ÉXODO 15:14 - Dios Rimashca Shimicunami

¹⁴ Tucui llajtacunami uyanga. Chujchungacunami. Filisteocunaca jatun nanaihuanmi huañucungacuna.

ÉXODO 15:14 Iomraidhean Croise

1 CRÓNICAS 14:17

David tucui rurashcacunaca tucui llajtacunapimi huashan huashan yacharirca. Mandaj Diosca tucui shujtaj llajtacunamanmi Davidta manchana yuyaita curca.

SALMOS 48:6

Chaipica paicunataca manchaimi japirca. Nanaipish huachacuj huarmita shinami japirca.

SALMOS 48:7

Tarsismanta barcocunataca quiquinmi p'aquingui. Inti llujshinmanta huairata cachashpami p'aquingui.

ISAÍAS 14:29

Filisteapi tucui causajcuna cancunata llaquichicuj vara p'aquirishcamantaca, ama cushicuichijchu. Culebrapaj sapimanta retoñoca víbora culebrami llujshinga. Víbora culebramantacarin, alasyuj culebrami llujshinga.

ISAÍAS 14:31

Filisteapi caj pungucuna caparishpa huacaichigari. Chai llajtapi tucui causajcuna caparichigari. Tucui filisteocunami yacuyachishca canguichij. Cushni shinami janaj ladomanta soldadocuna shamucun. Chai soldadocunapurapica, filamanta llujshijca shujllapish mana tiyangachu.

ISAÍAS 23:5

Chai huillanata Egiptopi huillajpica, Tiro llaqui tucushcata uyashpaca chai huillashcamantaca yallitajmi nanaringacuna.

EZEQUIEL 32:9

Can mana rijsishca llajtacunaman cambajcunata prezu apashpaca, achca llajtacunatami llaquilla shunguhuan saquisha.

HABACUC 3:6

Paica jatarishcahuanmi cai pachataca medirca. Ricushpallami runacunatapish chujchuchirca. Ñaupamanta tiyaj urcucunaca mirga mirgami tucurca. Ñaupamanta tiyaj lomacunaca tucuimi chingarirca. Paipaj ñancunaca huiñaimanta huiñaicama mana tucurij ñancunami.

HABACUC 3:7

Cusán llajtapi tiyaj carpa huasicuna urmajtapish ricurcanimi. Madián llajtapi tiyaj carpa huasicunapish chujchurcami.

NÚMEROS 14:14

cai Canaán llajtapi causajcunaman huillangacunamari. Canaanpi causajcunaca israelcunapaj chaupipica quiquin Mandaj Dios cashcatami uyashcacuna. Mandaj Dios quiquinca israelcunaman ñahui ñahui ricurishcatapish, quiquinpaj p'uyu israelcunapaj jahuapi cashcatapish, israelcunapaj puntapica punllaca shuj suni p'uyupi, tutaca lunyacuj suni ninapi quiquin ñaupashpa pushacushcatapishmi yachashcacuna.

NÚMEROS 22:5

Paimi Beorpaj churi Balaamta cayamuchun cacharca. Balaamca, paipaj llajtapuracuna causan jatun yacu c'uchupi caj Petor pueblopimi causarca. Chai pueblomanmi Balacca, Balaamta cayamuchun cashna nishpa cacharca: “Egiptomanta llujshimuj gentecuna shamushpami cai llajtacunapi jundashpa, ñuca llajta ch'imbapurapi causacun.

DEUTERONOMIO 2:25

Cunanmi tucui cai pachapi causajcunapica, canta manchana, chujchuna yuyaita callarichigrini. Can ima shina ruracujta uyashpaca, cantaca manchashpa chujchucungacunami nircami.

JOSUÉ 10:2

Gabaón puebloca shujtaj jatun pueblocuna shinallataj jatun mandajyuj, alli macanacuj soldadocunayuj cashca cashpapish, israelcunata manchashcata uyashpami Jerusalenta jatun mandaj Adonisedecca achcata mancharca.

JOSUÉ 2:11

Chaicunata uyashpami, cancunataca tucuicuna manchanchij. Cancunahuan macanacunataca pi mana c'ariyanchu. Cancunata Mandaj Diosca jahua pachapipish cai pachapipish caj Diosmi.

JOSUÉ 9:24

Chaimi paicunaca Josuemanca: –Cancunata Mandaj Diosca paipajta ruraj Moisestaca cancunamanmi cai llajtacunata cuni. Cancunaca cai llajtapi causajcunataca tucuita chingachichij nishcata cancunapajta ruraj ñucanchij yachaj chayashpami, ñucanchijta huañuchinata manchashcamanta chashna nircanchij.

JOSUÉ 9:9

Chaimi paicunaca: –Cambajta ruraj ñucanchijca yallitaj caru llajtamantami shamurcanchij. Cancunata Mandaj Diosca tucuita rurai tucuj jatun cashcata, Egiptopi imallata rurashcatami yacharcanchij.

1 SAMUEL 4:7

Filisteocunaca mancharinacushpami cashna ninacurcacuna: “Paicunapaj carpa huasicunamanca Diosmari shamushca. ¡Aij, ñucanchijlla! Cunancamaca manamari chashna carcachu” nishpami caparinacurcacuna.

1 SAMUEL 4:8

¡Aij ñucanchijlla! Tucuita rurai tucuj chai dioscunapaj maquimantaca ñucanchijtaca ¿pitaj quishpichingari? Chai dioscunamari egiptocunataca, shitashca pambapi tucui laya llaquicunahuan huañuchircacuna.