ÉXODO 15:1 - Dios Rimashca Shimicunami

¹ Moisespish, tucui israelcunapish cai cantotami Mandaj Diosta alabashpa cantarcacuna: “Mandaj Diostami ñucaca cantasha. Paica jatun cashcahuan pillurishcami. Caballocunatapish, soldadocunatapish cuchapimi shitashca.

ÉXODO 15:1 Iomraidhean Croise

NEHEMÍAS 9:11

Paicunapaj ñaupajpimi mama cuchatapish chaupircangui. Chaimi chaquishca pambata ch'imbarcacuna. Llaquichingapaj caticujcunataca chai yacuhuanmi tapachircangui. Paicunaca rumi shinami mama cucha ucujman saquirircacuna.

JOB 36:24

Tucuicunami pai imalla rurashcacunataca ricuncuna. Canpish paita jatunyachinata yuyariyari.

SALMOS 105:43

Paipaj cajcunataca cushicuihuanmi llujshichirca. Pai agllashcacunataca cushicuihuanmi llujshichirca.

SALMOS 106:12

Chaipimi pai rimashcataca crircacuna. Paita alabashpami cantarcacuna.

SALMOS 107:15

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 107:8

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 32:7

Mandaj Dioslla quiquinca ñuca miticunami cangui. Ñuca llaquihuan cajpipish huaquichinguimi. Llaquimanta llujshishca cashpa cantana cantocunahuanmi ñucataca muyunchingui. Selah

SALMOS 76:6

Jacobpaj Taita Dioslla, quiquin sinchita rimajpica carropish, caballopish mana cuyuri tucurcachu.

SALMOS 76:7

Quiquinca manchana Diosmari cangui. Nina sindirij shina quiquin p'iñarijpica ¿pitaj quiquinpaj ñaupajpi shayari tucungari?

ÉXODO 14:26

Mandaj Diosca Moisestaca: –Egipciocunatapish, carrocunatapish, caballopi tiyarishcacunatapish, yacu tapachun cucha jahuata cambaj maquita chutai– nircami.

ÉXODO 14:27

Shina nijpi Moisés paipaj maquita cucha jahuata chutajpi ña pacaricuitaca, chai yacuca ñaupaman ima shina cashca shinallamantaj tucui fuerzahuan tigrajpimi, egipciocuna tigrashpa callpagrishpaca chai yacupi millpurircacuna. Chashnami Mandaj Diosca egipciocunataca chai cuchapi chingachirca.

ÉXODO 15:21

Mariaca cashna nishpami cantarca: “Mandaj Diosta cantaichij. Paica jatun cashcahuan pillurishcami. Caballocunatapish, soldadocunatapish cuchapimi shitashca” nishpami cantarca.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

PROVERBIOS 29:6

Millai runaca juchallapitaj tsagnarishpa urmanllami. Ashtahuanpish cashcata ruraj runaca, cushicuihuan cantashpami causan.

ISAÍAS 42:10

Mandaj Diosta cantaichij. Shuj mushuj cantota cantaichij. Paitaca tucui cai pachamanta cajcuna alabaichij. Mama cuchaman uriyajcunapish alabaichij. Chaipi imalla tiyajcunapish alabaichij. Cucha c'uchupi tucui causajcunapish alabaichij.

JEREMÍAS 51:21

Cancunahuanmi caballocunatapish tiyarijcunandijta huañuchisha. Cancunahuanmi carretacunatapish, chaicunapi purijcunandijta tucuchisha.

OSEAS 2:17

Baal dioscunapaj shuticunata rimanataca paipaj shimimanta anchuchishami. Chaimi chai dioscunapaj shuticunataca, ña nunca manataj rimangacuna.

HABACUC 3:18

ñucaca Mandaj Dioshuanmi cushicusha. Ñucaca, ñucata quishpichij Taita Diospimi cushicuita charini.

NÚMEROS 21:17

Chaipimi israelcunaca cashna cantarcacuna: “¡Yacu, cai pugyumanta llujshiyari! ¡Taita Diosta cantayari!

Colosenses 2:15

Cristota cruzpi chacatashpa, tucuita mishashpami punta mandajcunatapish, mandanata charijcunatapish anchuchishpa tucuicunata paipaj ñaupajpi cumurichirca.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.