ÉXODO 14:12 - Dios Rimashca Shimicunami

¹² ¿Manachu Egiptopi ñucanchij nishca shinallataj tucucunchij? Ñucanchijca: Egiptopi cashpallatajmi egipciocunapajta rurashpa causachun ñucanchijtaca saquilla. Shitashca pambapi huañugrinapaj randica, egipciocunapajta rurashpa causanami alli canman nircanchij– nircacuna.

ÉXODO 14:12 Iomraidhean Croise

SALMOS 106:7

Ñucanchij ñaupa yayacunaca, Egiptopica quiquin mancharinacunata rurashcataca mana entendircacunachu. Paicunata yallitaj llaquij cashcatapish mana yuyarircacunachu. Ashtahuanpish paicunaca Puca Cucha c'uchupica, quiquinta c'ariyarcacunami.

ÉXODO 13:17

Israelcunata richun faraón ña saquijpica, Taita Diosca Canaanman utca chayanalla filisteocunapaj ñantaca mana pusharcachu. Macanacui tiyajpica, manamari shamuna cashcanchijchu nishpa Egiptollamantaj tigranamantami mana chaita pusharca.

ÉXODO 3:9

Israelcuna caparishpa mañashcaca ñuca ñaupajmanmi chayan. Egipciocuna ima shina jatunta llaquichijtaca ñuca ñahuihuantajmi ricuni.

ÉXODO 5:21

paicunataca: –Faraonpaj ñaupajpi, paipajta rurajcunapaj ñaupajpi ñucanchijta p'iñaipi churashcataca Mandaj Dios ima shina cashcata alli ricushpa imatapish nichun. Cancuna ñucanchijta chashna rurashpaca cancunallatajmari paicunapaj maquipi espadata churaj shina ñucanchijtaca huañuchichigringuichij– nircacunami.

ÉXODO 6:9

Moisesca Dios ima shina nishca shinallatajmi israelcunamanca tucuita huillarca. Ashtahuanpish israelcunaca yallitaj sinchi trabajohuan cashpa, yallitaj llaquihuan cashcamantaca imata mana uyashun nircacunachu.

OSEAS 4:17

Efrainca rurashcalla dioscunamanmi curishca. ¡Paitaca saquichijlla!

JONÁS 4:3

Cunanca Mandaj Dioslla, ñucataca huañuchihuailla. Ñucapajca causanapaj randica, huañunami alli– nijpimi,

JONÁS 4:8

Shinallataj inti llujshijpica, Taita Diosllatajmi achca rupaj huairata cacharca. Intipish Jonaspaj umataca rupachircami. Chaimantami yuyai illaj shina tucushpaca, huañunata munarca. Paica: “Ñucapajca causanapaj randica, huañunami alli canman” nircami.

Marcos 1:24

–Nazaretmanta Jesús, ¿imatataj ñucanchijtaca nij shamungui? ¿Chingachingapajchu shamungui? Cantaca pi cashcata yachanimi. Jucha Illaj Taita Diospajmanta shamushcami cangui– nirca.

Marcos 5:7

shinchita caparishpami: –Jahua pachapi caj Taita Diospaj Churi Jesús ¿imatataj nij shamungui? Taita Diospaj shutipimi rogani. ¡Ñucataca ama llaquichipaichu!– nirca.