ÉXODO 14:7 - Dios Rimashca Shimicunami

⁷ 600 agllashca alli carrocunatapish, Egipto llajtapi tiyaj tucui carrocunatapish tandachishpami, cada carropi mandajcunata churashpa rirca.

ÉXODO 14:7 Iomraidhean Croise

GÉNESIS 50:9

Carrocunapi purij soldadocunapish, caballocunapi purij soldadocunapish paihuanmi huichiyarcacuna. Tucui paicunami huashan huashan sumajta filapi Josehuan rircacuna.

SALMOS 20:7

Shujtajcunaca carrocunallapimi shunguta churan. Caishujcunaca caballocunallapimi shunguta churan. Ashtahuanpish ñucanchijca, ñucanchij Mandaj Diospimi shunguta churanchij. Pai yuyaillami canchij.

SALMOS 68:17

Taita Diospaj carrocunaca huaranga, huarangacunamari. Jatun Diosca Sinaí urcumantami paipajlla huasimanca shamun.

ÉXODO 14:23

Egipciocunaca israelcunata catishcami, caballopi tiyarishca faraonpaj soldadocunandij, carrocunandij, yaicushpa chaupi cuchacama rircacuna.

ÉXODO 14:6

Chashna nishcahuanmi jatun mandajca, paipaj carrota caballocunahuan aisachishpa paipaj soldadocunata pushashpa rirca.

ÉXODO 14:8

Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 15:4

Faraonpaj carrocunatapish soldadocunatapish, cuchapimi shitarca. Soldadocunata mandaj tucuimanta yalli allicunatapish Puca Cuchapimi huashicuchirca.

ISAÍAS 37:24

Cambajta rurajcunata cachashpami, Jatun Diostaca cashna c'amichircangui: Ñuca achca carrocunahuanca jatun urcucunamanmi huichiyasha. Mana huichiyaipaj Líbano urcumanpish huichiyashami. Chaipi caj jatun cedro yuracunatapish p'itishami. Ashtahuan alli cipres yuracunatapish p'itishami. Ashtahuan jahuaman caj lomacunamanmi chayasha. Tucui laya q'uihuacuna tiyan yuracuna junda pambacunamanmi chayasha niringuimi.

JUECES 4:15

Ña macanacungapaj shayarijpica, carropi caj soldadocunatapish, caishuj soldadocunatapishmi Baracpaj espadata manchana yuyaita Mandaj Diosca curca. Chaimi Sísara runaca paipaj carromanta uriyashcahuan chaquillahuan miticunaman callparca.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.