ÉXODO 13:12 - Dios Rimashca Shimicunami

¹² cancunapaj punta churicunataca Mandaj Diospaj cashcamanta paiman cunguichij. Cancunapaj animalcunamanta punta huacharishca animalcunatapish Mandaj Diosman cunguichij. Punta huacharishca c'aricunaca Mandaj Diospajmi.

ÉXODO 13:12 Iomraidhean Croise

NEHEMÍAS 10:36

Ñucanchijca ñucanchij Diospaj mandashcapi nishca shinami ñucanchij punta churicunatapish, ñucanchij vacacuna punta huachashcatapish, ñucanchij ovejacuna punta huachashcatapish ñucanchij Taita Diospaj huasipi curacuna imalla rurana cashcata rurachun apamushun nircanchij.

NEHEMÍAS 10:37

Ñucanchij Diospaj huasi ucupi caj huaquichinacunamanpish curacunapajmi, tandata ruracun masamanta punta rurashca tandata, ñucanchij yuracunapi punta p'ucushca granota, punta rurashca vinota, punta rurashca aceiteta apamushun nircanchij. Levitacunapajca ñucanchij allpacunapi p'ucushca granocunamanta chungamanta shujta cushcata japina cajpimi, tucui pueblocunapi japichun nircanchij.

ÉXODO 13:1

Mandaj Diosca Moisestaca:

ÉXODO 13:2

“Punta huacharishcacunataca Diospajlla cachun ch'icanchichij. Israelcunapurapi punta huacharishcacunaca gentecuna cashpa, animalcuna cashpapish ñucapajmi” nircami.

ÉXODO 22:28

Juezcunataca ama p'iñashpa rimanguichij. Cancunapaj llajtata mandajtaca ama imapish tucushca canman ninguichij.

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 34:19

Tucui punta huacharishcacunaca ñucapajmi. Huagra cashpa, oveja cashpa punta huacharishca c'aricunaca ñucapajmi.

ÉXODO 34:20

Punta huacharishca burropaj randica shuj ovejata cushpa chai burrotaca llujshichichun. Mana chashna llujshichishpaca cungata p'aquishpa huañuchichun. Punta huacharishca churicunatapish chashnallataj llujshichinguichij. Maijanpish ñucapajman shamujca chushaj maquillaca ama shamuchun.

EZEQUIEL 16:20

Chashna rurashca jahuapish, ñucapajlla cachun can huachashca churicunatapish, ushushicunatapish paicunaman cushpami huañuchircangui. ¿Can huainayashca ima mana cashca yuyachijpichu,

EZEQUIEL 44:30

Shinallataj tucui punta p'ucushca granocunapish, tucui imalla cuna cashcata cushcacunapish tucuimi curacunapaj canga. Cancunapaj huasicunapi bendicion tiyachunca, punta p'ucushca granomanta rurashca tucui laya tandatami curacunamanca cuna canguichij.

LEVÍTICO 27:26

Punta huacharishca animalcunaca punta huacharishca cashcamanta Mandaj Diospajmi. Chaimanta chaicunataca pi mana Diosman cucuni ni tucunchu. Huagra cashpa, oveja cashpa punta huacharishcacunaca Mandaj Diospajmi.

NÚMEROS 18:15

Israelcunapaj punta churi cashpapish, paicunapaj animalcuna huachashca punta c'ari huahua cashpapish punta huacharishcacunata Mandaj Diosman cushcacunaca cambajmi canga. Shina cajpipish israelcunapaj punta churicunapaj randica cullquita pagashpa llujshichichun mandangui. Mana ñucaman cuna caj animalcunapaj randipish cullquita pagashpa llujshichichun mandangui.

NÚMEROS 3:12

“Israelcunapurapi paicunapaj tucui punta churicunaca ñucapajmi. Tucui israelcunapaj punta churicunata ñuca japinapaj randica, tucui levitacunatami ñucapaj cachun japircani.

NÚMEROS 3:13

Punta huacharishcacunaca tucuicunami ñucapaj. Egiptocunapaj punta churicunata huañuchi punllamanta pachami, israelcunapaj punta churicunataca ñucapaj cachun ch'icanchircani. Israelpica punta huacharishca churicunapish, punta huacharishca animalcunapish ñucapajmi. Mandaj Dios ñucami chashna nini” nircami.

NÚMEROS 8:17

Israelcunapi punta huacharishca c'ari huahuacunaca ñucapajmi. Punta huacharishca churicunapish, punta huacharishca animalcunapish ñucapajmi. Egiptocunapaj punta churicunata huañuchi punllamanta pachami, israelcunapaj punta churicunataca ñucapaj cachun ch'icanchircani.

Lucas 2:23

(Jatun Dios Quillcachishpa Mandashcapica: “Punta huacharij tucui c'ari huahuacunaca, Jatun Diospajlla ch'icanchishcami canga”) nishcata pajtachingapajmi apamurcacuna.

DEUTERONOMIO 15:19

Cambaj vacacuna, cambaj ovejacuna punta huachashca c'ari animalcunataca Mandaj Dios cambaj Taita Diospajlla ch'icanchingui. Punta huacharishca c'ari huagrahuanca, ama imata trabajanguichu. Punta huacharishca oveja millmatapish ama rutunguichu.