ÉXODO 14:5 - Dios Rimashca Shimicunami

⁵ Egipto llajtapi causajcunaca, paicunata jatun mandajmanca: “Israelcunaca ñami cai llajtamanta llujshishpa rincuna” nishpa huillajpimi, faraonpish, paipajta rurajcunapish cutin p'iñarishpaca: “Israelcuna ñucanchijta ama ashtahuan ruraj cachun paicuna richun saquishpaca ¿imatataj rurashcanchijchu imamí?” ninacurcacuna.

ÉXODO 14:5 Iomraidhean Croise

GÉNESIS 31:22

Jacob pacalla rishcataca, quimsa punlla q'uipami Labanmanca huillarcacuna.

SALMOS 105:25

Chai llajtapi causajcunapaj shungupica pai agllashcacunata p'iñana yuyaitami churarca. Paipajta rurajcunata llaquichinata yuyarichunmi chashna yuyaita churarca.

ÉXODO 12:33

Egipciocunaca: “Tucuicunami ña huañugrinchij” yuyashpami, israelcunataca: “Cai llajtamanta utca richij” nishpa llujshichishpa cacharcacuna.

ÉXODO 14:4

Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 14:6

Chashna nishcahuanmi jatun mandajca, paipaj carrota caballocunahuan aisachishpa paipaj soldadocunata pushashpa rirca.

ÉXODO 15:9

P'iñajca cashnami nirca: Paicunataca cati japijtami risha. Mirga mirgatami rurasha. Quichushcacunatapish chaupicushami. Chashna rurashpami ñuca almaca samaringa. Ñuca espadata llujshichishami. Ñuca maquihuanmi tucuchisha nircami.