ÉXODO 14:8 - Dios Rimashca Shimicunami

⁸ Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 14:8 Iomraidhean Croise

SALMOS 105:43

Paipaj cajcunataca cushicuihuanmi llujshichirca. Pai agllashcacunataca cushicuihuanmi llujshichirca.

SALMOS 86:13

Quiquin llaquij cashcaca ñucapajca yallitaj jatunmari. Seol ucujman rinamantamari ñuca almataca quishpichircangui.

ÉXODO 10:27

Mandaj Dios faraonpaj shunguta rumi shunguta rurajpimi, israelcuna richunca mana saquishpa,

ÉXODO 13:16

Mandaj Dios tucuita rurai tucuj maquihuan Egiptomanta llujshichimushcataca cambaj maquipi, mana cashpaca ñahui patapi ricunapaj churashca shinami cancunataca yuyachicungalla nishpa huillanguichij” nircami.

ÉXODO 13:18

Taita Diosca israelcunataca shitashca pambata Puca Cuchaman rina ñanta muyuchishpami pusharca. Israelcunaca Egiptomantaca tucuicunami soldadocuna shina mirga mirgapi ch'icanchishca huichiyarcacuna.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 14:4

Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 14:7

600 agllashca alli carrocunatapish, Egipto llajtapi tiyaj tucui carrocunatapish tandachishpami, cada carropi mandajcunata churashpa rirca.

ÉXODO 15:9

P'iñajca cashnami nirca: Paicunataca cati japijtami risha. Mirga mirgatami rurasha. Quichushcacunatapish chaupicushami. Chashna rurashpami ñuca almaca samaringa. Ñuca espadata llujshichishami. Ñuca maquihuanmi tucuchisha nircami.

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 6:1

Shina nijpi Mandaj Diosca Moisestaca: –Faraonta ñuca imata rurajtaca cunanmi ricungui. Ñuca maquihuan sinchita llaquichijpimi paipaj llajtamanta richun saquinga. Ñuca maquihuan sinchita llaquichijpimi pai quiquintaj richun saquinga– nircami.

ÉXODO 9:12

Mandaj Diosllataj faraonta rumi shunguta rurajpimi, Mandaj Dios Moisesman nishca shinallataj mana uyarca.

LAMENTACIONES 3:65

Paicunapaj shungu sinchiyachun saquilla. Can cachasha nishca llaquitaca paicunapaj jahuapi cacharitagari.

LEVÍTICO 26:13

Ñucaca Mandaj Diosmi cani, cancunapaj Diosmi cani. Egiptopi ama huatashca shina ruraj cachunmi llujshichimurcani. Yugopi huatashca angucunataca ñucami p'itircani. C'ari c'ari purichunmi churarcani.

NÚMEROS 33:3

Israelcunaca Egiptopi caj Ramesés pueblomantaca, huata callari punta quillapi, chai quillapaj chunga pichca punllapimi llujshimurcacuna. Paicunaca Pascua cayandij punllami tucuita rurai tucuj maquihuan llujshichijpi egipciocuna ricucujllapitaj llujshimurcacuna.

Hechos 13:17

Ñucanchij israelcunapaj Taita Diosca, ñucanchij ñaupa yayacunatami agllarca. Paicunataca Egipto llajtapica, carumanta rishcallacuna cajpipish achcatami mirachirca. Chai q'uipaca Taita Diosca tucuita rurai tucuj cashcahuanmi Egiptomantaca llujshichirca.

DEUTERONOMIO 26:8

Ñucanchijtaca Mandaj Diosmi paipaj tucuita rurai tucuj maquihuan, paipaj rigrata chutashpa jatun mancharinacunata rurashpa señalcunata milagrocunata rurashpa Egiptomantaca llujshichimurca.

DEUTERONOMIO 32:27

Paicunata p'iñajcuna c'amishpa ñucata asichunca mana munashpami, mana chashna chingachircani. Chai runacuna pugllachunmi mana munarcani. Chai runacunataca: 'Mana Mandaj Dioschu cashna chingachin. Ashtahuanpish ñucanchij alli c'ari c'aricuna cashpami chashna tucuchinchij nishpami' jatun tucunmancuna carca.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

JUECES 4:7

Ñucaca jatun mandaj Jabinpaj soldadocunata mandaj Sisaratami Cisón jatun yacuman paipaj carrocunandij, soldadocunandij cambajman shamuchun yuyaita cugrini. Chaipimi paicunataca cambaj maquipimi churasha nishpa Mandaj Diosca ¿manachu nirca?– nircami.