ÉXODO 12:30 - Dios Rimashca Shimicunami

³⁰ Egipciocunapaj huasicunapica tucuicunapajpi shuj huañushca tiyajpimi faraonpish, paipajta rurajcunapish, tucui egipciocunapish chai tuta jatarishpaca jatunta caparishpa huacarcacuna.

ÉXODO 12:30 Iomraidhean Croise

SALMOS 78:50

Pai p'iñarishpaca yallitaj llaquichinami tucurca. Paicunataca huañuimantaca manataj quishpichircachu. Ashtahuanpish huañuiman cushpatajmi alli carca.

ÉXODO 10:10

Chaimi faraonca: –Mandaj Dioshuan cancuna chashna cana cajpipish ¿maitataj cancunataca cancunapaj huahuacunandij richunca saquishari? Riqui, cancuna mana alli yuyaihuan cashcaca cancunapaj ñahuillapitaj ricunallamari.

ÉXODO 11:6

Tucui Egipto llajtapimi, caparishpa huacana tiyanga. Chashna llaquica nunca mana tiyashcachu, cutinpish manataj tiyangachu ninmi.

PROVERBIOS 21:13

Huajcha runa caparishpa mañajpi mana uyajtaca, q'uipata pai caparijpipish, pi mana uyangachu.

AMÓS 5:17

Ñuca cancunata llaquichinaman shamujpica, tucui uva chagracunapipish huacangacunami” ninmi Mandaj Diosca.

HABACUC 3:5

Paipaj ñaupajmantaca, huañuicunami rirca. Paipaj chaquicunamantaca, nina rupacuj brazusmi llujshirca.

Mateo 25:6

Chaupi tutapica ñapish: “¡Ñami novioca shamun, tupanaman llujshichij!” nishpa caparishcami uyarirca.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

1 SAMUEL 5:12

Chupu ungüihuan manaraj huañujcunaca, yallitaj chupu ungüihuan cashpa caparishcaca jahua pachacamanmi huichiyarca.