ÉXODO 12:23 - Dios Rimashca Shimicunami

²³ Mandaj Diosca Egipto llajtapi causajcunata huañuchicushpaca, cancunapaj pungupi quinriman churashca caspita pungu ishqui lado quisyucunata yahuarhuan llihuishcata ricushpaca pasajta ringallami. Huañuchij cancunapaj huasicunaman yaicushpa huañuchichun mana saquingachu.

ÉXODO 12:23 Iomraidhean Croise

2 SAMUEL 24:16

Llaquichichun pai cachashca ángel Jerusalentapish chingachingapaj maquita chutagrijpica, Mandaj Diosca llaquichingapaj cachashcamanta llaquirishpami, chai runacunata huañuchicuj angeltaca: “Ña chailla, saqui” nirca. Mandaj Diospaj angelca, jebuseo Arauna runapaj parba c'uchupimi carca.

JOB 14:13

Maijanpish cantaca Seolpi ñucata pacachun nijpichari. P'iñarishcamanta can alli tucungacamaca, chaipi pacashpachari alli canguiman. Ashacama shuyashpapish, ñucataca cutin yuyarishpachari alli canguiman.

ÉXODO 11:4

Moisesca faraontaca: –Mandaj Diosca cashnami nin: Cunan chaupi tutatami egipciocunapaj llajtata purigrini,

ÉXODO 12:7

Chai animalpaj yahuarta japishpaca, chai aichata micuna huasi pungu ishqui lado quisyupi, quinriman churashca caspipipish llihuinguichij.

ISAÍAS 26:20

Ñuca agllashcacunalla richij, cancunapaj huasiman yaicurichij. Pai alli tucungacama punguta huichcarishpa pungu huashapi ashacama miticuichij.

ISAÍAS 37:36

Chai tutallatajmi Mandaj Diospaj ángel, Asiria llajta soldadocunapaj carpa huasicunaman rishpaca, 185.000 soldadocunata huañuchirca. Cayandij tutamanta jatarishpa ricunapajca tucuimi huañushca aichacunalla siricurca.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

EZEQUIEL 9:6

Ñucapajlla huasipi causajcunamanta callarishpaca yuyajcunatapish, mosocunatapish, solteracunatapish, huahuacunatapish, huarmicunatapish shujllapish ama saquirichun tucuicunata huañuchinguichijlla. Ashtahuanpish señalta charijcunapajmanca, ama c'uchuyanguichijchu” nircami. Shina nijpimi, Diospaj huasi ñaupajpi caj cunaj yuyajcunamanta callarishpa huañuchircacuna.

1 Corintios 10:10

Paicunamanta maijancuna shina ama huashalla rimajcuna caichijchu. Chashnacunataca tucuchijpaj maquimi huañuchirca.

Hebreos 11:28

Crishcamantami Moisesca, israelcunapaj punta c'ari huahuacunata huañuchij ángel ama huañuchichun, yahuarta pungupi churashpa Pascuata callarichirca.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

Apocalipsis 7:3

cashna nirca: “Ñucanchij Diospajta rurajcunata frentepi sellota churangacama, cai pachatapish, mama cucha yacutapish, yuracunatapish ama ima llaquita ruraichijchu” nircami.

Apocalipsis 9:4

Paicunataca cai allpapi tiyaj q'uihuacunata, ima verdijllacunata, ima yuracunatapish ama imata rurachun, shinallataj Diospaj sellota paicunapaj frentepi mana charijcunallata llaquichichunmi mandarca.