ÉXODO 15:13 - Dios Rimashca Shimicunami

¹³ Quiquin quishpichishca cai gentecunataca cambaj llaquij cashcapimi pusharcangui. Tucuita rurai tucujhuanmi pushangui. Jucha illaj cambaj huasimanmi pushangui.

ÉXODO 15:13 Iomraidhean Croise

GÉNESIS 19:16

Shina nijpipish, Lotca mana utca llujshircachu. Mandaj Dios Lotta llaquishpa chai pueblomanta llujshichinaman cachashcamantami chai angelcunaca Lottapish, paipaj huarmitapish, ishqui ushushicunatapish maquimanta aisashpa chai pueblomanta llujshichishpa canllaman churarca.

2 SAMUEL 15:25

Jatun mandajca Sadoctaca: –Taita Diospaj arcataca puebloman tigrachilla. Mandaj Diospaj ñaupajpi ñuca alli ricurishca cajpica, paica ñucata ayudashpa arcatapish, paipaj carpa huasitapish cutin ricuchun tigrachimungami.

NEHEMÍAS 9:12

Punllaca suni p'uyuhuanmi ñauparcangui. Tutaca lunyacuj ninahuanmi ñauparcangui. Paicuna maillata rina ñanta achijyachingapajmi chashna rurarcangui.

SALMOS 106:9

Puca Cuchata sinchita rimajpica chaquirircallami. Chaquishca pambata shina rurashpamari chaita ch'imbachirca.

SALMOS 74:2

Quiquinpaj cajcunataca yuyaripayari. Ñaupamanta quiquin munashcacunataca yuyaripayari. Quiquinpaj aillu cachunmari llaquimanta llujshichircangui. Quiquin causashca cai Sión urcutapish yuyariyari.

SALMOS 77:20

Quiquinpaj cajcunataca ovejacunata shinami pushamurcangui. Moisespaj, Aaronpaj maquihuanmi pushamurcangui.

SALMOS 78:35

Paicuna miticunaca Taita Dios cashcatami yuyarircacuna. Paicunata quishpichijca jahua pachapi caj Taita Dios cashcatami yuyarircacuna.

SALMOS 80:1

Israelcunata michij uyahuayari. Quiquinca Josepaj huahua huahuacunataca ovejacunata shina michijmi cangui. Querubincunapaj chaupipi cajlla achijyachihuayari.

ÉXODO 15:16

Paicunapaj jahuapica chujchuipish, manchaipish urmachun. Tucuita rurai tucuj cambaj rigrata ricushpaca, rumi shina upa cashca cachun. Mandaj Dioslla can agllashcacuna pasangacama chashna cachun. Can quishpichishca cai gentecuna pasangacama chashna cachun.

ÉXODO 15:17

Mandaj Dios cambaj urcumanmi yaicuchingui. Cambaj urcupimi tarpungui. Mandaj Dios can causanapaj maipi allichishcamanmi pushangui. Cambaj maquihuan rurashca cambajlla ucumanmi pushangui.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ISAÍAS 51:10

Mama cucha yacuta chaquichijpish quiquintajmari cangui. Jundu jatun yacucunatapish quiquintajmari chaquichircangui. Quishpichishcacunata ch'imbachingapaj, ucujta caj yacuta chaquichishpa ñanta rurajca quiquintajmari cangui.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

Efesios 2:4

Ashtahuanpish Diosca llaquij canapi charij cashpami, paipaj jatun c'uyaihuan ñucanchijtaca c'uyarca.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.