ÉXODO 14:13 - Dios Rimashca Shimicunami

¹³ Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 14:13 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 46:3

Chaipimi Taita Diosca: –Ñucaca cambaj yayapaj Taita Diosmi cani. Egiptoman uriyanataca ama manchaichu. Chaipimi canmantaca jatun llajtata rurasha.

GÉNESIS 49:18

Mandaj Dioslla, can quishpichinallatami shuyashpa catini.

2 REYES 6:16

Shina nijpimi Eliseoca: –Ama manchaichu, ñucanchijhuan cajcunamari paicunahuan cajcunata yalli– nirca.

1 CRÓNICAS 11:14

Davidhuan Eleazarhuanca chagra chaupipi shayarishpa macanacushpaca filisteocunata misharcacuna. Mandaj Diosmi paicunataca jahualla mishachirca.

2 CRÓNICAS 20:15

Chaimantami cashna nirca: “Tucui Judá llajtapi causajcunapish, cai Jerusalenpi causajcunapish, can jatun mandaj Josafatpish caita uyaichij: Mandaj Diosca cashnami nin: Chai tucui achcacunata ricushpapish ama manchaichijchu, ama chujchuichijchu. Cai macanacuipica, mana cancuna macanacugringuichijchu, ñucamari macanacugrini.

2 CRÓNICAS 20:17

Cunanpica mana cancuna macanacunachu canguichij, ashtahuanpish casijlla shayanguichijlla. Chashnami ñucataj cancunata quishpichijta ricunguichij. Judá llajtapi causajcunapish, Jerusalenpi causajcunapish ama manchaichijchu, ama huashayaichijchu. Cayataj tupanaman llujshichij. Mandaj Dios ñucatajmi cancunahuan casha ninmi” nircami.

NEHEMÍAS 9:9

Ñucanchij ñaupa yayacunataca Egiptopi llaquita apacujtami ricurcangui. Puca cuchapi paicuna caparishpa mañashcata uyarcanguimi.

SALMOS 3:8

Quishpirinaca Mandaj Diosmantami shamun. Can agllashcacunamanca allicunata cuhuayari. Selah

SALMOS 68:21

Taita Diosca paita p'iñajcunapaj umataca chugrichingami. Juchacunallapi purijpaj ajcha sapa umatapish chugrichingami.

SALMOS 78:53

Alli cuidashpami ñaupamurca. Ima manchai illajlla cachunmi chashna pushamurca. Ashtahuanpish paicunata p'iñajcunataca mama cuchami millpurca.

SALMOS 91:8

Diosta mana rijsijcuna paicuna japina cashcaca imalla cashcataca, cambaj ñahuihuantajmi ricungui.

ÉXODO 14:30

Chashnami chai punllaca, Mandaj Diosca israelcunataca egipciocunapaj maquimanta quishpichirca. Israelcunaca egipciocunataca mama cucha uripi huañushca siricujtami ricurcacuna.

ÉXODO 20:20

Shina nijpi Moisesca israelcunamanca: –Ama manchaichijchu, Taita Diosca paita manchashpa ama juchallichun cazujta mana cazujta ricungapajmari shamurca– nircami.

ISAÍAS 26:3

Mandaj Dioslla, quiquinpi yuyaita churashpa chaitataj rurashpa catijtaca quiquinmi manataj pi cuyuchipaj sumaj causaipi huaquichingui. Quiquinpi shunguta churashcamantami chashna huaquichingui.

ISAÍAS 30:15

Israelcunapaj jucha illaj Mandaj Jatun Diosca cashnami nin: “Ñucaman cutirishpa, ñucallahuan tucushpaca quishpichishcami canguichij. Ñucapi shunguta churashpa, casijlla causajpica muyujta pirca shinami casha” nircanimi. Ashtahuanpish cancunaca mana uyashpa,

ISAÍAS 35:4

Manchacuj shungucunataca: “¡Ama manchashpa c'ari c'ari caichijlla! Riquichij cancunapaj Diosca paicuna ima shina cashca shinallataj llaquichingapajmi shamucun. Diosca paitaj shamushpami cancunataca quishpichinga” nichigari.

ISAÍAS 43:11

Ñucaca Mandaj Dios ñucami cani. Pi shujtaj quishpichij mana tiyanchu” ninmi.

ISAÍAS 7:4

Jatun mandajtaca cashna ni: Siria llajtamanta caj Rezinpish, Remaliaspaj churipish p'iñarishcaca ishqui caspi rupashpa cushnicuj shinallami. Chaitaca alli chaparashpa ama manchaichu nigri.

JEREMÍAS 3:23

Lomacunapi, urcucunapi caparirishpa mañagrinaca yangallami. Ñucanchij israelcunamanca ñucanchijta Mandaj Diosllamari quishpirinata cun.

LAMENTACIONES 3:26

Mandaj Dios quishpichichun casijlla shuyanaca allimari.

OSEAS 1:7

Shina cashpapish judacunataca llaquishami. Mandaj paicunapaj Taita Dios ñucallatajmi quishpichisha. Paicunataca arcohuan, espadahuan, macanacuihuan, caballopi tiyarishca soldadocunahuanca mana quishpichishachu” nircami.

OSEAS 13:4

Ashtahuanpish ñucaca: “Egiptomanta llujshichimui pachamanta Mandaj cancunapaj Taita Diosmi cani. Manapish dioscunataca caimi dios ama” ninguichij. Shujtajtaca caimi quishpichij ama ninguichij. Ashtahuanpish ñucallata: “Quishpichijmi cangui” ninguichij.

OSEAS 13:9

Israel, canca chingarircanguimari. Canta ayudanaca ñucapimari.

HABACUC 3:13

Canca cambaj agllashcacunatapish, can agllashpa churashca mandajtapish mitsanamanmi llujshircangui. Canta mana manchaj runapaj huasi c'atataca, tucuimi urmachircangui. Yacu rumi ricuringacamami, callari rumicunataca, mashcashpa llujshichircangui. Selah

HABACUC 3:8

Mandaj Dioslla, ¿canca jatun yacucunahuanchu p'iñaringui imatagari? ¿Canca jatun yacucunahuanchu p'iñarircangui? ¿Canca cambaj caballocunapi, cambaj mishana carretacunapi tiyarishpachu jatun mama cucha yacuta ch'imbarcangui?

NÚMEROS 14:9

Shina cashcamanta Mandaj Diosta c'ariyashpa ama p'iñachichijchu. Chai llajtapi causajcunataca ama manchaichijchu. Paicunataca ñucanchijca tandata micuj shinallami chingachishun. Paicunata ayudajca paicunamanta anchurishcami. Ashtahuanpish Mandaj Diosmari ñucanchijhuanca. Chaimanta ama manchaichijchu– nircacunami.

Mateo 28:5

Ashtahuanpish angelca, chai huarmicunamanca: “Cancunaca ama manchaichijchu. Chacatashca cashca Jesusta mashcacujtaca, ñucaca yachanimi.

DEUTERONOMIO 20:3

cashna ninga: Uyaichij israelcuna, cancunata p'iñajcunahuan macanacungapajmari ña tandanacunguichij. Paicunapaj ñaupajpica ñataj cancunapaj shungupi manchashpa yuyai illaj tucunguichijman, ama chujchunguichijchu, ama fuerza illaj tucunguichijchu.

1 SAMUEL 11:13

Chaimi Saulca: –Mandaj Dios israelcunapaj quishpirinata apamushcamantaca cunan punllaca pi mana huañungachu– nijpi,

1 SAMUEL 12:16

Cunanca ashallata shuyashpa, Mandaj Dios cancunapaj ñaupajpi jatun mancharinata rurajta ricuichij.