaj huahuacunapurapi mandajcunaca caicunami: Esaupaj punta churi Elifazpaj churicunamanta mandajcunaca Temán, Omar, Zefo, Cenaz,

GÉNESIS 36:16

Coré, Gatam, Amalecmi carca. Elifazmanta mirarishpa Canaanpi causaj edomitacunata mandajcunaca chaicunami. Chaicunaca Ada huarmipi Esaú charishca churipaj churicunami carca.

GÉNESIS 36:40

Esaupaj huahua huahuacunaca quiquin familiapuracunata, quiquin llajtata mandajcunaca caicunami. Paicunaca: Timna, Alva, Jetet,

2 SAMUEL 17:10

Cambaj yayapish yallitaj fuerzayuj cashcata, paihuan caj runacunapish c'ari c'aricuna cashcataca tucui israelcunami yachancuna. Chaimanta leonpaj shungu shina c'ari c'ari runa cashpapish mancharishpa yuyai illaj tucushpa saquiringallacunami.

SALMOS 48:5

Taita Dios chashna cajta ricushpaca, mancharircacunami. Musparircacunami. Miticungapajmi utca callparcacuna.

SALMOS 68:2

Paicunaca huairapi cushni rij shinami chingaringacuna. Chashna chingachiyari. Ninapi huira yacuyaj shinami yacuyangacuna. Diosta mana rijsijcunaca Taita Diospaj ñaupajpica chashnami chingaringacuna.

ISAÍAS 13:7

Chashna llaquichicujpica tucuicunapaj maquicunami imata mana rurai tucuj saquiringa. Tucuicunapaj shungucunami manchaihuan cangacuna.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

JEREMÍAS 49:23

Damasco pueblopi causajcunamantaca, Mandaj Diosca cashnami huillarca: “Hamat, Arfad shuti pueblocunapi causajcunaca paicunata jatun llaqui japigrin nijtamari uyashcacuna. Chaita uyashpamari mancharishpa musparincuna. Yacuyashpa tucuricuj shinami mana samarincuna.

EZEQUIEL 21:7

Can chashna huacacujpica ¿ima nishpataj huacacungui? nishpa tapujpica: Tucuicunami huañunga, tucuicunapaj maquicunami p'aquiringa, tucuicunami huacanga, tucuicunapaj cunguri mucucunami yacu shina chujchunga nishpa huillashcata uyashpamari huacacuni. Chai llaquica ñallamari chayamunga, chaica pajtangatajmi ninmari Mandaj Jatun Diosca ningui” nircami.

NAHUM 2:10

Chushajlla, huañucuj, llaquinayajmari saquirishca. Shungupish huañushcamari. Cunguri mucucunapish chujchucunmari, huijsatapish nanachicunmari. Ñahuicunapish quillu quillumari tucushca.

HABACUC 3:6

Paica jatarishcahuanmi cai pachataca medirca. Ricushpallami runacunatapish chujchuchirca. Ñaupamanta tiyaj urcucunaca mirga mirgami tucurca. Ñaupamanta tiyaj lomacunaca tucuimi chingarirca. Paipaj ñancunaca huiñaimanta huiñaicama mana tucurij ñancunami.

HABACUC 3:7

Cusán llajtapi tiyaj carpa huasicuna urmajtapish ricurcanimi. Madián llajtapi tiyaj carpa huasicunapish chujchurcami.

DEUTERONOMIO 2:4

Israelcunataca cashna mandai: Seirpi causaj cancunapurallataj Esaupaj huahua huahuacunapaj llajtatami cancunaca pasana canguichij. Paicunaca cancunataca manchangacunami. Chashna cajpipish yuyaipimi cana canguichij.

DEUTERONOMIO 20:8

Mandajcunaca cutinllataj chaipi cajcunata cashna nishpaca: Cancunapurapi ¿maijantaj manchacujcuna, mana c'ari c'ari cajcuna canguichij? Chaicunaca cancunapaj huasiman tigrashpa richijlla. Cancuna manchacujta ricushpa caishujcunapish manchacujcuna tucunman ningacunami.

JOSUÉ 14:8

Ñucahuan rij huauquicunami israelcunamanca mancharinata parlashpa mana shamuna yuyaita curca. Shina cajpipish, ñucata Mandaj Dios ñucanchijhuantaj cashcata tucui shunguhuan crishpa, pai nishcata rurarcanillami.

JOSUÉ 2:11

Chaicunata uyashpami, cancunataca tucuicuna manchanchij. Cancunahuan macanacunataca pi mana c'ariyanchu. Cancunata Mandaj Diosca jahua pachapipish cai pachapipish caj Diosmi.

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 2:9

–Ñucaca cai llajtataca, cancunata Mandaj Dios cancunaman cushca canatami crini. Cancunata uyashpaca, tucui ñucanchijmi achca manchaihuan canchij. Cancunata manchashcamantaca, tucui cai llajtapi causajcunamari jatun manchaihuan huañucuncuna.

JOSUÉ 5:1

Jordán jatun yacumanta inti huashicun ladoman causaj amorreocunata jatun mandajcunapish, mama cucha c'uchuman causaj cananeocunata jatun mandajcunapish, Jordán jatun yacuta israelcuna tucui ch'imbangacama Mandaj Dios chaquichishpa ch'imbachishcatami yachaj chayarcacuna. Chaimi yallitaj manchashpa israelcunahuan, macanacunataca manataj yuyarcacuna.

1 SAMUEL 14:16

Saúl churashca cuidaj soldadocunaca, Benjamín aillupaj Gabaa pueblomantami chai achca gentecuna musparishpa, caiman chaiman callpanacushpa caita chaita rijta ricurcacuna.