ÉXODO 15:11 - Dios Rimashca Shimicunami

¹¹ Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ÉXODO 15:11 Iomraidhean Croise

2 SAMUEL 7:22

Chaimantami Mandaj Dioslla tucuicunata yalli jatun nishca cangui. Can shinaca shujtajca mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

1 REYES 8:23

cashna nirca: “Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish cai pachapipish can Dios shinaca pi mana tiyanchu.

1 CRÓNICAS 16:25

Mandaj Diosca jatunmari, alabashca cana Diosmari. Shujtaj dioscuna shinaca mana canchu. Paica manchanataj Diosmari.

2 CRÓNICAS 2:5

Paipajca shuj jatun huasitamari shayachisha nini. Ñucanchij Diosca tucui dioscunata yalli jatun Diosmi.

2 CRÓNICAS 6:14

“Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish, cai pachapipish can Dios shinaca pi mana tiyanchu.

SALMOS 113:5

Mandaj Dios, ñucanchij Taita Dios shinaca ¿pitaj tiyangari? Pai shina jahuajman tiyacujca ¿pitaj tiyangari?

SALMOS 119:120

Ñuca aichaca quiquinta manchashcamanta chujchucunmari. Quiquin mandashcacunataca manchacunimari.

SALMOS 136:4

Jatun mancharinacunata rurajca paillamari. Paita alabaichigari. Pai llaquij canaca huiñaipajmari.

SALMOS 145:17

Mandaj Diospaj ñanca tucui imapipish cashcata rurajmi. Imata rurashpapish llaquij cashcahuanmi ruran.

SALMOS 22:23

Mandaj Diosta manchajcunaca paita alabaichigari. Jacobpaj huahua huahuacuna paitaca jatunyachichigari. Cancunaca Mandaj Diosta manchaichij. Israelpaj huahua huahuacunami canguichij.

SALMOS 35:10

Tucui ñuca tullucunami: “Mandaj Dioslla, quiquin shinaca ¿pitaj tiyangari? Quiquinca llaquilla caj runatapish paita yalli c'ari c'ari runa llaquichicujpi quishpichijmi cangui. Huajcha, imata mana charijcunatapish, quichujcunapaj maquimanta quishpichijmi cangui” nishami.

SALMOS 60:2

Allpata chujchuchinguimi. Chijtarijtamari chujchuchingui. Ashtahuanmari chujchucun. Chijtarishcacunataca allichihuayari.

SALMOS 66:5

¡Shamuichigari. Taita Dios imalla rurashcata ricuichigari. Huañujlla runacunapajca jatun mancharinacunatamari rurashca!

SALMOS 77:11

Mandaj Dios imallata rurashcatami yuyarisha. Ñaupa huatacunapi mancharinacunata quiquin rurashcatami ñucaca yuyarisha.

SALMOS 77:14

Taita Dioslla quiquinca mancharinacunata ruraj Diosmi cangui. Quiquin tucuita rurai tucuj cashcataca tucui llajtacunamanmi ricuchircangui.

SALMOS 77:19

Mama cucha chaupitami quiquinpaj ñanta surcurcangui. Jatun yacu chaupitami quiquin purinata rurarcangui. Chaimi quiquinpaj chaqui sarushcatapish pi mana ricui tucurca.

SALMOS 86:10

Quiquinca jatunmi cangui. Mancharinacunata rurajmi cangui. Quiquinllami Taita Dios cangui.

SALMOS 86:8

Jatun Dios, dioscunapaj chaupipica quiquin shinaca pi mana tiyanchu. Quiquinpaj rurashcacunahuanca pi rurashcacunataj igualangari.

SALMOS 89:18

Mandaj Diosca ñucanchij escudomari. Israelcunapaj jucha illaj Diosca ñucanchijta jatun mandajmari.

SALMOS 90:11

Quiquin p'iñarishcaca yallitaj mana jahualla cashcataca ¿pitaj entendi tucungari? Manchana shinataj manchachun quiquin yallitaj p'iñaricushcataca ¿pitaj entendi tucungari?

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

ÉXODO 20:3

Ñucapaj randi shujtaj dioscunata ama charinguichij.

ÉXODO 3:20

Ashtahuanpish Egiptopi causajcunataca, ñuca maquita chutashpa chai llajtapi mancharinacunata rurashpa paicunata llaquichijpimi, israelcunataca richun saquinga.

ÉXODO 8:10

Shina nijpi faraonca: –Cayataj mañapangui– nijpimi, Moisesca: –Ñucanchij Mandaj Dios shinaca, pi shujtaj mana tiyashcata can yachachunca can nishca punllapitajmi ruranga.

ÉXODO 8:6

Chashna nijpica Aaronca, Egipto llajtapi tiyaj tucui yacucuna jahuata paipaj caspita chutajpica, chai yacucunamantaca sapocuna llujshishpami, tucui Egipto llajtapi jundarirca.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

ISAÍAS 30:11

Mandaj Diospaj ñantaca saquichij, chai ñanta caticushcamantaca anchurichij. Israelcunapaj jucha illaj Diosmanta ñucanchij ñaupajpi rimanamantaca anchuichij” nincunami.

ISAÍAS 40:18

Taita Diostaca ¿imahuantaj ch'imbapurai tucunguichigari? Mana cashpaca paiman rijchajtapish imata mana rurai tucunguichijchu.

ISAÍAS 40:25

Jucha illaj Diosca: “Ñucaman rijchajtaca ¿imatataj ruranguichigari? ¿Ñucataca imahuantaj ch'imbapuranguichigari?” ninmi.

ISAÍAS 46:9

Ñaupa huatacunamanta ñuca imallata rurashcata yuyarichij. Ñucallami Dios cani, shujtaj Diosca mana tiyanchu. Ima shujtajca ñuca shinaca mana tiyanchu.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 6:3

Paicunaca caishuj chaishujmi: “¡Tucuita Mandaj Diosca, jucha illaj, jucha illaj, jucha illaj Diosmari! ¡Tucui allpapish paipaj achij nicuj cashcahuan jundamari!” nijcunami carca.

JEREMÍAS 10:16

Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

JEREMÍAS 49:19

Huirayashca sumaj animalta japinaman, Jordán yacu uri sachamanta león llujshij shinami, paicunataca llaquichinaman huichiyasha. Ñallami ñuca agllashca runata cachashpa, chai llajtamanta callpachigrini. ¿Pitaj ñuca shina cangari? Ñucahuanca ¿pitaj ch'imbapurai tucungari? Ñuca llaquichicujpica ¿pi michijtaj mitsai tucungari?” ninmi.

LEVÍTICO 19:2

“Tandanacushca tucui israelcunamanca cashna nishpa huillai: Mandaj ñuca cancunapaj Diosca ima jucha illaj cashcamanta, cancunapish ima jucha illajlla caichij.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

Lucas 12:5

Pita manchana cashcata yachachisha: Cancunaca causaita quichushpa ucu pachaman cachai tucuj Taita Diosta manchaichij. Paitatajca manchanami canguichij.

DEUTERONOMIO 1:30

Cancunata ñaupashpa ricuj Mandaj Dios, cancunapaj Taita Diosmi chaicunahuanca cancunapaj randi macanacunga. Egiptopi ima shinami cancunapaj ñaupajpi rurarca cunanpish chashnallatajmi ruranga.

DEUTERONOMIO 3:24

Mandaj Jatun Dios quiquinpajta ruraj ñucamanmi quiquinpaj tucuita ruraj cashcata, quiquinpaj maquica tucuita rurai tucuj cashcata ricuchi callarircangui. Quiquin rurashcacuna shinata ruraj, mancharinacunata ruraj shujtaj diosca jahua pachapipish, cai pachapipish mana tiyanchu.

DEUTERONOMIO 33:26

Jesurunpaj Taita Dios shinaca pi mana tiyanchu. Paica canta ayudangapajca jahua pachapi tiyarishcami puricun. Pai tucuita rurai tucuj cashcahuanca p'uyu jahuapimi puricun.

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.

Apocalipsis 13:4

Paicunaca, animalman mandanata cuj dragonta, chai animaltapishmi: “Cai animal shinaca, pi mana tiyanchu. Paihuanca ¿pitaj macanacui tucungari?” nishpami adorarcacuna.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 4:8

Chai causaiyuj chuscucunaca, tucuicunami sujta alascunata charircacuna. Chai alas jahuapipish, ucupipish ñahui luluncunahuan jundami carca. Paicunaca punllapish, tutapish mana samashpami: “¡Jucha illaj, jucha illaj, jucha illajca Jatun Diosmi. Tucuita Rurai Tucuj Taita Diosmi. Paica sarunpish, cunanpish paillatajmi. Paillatajmi shamunga!” nicurcallacuna.

1 SAMUEL 2:2

Mandaj Dios shina jucha illajca, mana tiyanchu. Can Dios shinaca pi shujtaj mana tiyanchu. Ñucanchij Dios shina huaquichijca pi mana tiyanchu.