ÉXODO 13:9 - Dios Rimashca Shimicunami

⁹ Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 13:9 Iomraidhean Croise

NEHEMÍAS 1:10

Paicunataca quiquin tucuita rurai tucuj cashcahuan, quiquinpaj tucuita rurai tucuj maquihuanmi llujshichimurcangui. Paicunaca can agllashca, cambajta rurajcunami.

SALMOS 136:11

Israelcunata egipciocunapaj chaupimanta llujshichijta alabaichigari. Pai llaquij canaca huiñaipajmari.

SALMOS 136:12

Tucuita rurai tucuj paipaj maquihuan paipaj rigrahuan llujshichijta alabaichigari. Pai llaquij canaca huiñaipajmari.

SALMOS 89:13

Tucuita rurai tucuj rigraca quiquinpajmari. Quiquinpaj maquica tucui rurai tucujmari. Quiquinpaj alli lado maquica tucuicuna jatunyachishcamari.

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 13:14

Caya mincha cambaj huahua: ¿Imapajtaj cashnaca ruranguichij? nijpica: Egipto llajtapi huatashca shina llaquinayajta causacujpimari Mandaj Diosca ñucanchijtaca tucuita rurai tucuj paipaj maquihuan llujshichimurca.

ÉXODO 13:16

Mandaj Dios tucuita rurai tucuj maquihuan Egiptomanta llujshichimushcataca cambaj maquipi, mana cashpaca ñahui patapi ricunapaj churashca shinami cancunataca yuyachicungalla nishpa huillanguichij” nircami.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 3:20

Ashtahuanpish Egiptopi causajcunataca, ñuca maquita chutashpa chai llajtapi mancharinacunata rurashpa paicunata llaquichijpimi, israelcunataca richun saquinga.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

PROVERBIOS 1:9

Chai shimicunaca sumaj coronata cambaj umapi churachishca shinami canga, sumaj huallcata cungapi aparishca shinami canga.

PROVERBIOS 3:21

Ñuca huahualla, caicunataca pajta cambaj ñahuimanta anchuchinguiman. Mandashcatapish, cunashcatapish huaquichingui.

PROVERBIOS 7:23

Linchipi urpi paipaj chaquihuan yaicuj shinami tucurca. Paillataj huañuipi yaicucushcata, puntajlla caspi paipaj shunguta chaupina cashcatapish mana yacharcachu.

CANTARES 8:6

Cambaj shungupica, sellota shina churahuayari. Cambaj rigrapica, mana chingaripaj señalta shina churahuayari. C'uyaica, huañui shinallataj pi mana jarcai tucuipajmi. C'uyashpa llaquinacunaca, Seol shina mana cacharijmi. C'uyaica, carbonpi nina rupacuj shinamari.

ISAÍAS 27:1

Chai punllapica Mandaj Diosca paipaj sinchi, jatun alli espadahuanmi leviatán nishca yallitaj callpaj culebrata, leviatán nishca jatun culebrata llaquichinga. Mama cuchapi tiyaj dragontapishmi huañuchinga.

ISAÍAS 40:10

Riqui, Mandaj Jatun Diosca tucuita rurai tucuj cashcahuanmi shamunga. Paipaj maquihuanmi tucuita mandanga. Imallata rurashca shinallataj cuna cashcataca paimari apamunga. Cuna cashcaca paipaj ñaupajpimari shamunga.

ISAÍAS 44:5

Paicunaca shujca: “Ñucaca Mandaj Diospajmi cani” ningami. Caishujca: “Jacobpajmi cani” ningami. Chaishujca paipaj maquihuan quillcashpami, Mandaj Diospajmi cani ninga. “Israel apellidomi canchij” ningacunami.

ISAÍAS 49:16

Riqui can ima shina cashcataca ñuca maqui shungupimi quillcashcata charicuni. Cambaj muyundij pircacunataca ñuca ñaupajpimi charicuni.

ISAÍAS 51:9

¡Rijchariyari, rijchariyari. Mandaj Diospaj rigra tucuita rurai tucuj canahuan churariyari! ¡Achca huatacuna ñaupaman shinallataj rijchariyari! Rahabta mirga mirgata rurajca quiquintajmari cangui. Dragonta chugrichijpish quiquintajmari cangui.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

JEREMÍAS 22:24

Mandaj Diosca cashnapishmi nin: “Ñuca, causaj Diostajmi cashna nini: Joacimpaj churi, Judá llajtata jatun mandaj Conías, cantaca ñuca alli maqui dedopi sortijas shina tiyacujpipish, chaimantapish llujshichishpa shitaimantajmi.

DANIEL 9:15

Jatun Dios, ñucanchij Taita Dios quiquin agllashcacunataca quiquinpaj tucuita rurai tucuj maquihuanmi Egiptomanta llujshichircangui. Chashna rurashpami quiquinca tucuita rurai tucuj cashca rijsirircangui. Ñucanchijmari juchallishcanchij, quiquinta mana rijsijcuna shinami millaita rurashcanchij.

JOEL 2:11

Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

NÚMEROS 15:39

Chai flecoscunata ricushpami, Mandaj Dios tucui mandashcacunata yuyaringuichij. Chaipica tucui imalla mandashcacunata chaitataj rurashpami pajtachinguichij. Cancunapaj shungu munashcata ruranacunapi, ñahui ricushcata ruranacunapica ña mana huainayanguichijchu.

Mateo 23:5

Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.

Romanos 10:8

Ashtahuanpish ¿Mandashcaca imatataj nin? “Diospaj Shimica cambaj c'uchupi, cambaj shimipi, cambaj shungupipishmi” ninmi. Chaica crinamanta huillaj shimimi, chaitami huillacunchij.

DEUTERONOMIO 30:14

Cai shimicunata cancuna pajtachi tucuchunca cancunapaj c'uchupi, cancunapaj shimipi, cancunapaj shungupimari.

DEUTERONOMIO 5:15

Egiptopi cashpa cancunapish huatashca shina ruraj cashcata yuyaringuichij. Mandaj Dios cancunapaj Taita Diosca paipaj tucuita rurai tucuj maquihuan, paipaj rigrata chutashpami chaimanta llujshichimurca. Chaimantami Mandaj Dios cancunapaj Taita Diosca samana punllata huaquichichun mandarca.

DEUTERONOMIO 6:21

paicunamanca: Ñucanchijca Egiptopimari faraonpajta rurashpa causajcuna carcanchij. Mandaj Diosmari ñucanchijtaca, tucuita rurai tucuj paipaj maquihuan llujshichimurca.

DEUTERONOMIO 6:6

Cunan ñuca canman imalla yachachishcacunataca cambaj shungupi alli huaquichingui.

DEUTERONOMIO 6:8

Cai mandashcacunataca ima ricunacunata shina cambaj maquipi, cambaj frentepi huataringui.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.

JUECES 2:12

Chashnami paicunapaj ñaupa yayacunata Egiptomanta llujshichimuj Mandaj Diostaca saquircacuna. Paicunaca paicunapaj muyundij llajtacunapi causajcunapaj dioscunapajmanmi rircacuna. Chaicunata adorashpami Mandaj Diostaca yallitaj p'iñachircacuna.