ÉXODO 14:4 - Dios Rimashca Shimicunami

⁴ Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 14:4 Iomraidhean Croise

NEHEMÍAS 9:10

Mancharina, pi mana rurai tucuipajta rurashpami Faraontaca llaquichircangui. Paipajta rurajcunatapish chashnallatajmi rurarcangui. Tucui chai llajtapi causajcunatapish chashnallatajmi rurarcangui. Paicuna jatun tucushpa israelcunata yallitaj llaquichishcamantami chashna rurarcangui. Cunan punllapi ricuchij shinallatajmi chai punllapipish quiquinpaj shutitaca jatun cashcata ricuchishcangui.

ÉXODO 10:2

Egipto llajtapi imallata rurashcata, paicunapurapi milagrocunata rurashcata cambaj churicunaman, cambaj nietocunaman huillachunmi chashna rurarcani. Chaita ricushpami cancunapish ñucataca Mandaj Dios cashcata yachanguichij– nircami.

ÉXODO 10:27

Mandaj Dios faraonpaj shunguta rumi shunguta rurajpimi, israelcuna richunca mana saquishpa,

ÉXODO 12:28

Israelcunaca Moisesta, Aaronta Mandaj Dios ima shinalla mandashca shinami chaitataj tucuita rurarcacuna.

ÉXODO 14:23

Egipciocunaca israelcunata catishcami, caballopi tiyarishca faraonpaj soldadocunandij, carrocunandij, yaicushpa chaupi cuchacama rircacuna.

ÉXODO 14:25

paicunapaj carrocunapaj ruedacunatapish llujshijpi chai carrocunapish urata janajta llaqui tucurcacuna. Chaimi egipciocunaca: –Israelcunamanta anchushpa callpashunchij. Mandaj Diosmari paicunapaj randi egipciocunahuan macanacugrin– nircacuna.

ÉXODO 14:3

Chaimi faraonca israelcunataca: Israelcunaca maiman rinatapish mana yachajchu yuyachin, chai shitashca pamballapimi chingarishpa puricunllacuna yuyanga.

ÉXODO 14:5

Egipto llajtapi causajcunaca, paicunata jatun mandajmanca: “Israelcunaca ñami cai llajtamanta llujshishpa rincuna” nishpa huillajpimi, faraonpish, paipajta rurajcunapish cutin p'iñarishpaca: “Israelcuna ñucanchijta ama ashtahuan ruraj cachun paicuna richun saquishpaca ¿imatataj rurashcanchijchu imamí?” ninacurcacuna.

ÉXODO 14:8

Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ÉXODO 7:17

Mandaj Diosca: Mandaj Diostaj ñuca cashcataca caita ricushpami rijsingui ninmi: Chaimanta cunan ñuca maquipi charicun caspihuan jatun yacupi huajtajpica, chai yacuca yahuarmi tucunga.

ÉXODO 7:3

Ashtahuanpish faraonpaj shungutaca ñucami sinchiyachisha. Ñucallatajmi Egiptopica, milagrocunatapish, jatun mancharinacunatapish ashtahuan mirachisha.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

ÉXODO 9:16

Ñucaca imatapish rurai tucuj cashcata canpi ricuchishpa, tucui cai pachapi ñuca shuti huillashca cachunmi cantaca churarcani.

EZEQUIEL 20:9

Chashna nishca cashpapish, shujtaj llajtacunapi causajcunapaj ricuipi ama yangata rurashca cangapaj, ñuca shutipish alli nishca cangapajmi paicunataca mana llaquichircani. Chai llajtapi causajcunapaj ñahuipica, rijsishcami tucurcani. Chaimantami israelcunataca, Egipto llajtamanta llujshichircani.

EZEQUIEL 28:22

Cashna ningui: Mandaj Jatun Diosca cashnami nin: Sidón pueblolla, canhuanca ñucaca p'iñami cani. Ñucaca cambaj chaupipimi jatunyachishca casha. Jucha illaj cashpa canta llaquichijta ricushpami, ñucataca Mandaj Diostaj cashcata yachangacuna.

EZEQUIEL 32:15

Shinallataj Egipto llajtata shitashcata saquijpi, chaipi imalla tiyajcunatapish quichushpa tucuita apajpi, chaipi causajcunatapish tucuita huañuchijpimi, ñucataca Mandaj Diostaj cashcataca yachangacuna.

EZEQUIEL 38:16

Ñuca agllashca israelcunataca llaquichinaman huichiyashpami, paicuna causacun llajtataca p'uyu shina tapanguichij. Mandaj Gog runalla, shujtaj llajtacunapi causajcunapaj ñaupajpi, ima juchachina illajlla cangapajmi, ñuca agllashcacunataca llaquichichun ñucallataj cachasha ninmi.

EZEQUIEL 38:23

Chashna rurashpami, shujtaj llajtacunapi causajcunapaj ñahuipica, ima juchachina illajlla casha, jatunyachishcapishmi casha. Chashna rurajta ricushpami ñucataca, Mandaj Diostaj cashcataca yachangacuna ninmi ningui.

EZEQUIEL 39:13

Chai llajtapi causajcunami, chai huañushcacunataca tucui pambangacuna. Ñucata jatunyachishcamantami chai punllaca paicunapajca, yuyarina punlla canga. Mandaj Jatun Diostajmi chashna nini.

LEVÍTICO 10:3

Chai q'uipami Moisesca, Aarontaca: –Cashna tucunataca Mandaj Diosca ña nircallatajmi. Paica: Ñucapajman c'uchuyajcunapimi ñucaca ima jucha illaj cashcata ricuchisha. Ñucaca tucui israelcunapaj ñaupajpimi jatunyachishca casha nijpica Aaronca upajlla carcallami.

Romanos 11:8

Cashnami quillcashca tiyacun: “Dios, paicunaman ch'ahuanyachij espirituta cushcamantami, cunan punllacama mana ricuj ñahui, mana uyaj rinrin tucuncuna” ninmi.

Romanos 9:17

Quillcachishcapica Faraonmanca: “Ñuca poderta canpi ricuchingapaj, ñuca shutipish tucui cai pachapi huillashca cachunmi, cantaca jatun mandajta churarcani” ninmi.

Romanos 9:18

Chashna cashpami Diosca, maijanta llaquisha nishcataca llaquin, maijanpaj shunguta sinchiyachisha nishpaca sinchiyachin.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

JUECES 4:7

Ñucaca jatun mandaj Jabinpaj soldadocunata mandaj Sisaratami Cisón jatun yacuman paipaj carrocunandij, soldadocunandij cambajman shamuchun yuyaita cugrini. Chaipimi paicunataca cambaj maquipimi churasha nishpa Mandaj Diosca ¿manachu nirca?– nircami.