ÉXODO 12:26 - Dios Rimashca Shimicunami

²⁶ Cancunapaj huahuacuna: Cai cancuna ruracuntaca ¿imapajtaj ruranguichij? nishpa tapujpica,

ÉXODO 12:26 Iomraidhean Croise

SALMOS 145:4

Quiquin rurashcacunataca huahua huahuacuna alabacungallacunami. Tucuita rurai tucuj quiquin rurashcacunatami huillangacuna.

SALMOS 44:1

Taita Dioslla, ñaupa huatacunapi, ñaupa punllacunapica quiquinca allicunatamari rurashcangui. Chaitaca ñucanchij yayacunami parlarca. Ñucanchij rinrincunahuantajmi uyarcanchij.

ÉXODO 10:2

Egipto llajtapi imallata rurashcata, paicunapurapi milagrocunata rurashcata cambaj churicunaman, cambaj nietocunaman huillachunmi chashna rurarcani. Chaita ricushpami cancunapish ñucataca Mandaj Dios cashcata yachanguichij– nircami.

ÉXODO 12:25

Mandaj Diosca pai cusha nishca shinallataj cancunata chai llajtaman chayachijpica cancunaca chai mandashcacunataca pajtachicunallami canguichij.

ÉXODO 13:22

Punllacunaca suni p'uyumi israelcunapaj ñaupajmantaca manataj anchurca. Tutaca lunyacuj ninami paicunapaj ñaupajmantaca manataj anchurca.

ISAÍAS 38:19

Ñuca cunan quiquinta alabacuj shinaca causacujcunamari quiquintaca alabangacuna. Causacushpami yayapish huahuacunamanca, quiquin imatapish pajtachij cashcataca yachachin.

Efesios 6:4

Shinallataj yaya mamacuna, cancunapaj huahuacunata ama p'iñachichijchu. Chaipaj randica, ima shinapish llaquichishpa, cunashpa Mandaj Jesús munashca shina huiñachichij.

DEUTERONOMIO 11:19

Chaicunataca cancunapaj huahuacunamanca huasipi tiyarishpapish, ñanta puricushpapish, dormij siriricushpapish, jataricushpapish yachachiranguichij.

DEUTERONOMIO 32:7

Ñaupa huatacunata yuyarichigari. Achca huahua huahuacuna ima shina tucumushcata yuyarichij. Cambaj yayata tapuiyari paica huillangallami. Cancunapaj cunaj yuyajcunata tapuichigari, paicunapish huillangallacunami.

DEUTERONOMIO 6:20

Caya mincha cancunapaj huahuacunaca: Mandaj Dios ñucanchij Taita Diosca ima shina causanata yachachishcacuna, chaitataj pajtachichun nishcacuna, pajtachinguitaj nishcacunaca ¿imatataj nisha ninri? nishpa cancunata tapujpica,

DEUTERONOMIO 6:7

Chaicunataca cambaj huahuacunamanca punllanta cutin cutin yachachingui. Chai yachachishcacunataca huasipi cashpapish, ñanta puricushpapish, dormij siriricushpapish jataricushpapish yachachirangui.