ÉXODO 13:3 - Dios Rimashca Shimicunami

³ Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:3 Iomraidhean Croise

GÉNESIS 15:16

Amorreocunaca manaraj yallitaj millaita rurancunachu. Chashna cashcamanta cambaj huahua huahuacunaca chuscu yayacunapaj q'uipami tigramungacuna– nircami.

1 REYES 8:42

cai huasipimi mañangacuna. (Paicunaca cambaj jatun shutita, cambaj maquica tucuita rurai tucuj cashcata, cambaj rigracunapish chutashca cashcata uyashcamantami chashna shamungacuna)

1 CRÓNICAS 16:12

Mancharinacunata pai rurashcata yuyarichigari. Pi mana rurai tucuipajta rurashcatapish yuyarichigari. Pai mandashca shimicunatapish yuyarichigari.

NEHEMÍAS 1:10

Paicunataca quiquin tucuita rurai tucuj cashcahuan, quiquinpaj tucuita rurai tucuj maquihuanmi llujshichimurcangui. Paicunaca can agllashca, cambajta rurajcunami.

NEHEMÍAS 9:10

Mancharina, pi mana rurai tucuipajta rurashpami Faraontaca llaquichircangui. Paipajta rurajcunatapish chashnallatajmi rurarcangui. Tucui chai llajtapi causajcunatapish chashnallatajmi rurarcangui. Paicuna jatun tucushpa israelcunata yallitaj llaquichishcamantami chashna rurarcangui. Cunan punllapi ricuchij shinallatajmi chai punllapipish quiquinpaj shutitaca jatun cashcata ricuchishcangui.

SALMOS 105:5

Mancharinacunata pai rurashcata yuyarichigari. Pi mana rurai tucuipajta rurashcatapish yuyarichigari. Pai mandashca shimicunatapish yuyarichigari.

SALMOS 114:1

Israelcunaca Egiptomantami llujshirca. Jacobpaj huahua huahuacunaca ajeno llajtamantami llujshirca. Chai pachamantami,

SALMOS 136:11

Israelcunata egipciocunapaj chaupimanta llujshichijta alabaichigari. Pai llaquij canaca huiñaipajmari.

SALMOS 136:12

Tucuita rurai tucuj paipaj maquihuan paipaj rigrahuan llujshichijta alabaichigari. Pai llaquij canaca huiñaipajmari.

SALMOS 89:14

Cashcata rurashpa mandashcahuan, mandana shinataj mandashcahuanmi paipaj tiyanataca callari rumita sinchita churashca shina sinchita charicun. Llaquij cana, imatapish pajtachij canami quiquinta ñaupanga.

ÉXODO 12:15

Canchis punllacunapica levadura illajlla tandatami micuna canguichij. Chai punllacunapica punta punllamanta pacha tucuri punllacama cancunapaj huasicunamantaca levaduracunata anchuchinguichij. Maijanpish chai canchis punllacunapi maijan punllapi levadurayuj tandata micujca, israelcunapuramanta anchuchishcami canga.

ÉXODO 12:17

Levadura illajlla tandata micuna punllacunapica amataj saquishpa ruracunguichijlla. Chai punllacunallapitajmi cancunataca achca tandanacushcacunata Egiptomanta llujshichimurcani. Chaimanta cai mandashcataca cancunapaj huahua huahuacunapish huahua huahua huiñaita pajtachicuchunllacuna.

ÉXODO 12:19

Chai canchis punllacunapica cancunapaj huasicunapica levaduraca mana ricurinachu can. Maijanpish levadurahuan p'unguillichishcacunata micujcunaca israelcuna cashpapish, mana israelcuna cashpapish israelcunapuramantaca anchuchishcami canga.

ÉXODO 12:2

“Cai quillaca cancunapajca huatapaj callari quilla, tucui quillacunamanta yalli alli quillami canga.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 12:42

Chai tutaca Mandaj Dios israelcunata Egiptomanta tucui tuta llujshichishcamanta Mandaj Diospaj tutami. Chaimanta israelcunaca huahua huahua chai tutapica mana dormishpa Mandaj Diosta alli nishpa yuyaricuchunllacuna.

ÉXODO 12:8

Chai tutaca cusashca aichata, levadura illajlla tandahuan, jayaj q'uihuacunahuan micunguichij.

ÉXODO 13:14

Caya mincha cambaj huahua: ¿Imapajtaj cashnaca ruranguichij? nijpica: Egipto llajtapi huatashca shina llaquinayajta causacujpimari Mandaj Diosca ñucanchijtaca tucuita rurai tucuj paipaj maquihuan llujshichimurca.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 20:8

Samana punllapica ñucapajlla cashcataca amataj cungaringui.

ÉXODO 23:15

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij. Chai punllacunapica ñuca ñaupajmanca, pi ama chushaj maquilla shamuchun.

ÉXODO 3:20

Ashtahuanpish Egiptopi causajcunataca, ñuca maquita chutashpa chai llajtapi mancharinacunata rurashpa paicunata llaquichijpimi, israelcunataca richun saquinga.

ÉXODO 34:18

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij.

ÉXODO 6:1

Shina nijpi Mandaj Diosca Moisestaca: –Faraonta ñuca imata rurajtaca cunanmi ricungui. Ñuca maquihuan sinchita llaquichijpimi paipaj llajtamanta richun saquinga. Ñuca maquihuan sinchita llaquichijpimi pai quiquintaj richun saquinga– nircami.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

JEREMÍAS 34:13

“Israelcunata Mandaj Diosca cashnami nin: Ñucaca cancunapaj ñaupa yayacunataca, Egipto llajtapi causajcunata servishpa, llaquinayajta causacujpimi llujshichimurcani. Paicunahuanca chaimanta llujshichimui punllami cashna nishpa ari ninacurcanchij:

DANIEL 9:15

Jatun Dios, ñucanchij Taita Dios quiquin agllashcacunataca quiquinpaj tucuita rurai tucuj maquihuanmi Egiptomanta llujshichircangui. Chashna rurashpami quiquinca tucuita rurai tucuj cashca rijsirircangui. Ñucanchijmari juchallishcanchij, quiquinta mana rijsijcuna shinami millaita rurashcanchij.

Mateo 10:12

Huasiman yaicugrishpaca, sumaj causai cancunahuan cachun nishpa yaicunguichij.

Lucas 22:19

Tandata japishpapish Taita Diosta pagui nishpa, chaupishpa yachacujcunaman cushpaca: –Caica, cancunamanta llaquichishca cana ñuca cuerpomi. Chaimanta caitaca, ñucata yuyarishpa ruracunguichijlla– nircami.

1 Corintios 11:24

Taita Diosta pagui nishpa, chaupishpaca: “Japichij, micuichij. Caica, cancunamanta chaupishca ñuca cuerpomi. Ñucata yuyarishpa, caitaca ruracunguichijlla” nircami.

1 Corintios 5:8

Chashna cashcamanta fiestataca, ama ismushca levadurahuan, ama millai yuyaihuan, ama ima mapa levadurahuan rurashunchij. Ashtahuanpish levadura illajlla tandahuan, mana nij tucushpalla, chuya shunguhuan rurashunchij.

Efesios 1:19

Shinallataj mana ch'imbapuraipaj paipaj jatun poderta ñucanchij crijcunaman cushcaca, tucui imatapish rurai tucuj poder cashcata ricuchichunmi mañacuni.

DEUTERONOMIO 13:10

Egiptopi huatashca shina ruracujta llujshichimuj cancunata Mandaj Dios cancunapaj Taita Diosmanta caruyachisha nishcamantaca, chai runataca huañungacama rumicunahuan shitanguichij.

DEUTERONOMIO 13:11

Chashna rurajpimi tucui israelcuna yachaj chayashpaca, manchashpa cutinca ña mana chashna millaita rurangacuna.

DEUTERONOMIO 13:5

Dios huillachijpimi huillaj canchij nishpa mana cashpaca muscuipi ricushcata huillajcunami canchij nishpa llullashpa huillajca cancunapaj Mandaj Taita Diosta c'ariyanata yachachicushcamanta paicunaca huañuchishcatajmi cana can. Paicunaca cancuna Egiptopi huatashca shina ruracujmanta llujshichimuj, Mandaj Diospaj mandashca ñanmanta anchuchisha nishpa yachachishcamantami chashna huañuchishca cana can. Chashna rurashpallami cancunapuramantaca tucui millaitaca anchuchinguichij.

DEUTERONOMIO 13:6

Cancunataca quiquin huauquillataj, quiquin churillataj, ushushillataj, quiquin huarmillataj, mana cashpaca cancunahuan alli apanacujcunallataj cancunataca pacalla cashna ningachari: “Jacuchij shujtajcunapaj dioscunapajta rurashunchij” ningachari. Chai dioscunataca cancunapish, cancunapaj yayacunapish mana rijsircanguichijchu.

DEUTERONOMIO 15:15

Cancunaca Egiptopi, shujtajpajta rurashpa causajcuna cashcatami yuyarina canguichij. Mandaj Dios cancunapaj Taita Diosmi cancunataca chaimanta llujshichirca. Chaimantami cunan cancunataca cashna mandani.

DEUTERONOMIO 16:1

Cancunataca Abib quillapi shuj tutami Egiptomantaca Mandaj Dios cancunapaj Taita Diosca llujshichimurca. Chai quillataca amataj cungaringuichijchu. Chaimanta Abib quillapica, Mandaj Dios cancunapaj Taita Diosta yuyarishpa Pascua fiestata ruranguichij.

DEUTERONOMIO 16:12

Egiptopi shujtajpajta rurashpa causashcata yuyaringuichij. Chaimanta tucui cai chaitataj pajtachichun nishcacunata huaquichishpa pajtachinguichij.

DEUTERONOMIO 16:3

Chai aichataca, levadurahuan rurashca tandahuanca ama micunguichijchu. Canchis punllata levadura illajlla tandahuan micunguichij. Cancunaca Egiptomantaca callpashpami llujshimurcanguichij. Egiptomanta llujshimushca punllata tucui cancunapaj causaipi yuyarinapajmi chashna rurana canguichij.

DEUTERONOMIO 24:18

Ashtahuanpish cancunapish Egiptopi cashpa, shujtajpajta rurajcuna cashcata yuyaringuichij. Mandaj Dios cancunapaj Taita Diosmi cancunataca chaimanta llujshichimurca. Chaimantami cancunataca cai ruranacunata rurachun mandani.

DEUTERONOMIO 24:22

Cancunapish Egiptopi shujtajpajta rurajcuna cashcata yuyaringuichij. Chaimantami cancunataca caicunata rurachun mandani.

DEUTERONOMIO 26:8

Ñucanchijtaca Mandaj Diosmi paipaj tucuita rurai tucuj maquihuan, paipaj rigrata chutashpa jatun mancharinacunata rurashpa señalcunata milagrocunata rurashpa Egiptomantaca llujshichimurca.

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.

DEUTERONOMIO 5:15

Egiptopi cashpa cancunapish huatashca shina ruraj cashcata yuyaringuichij. Mandaj Dios cancunapaj Taita Diosca paipaj tucuita rurai tucuj maquihuan, paipaj rigrata chutashpami chaimanta llujshichimurca. Chaimantami Mandaj Dios cancunapaj Taita Diosca samana punllata huaquichichun mandarca.

DEUTERONOMIO 5:6

Ñucaca Mandaj Dios cancunapaj Taita Diosmi cani. Ñucami cancunataca Egiptopi huatashca shina llaquinayajta causacujpi llujshichimurcani.

DEUTERONOMIO 6:12

Chashna cashca jahua cancunata Egiptopi huatashca shina ruracujmanta llujshichimuj Mandaj Diosta ñataj cungaringuichijman.

DEUTERONOMIO 6:21

paicunamanca: Ñucanchijca Egiptopimari faraonpajta rurashpa causajcuna carcanchij. Mandaj Diosmari ñucanchijtaca, tucuita rurai tucuj paipaj maquihuan llujshichimurca.

DEUTERONOMIO 7:8

Ashtahuanpish Mandaj Diosca cancunata c'uyashcamanta, cancunapaj ñaupa yayacunahuan ari nishcata pajtachisha nishpallami Egiptota jatun mandaj Faraonpajta huatashca shina ruracujmantaca paipaj tucuita rurai tucuj maquihuan llujshichimurca.

DEUTERONOMIO 8:14

cancunapaj shungupi jatun tucushpa, Egiptopi cancuna huatashca shina ruracujta llujshichimuj Mandaj Dios cancunapaj Taita Diosta ñataj cungaringuichijman.

DEUTERONOMIO 9:12

Chaipimi: Jatari, caimanta uriyashpa utca ri. Egiptomanta can llujshichimushca gentecunaca millaitami ruracuncuna. Paicunaca ñuca mandashca ñanmanta utca anchurishpamari curita yacuyachishpa imamanpish rijchaj diosta rurashcacuna nirca.

JOSUÉ 24:17

Mandaj Diosmari ñucanchijtapish, ñucanchij ñaupa yayacunatapish Egiptopi causajcunata huatashca shina paicunapajta ruracunmanta jatun mancharinacunata rurashpa llujshichimurca. Paillatajmi ñucanchij maita shamucujpipish cuidamurca. Pueblocunata shamucujpipish pai cuidajpimi pasamurcanchij.

JUECES 2:12

Chashnami paicunapaj ñaupa yayacunata Egiptomanta llujshichimuj Mandaj Diostaca saquircacuna. Paicunaca paicunapaj muyundij llajtacunapi causajcunapaj dioscunapajmanmi rircacuna. Chaicunata adorashpami Mandaj Diostaca yallitaj p'iñachircacuna.

JUECES 6:8

Mandaj Diosca shuj profetata cachajpi paica cashna nirca: “Israelcunata Mandaj Diosca cashnami nin: Egiptocunapajta huatashca shina paicunapajta rurashpa causacujpi chai llajtamantaca ñucami llujshichimurcani.