ÉXODO 13:19 - Dios Rimashca Shimicunami

¹⁹ Moisesca Josepaj tullucunata apashcami llujshirca. Joseca: “Taita Diosca cancunata ricunaman shamungatajmi. Chaipica, ñuca tullucunataca cai llajtamantaca apashpa ringuichij” nishpami israelcunataca ari nichishca carca.

ÉXODO 13:19 Iomraidhean Croise

GÉNESIS 48:21

Chai q'uipami Israelca, paipaj churi Josetaca: –Riqui, ñucaca ñami huañugrini. Taita Diosca cancunahuanmi canga. Paimi cancunataca ñaupa ñucanchij yayacuna causashca llajtaman tigrachinga.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

Lucas 1:58

Elisabetta Dios llaquishpa jatunta c'uyashcata uyashpaca, c'uchullapi causajcunapish, familiacunapish paita ricunaman rishpaca yallitajmi cushicurcacuna.

Lucas 7:16

Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Hechos 7:15

Chaimantami Jacobca, Egiptopi causanaman rirca. Chaipimi paipish, ñucanchij ñaupa yayacunapish huañurcacuna.

Hechos 7:16

Paicunapaj tullucunataca, Siquem llajtamanmi apamurcacuna. Chai Siquem llajtapimi Abrahamca, Hamorpaj churicunaman pambana jutcundij allpataca randishca carca. Chai jutcupimi tullucunataca churarcacuna.

Hebreos 11:22

Crishcamantami Josepish ña huañugrishpaca israelcuna ima shina Egiptomanta llujshinata huillacushpaca, ñuca tullucunatapish apashpa ringuichij nishpa mandarca.

JOSUÉ 24:32

Israelcunaca Egiptomanta apamushca Josepaj tullucunataca, Siquem pueblopimi pambarcacuna. Chai allpataca yaya Jacobmi, Siquem shuti runapaj yaya Hamorman patsaj cullquipi randirca. Chai allpacunami Josepaj huahuacunapaj tucurca.