ÉXODO 13:15 - Dios Rimashca Shimicunami

¹⁵ Faraonca rumi shungu tucushpami, ñucanchijtaca chai llajtamanta llujshichun manataj saquisha nirca. Chaimi Mandaj Diosca, Egipto llajtapi causajcunapajtaca tucui punta c'ari huahuacunata huañuchirca. Punta huacharishca animalcunatapishmi tucuita huañuchirca. Chaimantami ñucanchijca punta huacharishca c'ari animalcunataca Mandaj Diosman cushpa huañuchinchij. Ñucanchij punta churicunatapish paicunapaj randi imata cuna cashcata Mandaj Diosman cushpami llujshichimunchij.

ÉXODO 13:15 Iomraidhean Croise

SALMOS 105:36

Paipaj llajtapi cajcunapaj punta huacharishca churicunatami huañuchirca. Paipaj llajtapi cajcunapaj punta fuerzahuan charishca churicunatami huañuchirca.

ÉXODO 12:29

Mandaj Diosca, chaupi tutami egipciocunapaj punta churicunataca tucuicunata huañuchirca. Mandashpa tiyanapi tiyacuj faraonpaj punta churimanta callarishpaca, macanacuipi prezu japimushca carcelpi tiyacujpaj punta churicamami huañuchirca. Punta huacharishca animalcunatapishmi huañuchirca.

ÉXODO 3:19

Egiptota jatun mandaj cancuna richun mana saquina cashcataca yachanimi. Ashtahuanpish sinchi maquihuan llaquichijpimi saquinga.

ÉXODO 34:20

Punta huacharishca burropaj randica shuj ovejata cushpa chai burrotaca llujshichichun. Mana chashna llujshichishpaca cungata p'aquishpa huañuchichun. Punta huacharishca churicunatapish chashnallataj llujshichinguichij. Maijanpish ñucapajman shamujca chushaj maquillaca ama shamuchun.

ÉXODO 4:23

Ña nishca shinaca ñucapajta rurachun ñuca churi richun saqui ninmi. Ashtahuanpish paicuna richun mana saquijpica ñucaca cambaj punta churitami huañuchisha ninmi ningui– nircami.

NÚMEROS 18:15

Israelcunapaj punta churi cashpapish, paicunapaj animalcuna huachashca punta c'ari huahua cashpapish punta huacharishcacunata Mandaj Diosman cushcacunaca cambajmi canga. Shina cajpipish israelcunapaj punta churicunapaj randica cullquita pagashpa llujshichichun mandangui. Mana ñucaman cuna caj animalcunapaj randipish cullquita pagashpa llujshichichun mandangui.

NÚMEROS 3:46

Israelcunapaj punta churicunaca levitacunataca, 273huan yallimi. Chai yallishcacunata israelcuna llujshichichunca,