ÉXODO 12:21 - Dios Rimashca Shimicunami

²¹ Chaimi Moisesca, israelcunata cunaj yuyajcunata tandachishpaca: “Cancunapaj huasi ucupurapaj malta ovejata mashcanaman llujshishpa chai malta ovejataca Pascuapi sacrificaichij.

ÉXODO 12:21 Iomraidhean Croise

2 REYES 23:21

Chai q'uipami jatun mandaj Josiasca tucui israelcunataca: “Cancunata Mandaj Dioshuan ari ninacushca cai libropi nicushca shinataj cancunata Mandaj Diosta yuyarishpa Pascuata ruraichij” nishpami mandarca.

ESDRAS 6:20

Paicunaca curacunapish, levitacunapish tucuicuna maillarishca chuyacunami Diosman sacrificiota curcacuna. Chashnami prezu apashcamanta tigramushcacunamantapish, caishuj curacunamantapish, paicuna quiquinllamantatajpish Pascuapi Diosman cuna cashcata curcacuna.

ÉXODO 12:11

Chai aichataca alli chumbillirishca, pargatetapish churarishca, tauna caspitapish maquipi aisashcami micuna canguichij. Mandaj Diospaj Pascua cashcamantaca utcami micuna canguichij.

ÉXODO 12:20

Chai punllacunapica, levadurahuan p'unguillichishcacunataca imata ama micunguichijchu. Cancunapaj huasicunapica levadura illajlla tandatami micuna canguichij ninmi nigri” nircami.

ÉXODO 12:3

Tandanacushca tucui israelcunataca cashna ni: Cai quillapaj chunga punllapica tucui cancunapaj cada huasi ucupuracuna cada huasi ucupurapaj shuj malta ovejatami charicuna canguichij.

ÉXODO 17:5

Mandaj Diosca Moisestaca: –Israelcunata cunaj yuyajcunata maijancunata pushashpa, ñaupashpa jatun yacuta huajtashca caspitapish apashpa ri.

ÉXODO 19:7

Moisés chaimanta tigrashpaca israelcunata cunaj yuyajcunata cayashpami, Mandaj Dios tucui imalla mandashcata paicunapaj ñaupajpi huillarca.

ÉXODO 3:16

Israelcunata cunaj yuyajcunata tandachishpa cashna nigri: Cancunapaj ñaupa yaya Abrahampaj, Isaacpaj, Jacobpaj Mandaj Diosmi ñucaman ricurishpa cashna nin: Cancunata Egiptopi ima shinalla llaquichicujta ricushpami, cancunata ricuj shamurcani.

NÚMEROS 11:16

Chaimi Mandaj Diosca, Moisestaca: –Israelcunata cunaj yuyajcunapuramanta canchis chungata tandachi. Paicunataca alli cunajcunata, alli pushajcunata canmi yachangui, chaicunata tandachi. Paicunataca Dioshuan tupanacuna carpa huasi punguman pushamushpa chaipi candij shuyanguichij.

1 Corintios 10:4

Tucuicunami Dios cachashca ubyanallatataj ubyarcacuna. Dios cachashca paicunahuan puricuj rumimantami ubyarcacuna. Chai rumica Cristomi carca.

Hebreos 11:28

Crishcamantami Moisesca, israelcunapaj punta c'ari huahuacunata huañuchij ángel ama huañuchichun, yahuarta pungupi churashpa Pascuata callarichirca.

JOSUÉ 5:10

Israelcunaca Jericó c'uchulla pamba Gilgalpi carpa huasicunata shayachishpa tiyacushpami, chai quillapaj chunga chuscu punllapaj chishipi Pascuata rurashpa Diosta yuyarircacuna.