ÉXODO 14:16 - Dios Rimashca Shimicunami

¹⁶ Israelcuna cucha chaupita chaquishca allpata ch'imbachun, canca cambaj caspita alzashpa, cambaj maquita cucha ladoman chutashpa yacuta ishquindij ladoman chaupi.

ÉXODO 14:16 Iomraidhean Croise

2 REYES 4:29

Shina nijpi Eliseoca, Giezi runataca: –Chumbillirishpa, ñuca taunata japishpa chai huarmipaj huasiman ri. Ñanpi pi tupajpipish ama allillachu cangui ningui. Pi canta allillachu cangui nijpipish, upalla ringui. Ña chayashpaca huambrapaj ñahui jahuapi ñuca taunata churangui– nirca.

ÉXODO 14:15

Chaipimi Mandaj Diosca Moisestaca: –¿Ima nishpataj ñucata caparingui? Ashtahuanpish israelcunataca maiman ricushcaman rishpa catichun mandai.

ÉXODO 14:26

Mandaj Diosca Moisestaca: –Egipciocunatapish, carrocunatapish, caballopi tiyarishcacunatapish, yacu tapachun cucha jahuata cambaj maquita chutai– nircami.

ÉXODO 17:5

Mandaj Diosca Moisestaca: –Israelcunata cunaj yuyajcunata maijancunata pushashpa, ñaupashpa jatun yacuta huajtashca caspitapish apashpa ri.

ÉXODO 17:6

Ñucaca Horeb peña urcu jahuaman ñaupashpa rishpami, chaipi canta shuyacusha. Chai peña urcupi can huajtajpica, tucui paicuna ubyachun yacu llujshingallami– nircami. Moisesca israelcunata cunaj yuyajcunapaj ñaupajpimi chashna rurarca.

ÉXODO 4:17

Cai caspitaca apangui. Chaihuanmi milagrocunata rurashpa ricuchingui– nircami.

ÉXODO 4:2

Mandaj Diosca: –¿Cambaj maquipi charicunca imatagari?– nijpi Moisesca: –Shuj caspillatami charicuni– nirca.

ÉXODO 4:20

Chaimi Moisesca paipaj huarmita, paipaj huahuacunatapish burropi tiyachishpa Egiptoman tigrarca. Moisesca Taita Diospaj caspitapish aisashcami rirca.

ÉXODO 7:19

Mandaj Diosca, Moisestaca cashnapishmi nirca: –Aarontaca: Egiptopica jatun yacupish, huaicuta rij yacupish, tandashca tanque yacupish, maillapi yacuta tandashcacunapish, caspimanta, rumimanta rurashcacunapi tiyaj yacucunapish yahuar tucushpa Egipto llajtapica, yahuarhuan junda cachun cambaj caspita japishpa tucui chai yacucuna jahuata chutai ni– nircami.

ÉXODO 7:9

–Faraón: Shuj milagrota rurashpa ricuchi nijpica, Aarontaca: Culebra tucuchun cambaj caspita japishpa faraonpaj ñaupajpi shitai ningui– nircami.

ISAÍAS 10:26

Tucuita Mandaj Diosca israelcunata llaquichijta llaquichingapajca, azotinatami alzanga. Oreb c'acapi Madiancunata huañuchij shinallatajmi huañuchinga. Paipaj caspitaca cucha jahuatami chutanga. Egipto ñanpi rurashca shinallatajmi ruranga.

HABACUC 3:8

Mandaj Dioslla, ¿canca jatun yacucunahuanchu p'iñaringui imatagari? ¿Canca jatun yacucunahuanchu p'iñarircangui? ¿Canca cambaj caballocunapi, cambaj mishana carretacunapi tiyarishpachu jatun mama cucha yacuta ch'imbarcangui?

NÚMEROS 20:11

Moisesca, paipaj maquita alzashpa pai charicushca tauna caspihuanmi peña urcutaca ishqui cutin garrotirca. Chaipi achca yacu llujshijpimi israelcunapish, paicunapaj animalcunapish yacuta ubyarcacuna.

JOSUÉ 8:18

Chaipimi Mandaj Diosca Josuetaca: “Can charicun lanzata Hai pueblo ladoman ricuchi. Paicunataca ñami cambaj maquipi churagrini” nijpimi Josueca, pai charicushca lanzata chai pueblo ladoman ricuchirca.