ÉXODO 13:11 - Dios Rimashca Shimicunami

¹¹ Mandaj Dios cancunamanpish, cancunapaj ñaupa yayacunamanpish cusha nishca shinallataj Canaán llajtaman ña chayachijpica,

ÉXODO 13:11 Iomraidhean Croise

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

SALMOS 105:42

Paipajta ruraj Abrahamman, paipaj jucha illaj shimihuan cushani nishcatami yuyarirca.

ÉXODO 13:5

Cananeocuna, heteocuna, amorreocuna, heveocuna, jebuseocuna causacun llajtamanmi Mandaj Diosca cancunataca yaicuchinga. Lechepish, sacha chuspipaj mishquipish yacu llujshicuj shina tiyan llajtataca cancunapaj ñaupa yayacunamanmi Mandaj Diosca cusha nishpa ari nishca carca. Chai llajtapi ña cashpaca cai quillallapitaj Pascua micuitaca ruranguichij.

ÉXODO 32:13

Cambajta ruraj Abrahamman, Isaacman, Israelmanca: Ñucami cambaj huahua huahuacunataca jahua pacha luzerocunata shina mirachisha. Paicunamanmi cancunaman cusha nishca cai allpataca cusha. Paicunapaj huiñaipaj cachunmi cusha nishpa quiquintaj nishcataca yuyaripayari– nirca.

NÚMEROS 11:12

¿Cai tucui israelcunataca ñucachari chichushcaniyari? Israelcunataca paicunapaj ñaupa yayacunaman cusha nishca allpaman chuchucuj huahuata marcashpa apaj shina apachun ninguimi. ¿Ñucata quiquin chashna nichunca paicunataca ñucachari huacharcaniyari?