ÉXODO 13:10 - Dios Rimashca Shimicunami

¹⁰ Chaimantami cancunaca cai fiestataca huatanta ima quillapi, ima punllapi rurachun nishcapitaj rurana canguichij.

ÉXODO 13:10 Iomraidhean Croise

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 12:17

Levadura illajlla tandata micuna punllacunapica amataj saquishpa ruracunguichijlla. Chai punllacunallapitajmi cancunataca achca tandanacushcacunata Egiptomanta llujshichimurcani. Chaimanta cai mandashcataca cancunapaj huahua huahuacunapish huahua huahua huiñaita pajtachicuchunllacuna.

ÉXODO 12:42

Chai tutaca Mandaj Dios israelcunata Egiptomanta tucui tuta llujshichishcamanta Mandaj Diospaj tutami. Chaimanta israelcunaca huahua huahua chai tutapica mana dormishpa Mandaj Diosta alli nishpa yuyaricuchunllacuna.

ÉXODO 13:5

Cananeocuna, heteocuna, amorreocuna, heveocuna, jebuseocuna causacun llajtamanmi Mandaj Diosca cancunataca yaicuchinga. Lechepish, sacha chuspipaj mishquipish yacu llujshicuj shina tiyan llajtataca cancunapaj ñaupa yayacunamanmi Mandaj Diosca cusha nishpa ari nishca carca. Chai llajtapi ña cashpaca cai quillallapitaj Pascua micuitaca ruranguichij.

ÉXODO 23:15

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij. Chai punllacunapica ñuca ñaupajmanca, pi ama chushaj maquilla shamuchun.

LEVÍTICO 23:6

Chai quillapaj chunga pichca punllapica, Mandaj Diosta alli nishpa, levadura illajlla tandata micuna jatun fiestami canga. Levadura illajlla tandataca canchis punllata micunguichij.