ÉXODO 12:41 - Dios Rimashca Shimicunami

⁴¹ Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 12:41 Iomraidhean Croise

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

1 REYES 6:1

Salomonca israelcunata ña chuscu huatata mandacushpami, chai huatapaj Zif shuti ishqui quillapi Diospaj huasita shayachinata callarirca. Israelcuna Egiptomanta llujshimushcaca chaicamaca 480 huatacunami carca.

2 CRÓNICAS 14:12

Chashna mañajpimi Mandaj Diosca, Asataca Judapi causaj paipaj soldadocunahuan mishachirca. Paicuna mishajpimi, Etiopía llajta soldadocunaca callparcacuna.

SALMOS 102:13

¡Quiquinca Sionta llaquishpa paimanta shayaringapajmi jataringui! ¡Sionta llaquina punllamari pajtamushca!

SALMOS 114:1

Israelcunaca Egiptomantami llujshirca. Jacobpaj huahua huahuacunaca ajeno llajtamantami llujshirca. Chai pachamantami,

SALMOS 136:11

Israelcunata egipciocunapaj chaupimanta llujshichijta alabaichigari. Pai llaquij canaca huiñaipajmari.

ÉXODO 12:17

Levadura illajlla tandata micuna punllacunapica amataj saquishpa ruracunguichijlla. Chai punllacunallapitajmi cancunataca achca tandanacushcacunata Egiptomanta llujshichimurcani. Chaimanta cai mandashcataca cancunapaj huahua huahuacunapish huahua huahua huiñaita pajtachicuchunllacuna.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 13:14

Caya mincha cambaj huahua: ¿Imapajtaj cashnaca ruranguichij? nijpica: Egipto llajtapi huatashca shina llaquinayajta causacujpimari Mandaj Diosca ñucanchijtaca tucuita rurai tucuj paipaj maquihuan llujshichimurca.

ÉXODO 13:16

Mandaj Dios tucuita rurai tucuj maquihuan Egiptomanta llujshichimushcataca cambaj maquipi, mana cashpaca ñahui patapi ricunapaj churashca shinami cancunataca yuyachicungalla nishpa huillanguichij” nircami.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 3:10

Cunanca faraonpajman utcashpa rilla. Ñucaca cantaca ñuca agllashca israelcunata chai llajtamanta llujshichichunmi mandani– nircami.

ÉXODO 3:8

Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

ÉXODO 6:26

Aaronpish, Moisespish tucui chai huahua huahuacunapurallatajmi carcacuna. Paicunatami Mandaj Diosca: “Cancunami Egipto llajtamantaca israelcunataca soldadocunata shina mirga mirgata ch'icanchishpa llujshichinguichij” nircami.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

LEVÍTICO 23:43

Cancunata Egiptomanta llujshichimucushpa, carpa huasicunapi causachun ñuca churashcata cancunapaj huahua huahuacuna yachachunmi chashna rurana canguichij. Ñucami Mandaj Dios cancunapaj Taita Dios cani ni” nircami.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

NÚMEROS 23:22

Egiptomanta llujshichimuj Taita Diosca, búfalo huagra shina fuerzayujmi.

NÚMEROS 33:1

Israelcuna Egiptomanta llujshimushpa, maillapi carpa huasicunata shayachishpa shamushcaca cashnami: Paicunaca cada aillumi soldadocuna shina cada mirga, mirga Moiseshuan, Aaronhuan mandashca shamurca.

Juan 7:8

Cancunaca chai fiestamanca richijlla. Ñuca rinaca manaraj chayamujpimi, chai fiestamanca ñucaca manaraj rini– nircami.

Hechos 1:7

Chaimi Jesusca: –Chaitaca, ñuca Yayallami yachan. Cancunaca ima huata, ima punlla canata mana yachanachu canguichij.

Hechos 7:36

Paimi ñucanchij ñaupa yayacunataca Egiptomantaca cashna llujshichirca. Chai llajtapipish, Puca Cucha jatun yacupipish, shitashca pambapipish chuscu chunga huatacunatami pi mana ruraipajcunata, ricuchinacunatapish rurarca.

DEUTERONOMIO 16:1

Cancunataca Abib quillapi shuj tutami Egiptomantaca Mandaj Dios cancunapaj Taita Diosca llujshichimurca. Chai quillataca amataj cungaringuichijchu. Chaimanta Abib quillapica, Mandaj Dios cancunapaj Taita Diosta yuyarishpa Pascua fiestata ruranguichij.

DEUTERONOMIO 4:37

Paica cancunapaj ñaupa yayacunata c'uyashcamantami paicunapaj q'uipa huahua huahuacunataca agllarca. Paimi Egiptomantaca, pai quiquintaj tucuita rurai tucuj cashcahuan llujshichimurca.

JOSUÉ 24:5

Chaimanta llujshichingapajca Moisesta, Aaronta cachashpami, Egiptopi causajcunataca jatunta llaquichishpa, cancunataca paicunapaj chaupimanta llujshichimurcani.

JOSUÉ 5:14

Chaimi chai runaca: –Ñucaca maijanpurapish mana canichu. Mandaj Diospaj soldadocunata mandajmi cani– nijpi Josueca cungurishpa, pambacama cumurishpa adorashpaca: –Ñuca amito, cambajta ruraj ñucataca ¿imatataj mandahuangui?– nirca.