ÉXODO 14:10 - Dios Rimashca Shimicunami

¹⁰ Faraón ñalla c'uchuyagricujta israelcuna ricushpami, paicunata egipciocuna caticushcata ricushpa, jatunta mancharishpa Mandaj Diosta caparishpa mañarcacuna.

ÉXODO 14:10 Iomraidhean Croise

2 CRÓNICAS 18:31

Siria llajtapaj carrro soldadocunata mandajcuna Josafatta ricushpaca: “Paimi israelcunata jatun mandaj” ninacushpami, paihuan macanacungapaj chaupipi churarcacuna. Chaimi Josafatca, quishpichihuai nishpa Diosta mañarca. Chashna mañajpica Mandaj Diosca, chai soldadocunata paimanta anchuchircami.

NEHEMÍAS 9:9

Ñucanchij ñaupa yayacunataca Egiptopi llaquita apacujtami ricurcangui. Puca cuchapi paicuna caparishpa mañashcata uyarcanguimi.

SALMOS 106:44

Chashna cajpipish paicuna llaquita apacujpica Taita Diosca ricurcami. Paicuna mañashcata uyarcami.

SALMOS 107:13

Llaquipi cashpami Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 107:19

Llaquihuan cashpami, Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 107:28

Llaquipi cashpami, Mandaj Diostaca c'uyaillajta mañancuna. Chaimi chai llaquicunamanta llujshichirca.

SALMOS 107:6

Chashna llaquipi cashpamari, Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 34:17

Cashcata rurajcunaca Mandaj Diostami mañan. Mandaj Diospish paicunatami uyacun. Tucui paicunapaj llaquicunamantami quishpichin.

SALMOS 53:5

Manchana manapish tiyajpipish yallitaj jatun manchaihuanmi chujchurcacuna. Canta llaquichingapaj muyundijta shayacujcunapaj tullucunataca Taita Diosmi tsiraparca. Taita Dios shitajpimi paicunataca pingachircangui.

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

ÉXODO 13:17

Israelcunata richun faraón ña saquijpica, Taita Diosca Canaanman utca chayanalla filisteocunapaj ñantaca mana pusharcachu. Macanacui tiyajpica, manamari shamuna cashcanchijchu nishpa Egiptollamantaj tigranamantami mana chaita pusharca.

ÉXODO 15:25

Mandaj Diosta caparishpa Moisés mañajpi, Mandaj Dios shuj yurata ricuchijpi, chai yurata yacupi urmachijpimi chai yacuca mishquijlla tucurca. Chashnami Mandaj Diosca paicuna ima shina cashcata ricurca. Chaitataj pajtachichun nishcatapish, mandashcatapishmi curca.

ISAÍAS 26:16

Mandaj Dioslla, llaquihuan cashpami quiquinta mashcarcacuna. Quiquin llaquichijpimi yallitaj mañarcacuna.

ISAÍAS 7:2

Davidpaj huahua huahuapura jatun mandajpajman huillajcuna shamushpaca: “Siria llajtaca Efrain llajtahuanmari shuj yuyailla tucushca” nishpa huillajpimi, jatun mandajpaj shungupish, Jerusalenpi causajcunapaj shungupish urcupi caj yuracuna huairahuan caiman chaiman cuyurij shina chujchurcacuna.

JEREMÍAS 22:23

Cunanca Líbano urcu caspicunahuan shayachishca huasipimi sumajta causacunguichij. Jatun llaqui shamujpica, capariringapaj cambaj cungapish mana pajtangachu. Huachana nanaihuan caj huarmi shinami nanachingui” ninmi.

DEUTERONOMIO 9:7

Shitashca pambapi Mandaj Diosta c'ariyashpa ima tucushcataca cancunaca manataj cungarinachu canguichij. Cancunaca Egiptomanta llujshimui pachamanta cai llajtaman chayamungacamami Mandaj Diostaca c'ariyajcuna canguichij.

JOSUÉ 24:6

Cancunapaj ñaupa yayacunata Egiptomanta llujshichimujpi ña paicuna cucha c'uchuman chayamujpica, egipciocunaca macanacunapaj carrocunandij, caballocunapi tiyarishcacunandijmi Puca Cuchacama catimurcacuna.

JOSUÉ 24:7

Chaipimi ñucataca Mandaj Dioslla nishpa caparishpa israelcuna mañajpica, cancunata caticuj Egipto runacunahuan, cancunahuan chaupipica jatun amsata churarcani. Egipcio runacunataca, mama cucha yacupimi tucuita pambarcani. Tucui chaicunataca cancunapaj ñahuihuantajmi ricurcanguichij. Chai q'uipaca shitashca pambapimi, achca punllacunata causarcanguichij ninmi.

1 Juan 4:18

C'uyai tiyajpica, ima manchai mana tiyanchu. Ashtahuanpish c'uyaica manchaita anchuchijmi. Manchaica llaquipimi churan. Maijanpish manchajca, c'uyana cashca shinatajca manaraj c'uyanchu.