ÉXODO 12:39 - Dios Rimashca Shimicunami

³⁹ Israelcunaca Egiptopi tandata ruracushpa levadurata manaraj churashca masata apashpa llujshishcallatami tortillata rurashpa cusashpa micurcacuna. Egipciocuna utca llujshichij nicujpimi israelcunaca paicunapaj micunata allichinataca mana pajtarishca carcacuna.

ÉXODO 12:39 Iomraidhean Croise

ÉXODO 11:1

Mandaj Diosca Moisestaca: –Faraonpaj, cai Egiptopi causajcunapaj jahuamanca yallitaj llaquitami apamugrini. Chaipimi cancunataca paica richun saquinga. Paitajmi cancunataca shuj cutin llujshichishpa cachanga.

ÉXODO 12:34

Israelcunaca tandata rurangapaj masacushcataca levadurata manaraj churashpami, linsocunapi quipishpa rigra jahuapi churashpa aparcacuna.

ÉXODO 6:1

Shina nijpi Mandaj Diosca Moisestaca: –Faraonta ñuca imata rurajtaca cunanmi ricungui. Ñuca maquihuan sinchita llaquichijpimi paipaj llajtamanta richun saquinga. Ñuca maquihuan sinchita llaquichijpimi pai quiquintaj richun saquinga– nircami.

Mateo 13:33

Shujtaj yuyachij parlohuanca: “Jahua pachamanta mandacujpica, shuj huarmi quimsa taza cutapi levadurahuan chapujpi, tucuita p'unguillichij shinami canga” nircami.