ÉXODO 14:22 - Dios Rimashca Shimicunami

²² Chaupi yacuca lluqui ladoman, chaupica alli ladoman jatun patacuna shina tucujpimi, chaupi mama cuchata chaquishca allpata ch'imbangapaj israelcunaca yaicurcacuna.

ÉXODO 14:22 Iomraidhean Croise

2 REYES 2:14

Chaipimi, Eliasmanta urmashca churanata japishpa yacupi huajtashpaca: “Eliaspaj Taita Dios, Mandaj Dios ¿maipitaj canguiyari?” nishpa chai churanahuan yacuta cutin huajtajpi, chai yacuca ura ladoman janaj ladoman chaupirijpi, Eliseoca ch'imbarca.

2 REYES 2:8

Chaipica Eliasca, paipaj jahua churanata japishpa doblashpa yacuta huajtajpimi, uriman huichiman yacu chaupirijpi chaquishca pambata ishquindij ch'imbarcacuna.

NEHEMÍAS 9:11

Paicunapaj ñaupajpimi mama cuchatapish chaupircangui. Chaimi chaquishca pambata ch'imbarcacuna. Llaquichingapaj caticujcunataca chai yacuhuanmi tapachircangui. Paicunaca rumi shinami mama cucha ucujman saquirircacuna.

SALMOS 106:9

Puca Cuchata sinchita rimajpica chaquirircallami. Chaquishca pambata shina rurashpamari chaita ch'imbachirca.

SALMOS 136:13

Puca Cuchata ishquipi chaupijta alabaichigari. Pai llaquij canaca huiñaipajmari.

SALMOS 136:14

Israelcunata chai cucha chaupita ch'imbachijta alabaichigari. Pai llaquij canaca huiñaipajmari.

SALMOS 66:6

Mama cuchaca chaquishca allpamanmi tigrarca. Jatun yacu chaupitaca chaquillahuanmi ch'imbarcacuna. Chaimantami Taita Diospi cushicunchij.

SALMOS 74:15

Pugyucunatapish, purij yacucunatapish quiquinmari llujshichircangui. Mana chaquiripaj jatun yacutapish chaquichircanguimari.

SALMOS 78:13

Mama cuchatami ishquipi chaupirca. Chaitami paicunataca ch'imbachirca. Yacutaca patacunata shinami rurarca.

ÉXODO 14:29

Ashtahuanpish israelcunaca chai yacu alli ladomanpish lluqui ladomanpish pata shina tucushcatami, chaupi cuchata chaquishca allpata rircallacuna.

ÉXODO 15:19

Faraonpaj caballocuna paipaj carrocunandij, gentecunandij mama cuchaman yaicujpica, chai mama cucha montonarishcatami Mandaj Diosca paicunapaj jahuaman cacharirca. Ashtahuanpish israelcunaca chaupi cuchatami chaquishca allpata ch'imbarcacuna.

ÉXODO 15:8

Can p'ucujpica yacucunaca patami tucurca. Volacuj yacupish patami tucurca. Ucujta yacuca patami tucurca.

ISAÍAS 11:15

Mandaj Diosca, Egiptopi caj mama cucha asha llujshirishca yacutapish chaquichingami. Paipaj maquita chutashpa paipaj tucuita rurai tucuj cashcahuan p'ucushpami, Egiptopi caj yacutaca canchispi chaupirishpa ricujta ruranga. Chaitami israelcunataca, pargatecunata churashcallatataj ch'imbachinga.

ISAÍAS 11:16

Israelcuna mana huañushpa saquirishcacuna Asiriamanta tigracujpica, israelcunata Egiptomanta ñanta pascashpa llujshichimucushca shinallataj ñanmi canga.

ISAÍAS 43:16

Mama cucha chaupita ñanta pascaj, jatun yacucuna chaupita ñanta pascaj, Mandaj Diosca cashnami nin:

ISAÍAS 51:10

Mama cucha yacuta chaquichijpish quiquintajmari cangui. Jundu jatun yacucunatapish quiquintajmari chaquichircangui. Quishpichishcacunata ch'imbachingapaj, ucujta caj yacuta chaquichishpa ñanta rurajca quiquintajmari cangui.

ISAÍAS 63:12

¿Paipaj tucuita rurai tucuj rigrahuan Moisespaj alli maquihuan pushachijca maitagari? ¿Paicunapaj ñaupajpi jatun cucha yacuta chaupishpa paica huiñaipaj cashcata ricuchij Diosca maipitagari?

ISAÍAS 63:13

¿Jatun yacu cuchata chaquichishpa chaita ch'imbachijca maipitagari? ¿Shitashca pambata caballocuna mana ñitcashpalla rijta shina ch'imbachij Diosca maipitagari?

ZACARÍAS 2:5

Jerusalentaca, ñucami lunyacuj ninahuan muyundijta pircashca shina jarcasha. Ñucaca jatun cashcata ricuchingapajmi, paicunapaj chaupipica cashna ninmi nigri” nishpami huillarca.

NÚMEROS 33:8

Pi-hahirotmanta rishpaca, Puca Cuchata ch'imbashpami, shitashca pambaman chayarcacuna. Etam shuti shitashca pambataca quimsa punllata purishpami, Maraman chayashpa carpa huasicunata shayachishpa tiyarircacuna.

1 Corintios 10:1

Huauquicuna, ñucanchij yayacunaca tucuicuna p'uyu pacashca cashcata, mama cuchatapish tucuicuna ch'imbashcataca mana yachashca shina cachunca mana munanichu.

Hebreos 11:29

Crishcamantami israelcunaca, Puca Cucha yacutaca, chaquishca allpa cashca shinata ch'imbarcacuna. Egipciocunapish chashnallataj ch'imbashun nishpa yaicujpica, ashtahuanpish millpurcami.

JOSUÉ 3:16

Chaimi janajmanta shamucuj yacuca Saretán pueblo c'uchupi caj Adam shuti pueblomanta carupi jarcarirca. Israelcuna ch'imbacushcamanta uriman ricuj yacupish, Arabá shuti pambapi caj Cachisapa Cuchacamami chaquirca. Chai yacu chashna chaquijpimi, tucui israelcuna Jericó pueblo derechota ch'imbarcacuna.

JOSUÉ 3:17

Tucui israelcuna ch'imbangacamami curacunaca, Dioshuan ari ninacushca quillcata huaquichina arcahuan, Jordán yacu chaquirishca chaupipi imata mana manchashpa shayacurcallacuna. Israelcunaca tucuicunami chaquishca allpata ch'imbarcacuna.

JOSUÉ 4:22

Jordán jatun yacu chaupirijpi, tucui israelcuna chaquishca allpata ch'imbashcata ricuchijmi nishpa huillanguichij nircami.

1 SAMUEL 25:16

Paicuna chaipi cajpi ovejacunata ñucanchij michicui punllacunapica tutapish punllapish paicunaca ñucanchijpajca muyujta pirca shinami carca.