ÉXODO 12:22 - Dios Rimashca Shimicunami

²² Maqui junda hisopota japishpa chai ovejapaj yahuar bateapi tiyacunpi satishpa pungupi quinriman churashca caspipish, pungu ishqui lado quisyucunapipish llihuinguichij. Cancunaca shujllapish cancunapaj huasimantaca pacaringacama ama llujshinguichijchu.

ÉXODO 12:22 Iomraidhean Croise

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ÉXODO 12:7

Chai animalpaj yahuarta japishpaca, chai aichata micuna huasi pungu ishqui lado quisyupi, quinriman churashca caspipipish llihuinguichij.

ISAÍAS 26:20

Ñuca agllashcacunalla richij, cancunapaj huasiman yaicurichij. Pai alli tucungacama punguta huichcarishpa pungu huashapi ashacama miticuichij.

NÚMEROS 19:18

Chai q'uipaca mapa illajlla runa hisopota japishpa chaita chai yacupi satishpa carpa huasi jahuatapish, chaipi tucui imalla tiyajcuna jahuatapish, chaipi caj gentecunapaj jahuatapish, huañushcapaj tullupi tuparijpaj jahuatapish, espadahuan huañuchijpi huañushca caj huañushcapi tuparijpaj jahuatapish, huañuna pajtajpi huañushca caj huañushcapi tuparijpaj jahuatapish, huañushcata pambashcapi tuparijpaj jahuatapish chai yacuhuan tsirapachun.

Mateo 26:30

Himnota cantashca q'uipa chaimanta llujshishpaca, Olivocuna tiyan urcumanmi rircacuna.

Hebreos 11:28

Crishcamantami Moisesca, israelcunapaj punta c'ari huahuacunata huañuchij ángel ama huañuchichun, yahuarta pungupi churashpa Pascuata callarichirca.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

Hebreos 9:1

Cunanca caita yuyarishun. Dios cusha nishpa ñaupaman ari nishcapica, Diosta ima shina adoranata mandashcami tiyarca. Diospajlla huasipish cai pachapimi carca.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

Hebreos 9:19

Moisesca Mandashcapi tucui imalla nishcacunata tucuicunaman huillashpaca, c'ari bizicunapaj, c'ari chivocunapaj yahuarta japishpami, yacuhuan chagrushpa puca millma hisopota satishpa Mandashcata quillcashca librotapish, tucui chaipi cajcunapaj jahuatapish,

JOSUÉ 2:19

Cambaj huasipi tandachishca jahua chaimanta llujshishpaca, paipaj jahuallatajmi canga. Paita huañuchijpica ñucanchijca imata mana juchachishca cashunchu. Cambaj huasillapitaj cajpi ñucanchijpuracuna maijanta huañuchijllapimi, ñucanchij jahua canga.

1 Pedro 1:2

Dios Yayaca paipaj yachaihuan ñaupaman yuyarishca shina agllashcami canguichij. Paita cazuchunmi, Jesucristopaj yahuarhuan maillashpa paipaj Espirituhuan jucha illajta rurashcacuna canguichij. Mana c'uyaipajta c'uyaj canata, sumaj causaitapish ashtahuan mirachishca cachun ninimi.