ÉXODO 12:19 - Dios Rimashca Shimicunami

¹⁹ Chai canchis punllacunapica cancunapaj huasicunapica levaduraca mana ricurinachu can. Maijanpish levadurahuan p'unguillichishcacunata micujcunaca israelcuna cashpapish, mana israelcuna cashpapish israelcunapuramantaca anchuchishcami canga.

ÉXODO 12:19 Iomraidhean Croise

ÉXODO 12:15

Canchis punllacunapica levadura illajlla tandatami micuna canguichij. Chai punllacunapica punta punllamanta pacha tucuri punllacama cancunapaj huasicunamantaca levaduracunata anchuchinguichij. Maijanpish chai canchis punllacunapi maijan punllapi levadurayuj tandata micujca, israelcunapuramanta anchuchishcami canga.

ÉXODO 12:20

Chai punllacunapica, levadurahuan p'unguillichishcacunataca imata ama micunguichijchu. Cancunapaj huasicunapica levadura illajlla tandatami micuna canguichij ninmi nigri” nircami.

ÉXODO 12:43

Mandaj Diosca Moisesta, Aarontaca: “Cai mandashcacunaca Pascua micuimanta mandashcami. Pascua micuitaca mana Israel cajca pipish mana micungallachu.

ÉXODO 12:48

Mana israelcuna cancunahuan causacujcuna Mandaj Diospaj Pascua micuita micusha nishpaca, tucui c'aricuna circuncisiontaraj rurachishpa, chai q'uipa chai Pascua micuita rurachun. Chashna rurashpaca, israelpurallatajmi canga. Maijanpish circuncisionta mana rurachishca cashpaca Pascua micuitaca amataj micuchun.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:7

Chai canchis punllacunapica, levadura illajlla tandatami micuna canguichij. Chai punllacunapica tucui llajtapi levadurahuan p'unguillichishcatapish, levaduratapish amataj charinguichij.

ÉXODO 23:15

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij. Chai punllacunapica ñuca ñaupajmanca, pi ama chushaj maquilla shamuchun.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

ÉXODO 34:18

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij.

LEVÍTICO 23:5

Huata callaripaj punta quilla chunga chuscu punlla tutayamuitaca Mandaj Diospaj Pascuami.

NÚMEROS 9:13

Maijanpish manapish mapayashca cashpa, mana cashpaca maimanpish mana rishca cashpa chaillapitaj cashca jahua Pascua micuita mana rurajtaca, israelcunapuramanta anchuchishca cachun. Mandaj Dios mandashca punllapitaj Mandaj Diosman cuna cashcata mana cushpa juchallishcamantaca, chai juchamantaca llaquita apangatajmi.

DEUTERONOMIO 16:3

Chai aichataca, levadurahuan rurashca tandahuanca ama micunguichijchu. Canchis punllata levadura illajlla tandahuan micunguichij. Cancunaca Egiptomantaca callpashpami llujshimurcanguichij. Egiptomanta llujshimushca punllata tucui cancunapaj causaipi yuyarinapajmi chashna rurana canguichij.