ÉXODO 12:7 - Dios Rimashca Shimicunami

⁷ Chai animalpaj yahuarta japishpaca, chai aichata micuna huasi pungu ishqui lado quisyupi, quinriman churashca caspipipish llihuinguichij.

ÉXODO 12:7 Iomraidhean Croise

1 REYES 6:31

Diospajlla ch'icanchishca huasi ucuman yaicuna pungupi punguta churangapajca olivo caspimantami rurarca. Pungu jahuaman tiyaj caspipish, lado uriman shayaj caspicunapish pichca esquinacunayujmi carca.

ÉXODO 12:13

Chai yahuarca israelcuna mai huasipi cashcata ricuchijmi canga. Chai yahuarta ricushpami cancunapaj huasi ñaupajtaca pasashpa rishalla. Chashnami egipciocunata huañuchishpa llaquichicujpica cancunapurapica huañui llaquica mana tiyanga.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

DEUTERONOMIO 11:20

Shinallataj cancunapaj huasi pilarcunapipish, huasi pungucunapipish quillcanguichij.

Hebreos 10:14

Chashnami shuj cutinlla Diosman cushcahuan, jucha illajta rurashpa allicunata rurajta rurarca.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 11:28

Crishcamantami Moisesca, israelcunapaj punta c'ari huahuacunata huañuchij ángel ama huañuchichun, yahuarta pungupi churashpa Pascuata callarichirca.

Hebreos 9:22

Mandashcapi nishca shinaca, yahuarhuanca maijan maijanllami mana chuyayan. Shina cajpipish yahuarta mana jichajpica, perdonca mana tiyanchu.

1 Pedro 1:2

Dios Yayaca paipaj yachaihuan ñaupaman yuyarishca shina agllashcami canguichij. Paita cazuchunmi, Jesucristopaj yahuarhuan maillashpa paipaj Espirituhuan jucha illajta rurashcacuna canguichij. Mana c'uyaipajta c'uyaj canata, sumaj causaitapish ashtahuan mirachishca cachun ninimi.