ÉXODO 13:6 - Dios Rimashca Shimicunami

⁶ Cancunaca canchis punllacamami levadura illajlla tandataca micuna canguichij. Chai canchis punllacuna tucuri punllaca Mandaj Diosta yuyaringapajlla shuj fiestata ruranguichij.

ÉXODO 13:6 Iomraidhean Croise

2 CRÓNICAS 30:21

Chashnami Jerusalenpi tandanacushca israelcunaca, jatun cushicuihuan canchis punllacama levadura illajlla tandata micurcacuna. Shinallataj levitacunahuan curacunahuanca Mandaj Diospaj tocanapaj rurashca tocanacunapi sinchita tocashpa, Mandaj Diostaca punllanta cantarcacuna.

ÉXODO 34:18

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij.

LEVÍTICO 23:8

Mandaj Diosman rupachishpa cunataca canchis punllata cunguichij. Tucuri canchis punllapica tucuita cayashpa Diospajlla tandanacuimi canga. Chai punllapica sinchi trabajocunataca imata ama ruranguichij ningui” nircami.

DEUTERONOMIO 16:8

Levadura illajlla tandataca, sujta punllacunata micunguichij. Canchis punlla tucujpica, Mandaj Dios cancunapaj Taita Diospajlla jatun fiestami canga. Chai punllapica ama trabajanguichijchu.

JOSUÉ 5:11

Chai cayandij punllami punta p'ucushca granocunatapish, levadura illajlla tandatapish, llullu trigo camchatapish micurcacuna.