ÉXODO 12:16 - Dios Rimashca Shimicunami

¹⁶ Punta punllapica tucuita cayashpa Diospajlla tandanacuimi canga. Tucuri canchis punllapipish tucuita cayashpa Diospajlla tandanacuita charinguichij. Chai ishqui punllacunapica amataj cancunapajca imata ruranguichijchu. Ashtahuanpish cancuna micungapajlla micunata allichinguichij.

ÉXODO 12:16 Iomraidhean Croise

ÉXODO 16:23

Chaita huillajpimi Moisesca: –Mandaj Diosca chashnallatajmi mandarca. Cayaca Mandaj Diospajlla ch'icanchishca samana punllami. Chai samana punllataca Mandaj Diospajlla ch'icanyachishcami. Cusashcata micunayajpica cusanguichij. Yanushcata micunayajpica yanunguichij. Saquirishcacunataca tucuita cayapaj huaquichichijlla– nircami.

ÉXODO 16:29

Riquichij, Mandaj Diosca canchis punllapica samarina punllatami curca. Chaimi sujta punllapica, samana punllapandij tandata japichun curca. Canchis punllapica, maiman mana llujshishpa cancuna maipi cashcallapitajmi saquirina canguichij ninmi Mandaj Diosca– nircami.

ÉXODO 16:5

Sujta punllapica punllanta tandaj cashcamantaca, cayandij punllapandij chaupihuan yallita tandanguichij– nircami.

ÉXODO 20:10

Canchis punllapica Mandaj cambaj Diospajlla cashcamanta, chai punllapica ama imata rurangui. Cambaj churicunatapish, ushushicunatapish, cambajta ruraj c'aricunatapish, huarmicunatapish, animalcunatapish, shujtaj llajtamanta shamushpa canta catishpa causajcunatapish amataj imata rurachinguichijchu.

ÉXODO 34:18

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij.

ISAÍAS 1:13

Cancunaca ñucaman cuna cashcataca yangallamari apamunguichij. Inciensota rupachishcapish ñucapajca millananami. Mushuj lunapi, samana punllapi tandanacuita cancuna rurashcaca ñucapajca millanayajmi. Cancunapaj jatun fiestacunapish millaita ruranapajllami.

LEVÍTICO 23:21

Chai punllallataj Diospajlla tandanacuiman cayanguichij. Chai punllapica sinchi trabajocunataca imata ama ruranguichijchu. Tucui cai mandashcacunaca cancuna maipi causashpapish cancunapaj huahua huahua chaitataj pajtachicuchunlla mandashcami.

LEVÍTICO 23:27

“Chai canchis quillapaj chunga punllapica, Dios perdonana punllami canga. Chai punllapica tucuita cayashpa, tucui almahuan llaquirishpa Diospajlla tandanacuita charinguichij. Mandaj Diosman rupachishpa cunatapish cunguichij.

LEVÍTICO 23:35

Fiesta callari punllapica tucuita cayashpa Diospajlla tandanacuimi canga. Chaipica sinchi trabajocunataca imata ama ruranguichijchu.

NÚMEROS 28:18

Fiesta callari punta punllapica tucuicunata cayashpa Diospajlla tandanacuita ruranguichij. Chai punllapica sinchi trabajocunataca imata ama ruranguichij.

NÚMEROS 28:25

Fiesta tucuri canchis punllapica, tucuicunata cayashpa Diospajlla tandanacuita ruranguichij. Chai punllapica sinchi trabajocunataca imata ama ruranguichij.

NÚMEROS 28:26

Punta p'ucushca mushuj granocunata Mandaj Diosman cucui semana fiesta punllapipish, tucuicunata cayashpa Diospajlla tandanacuita ruranguichij. Chai punllapica sinchi trabajocunataca imata ama ruranguichij.

NÚMEROS 29:1

Canchis quillapaj punta punllapica, tucuicunata cayashpa Diospajlla tandanacuita ruranguichij. Chai punllapica cancuna trompetacunapi tocana punlla cachun. Chai punllapica sinchi trabajocunataca imata ama ruranguichij.

NÚMEROS 29:12

Chai canchis quillallapitaj chunga pichca punllapica, tucuicunata cayashpa Diospajlla tandanacuita ruranguichij. Chai punllapica sinchi trabajocunataca imata ama ruranguichij. Mandaj Diospaj jatun fiestataca canchis punllacunata ruranguichij.

Juan 19:31

Chai punllaca, Pascuapaj judiocuna allichirinami carca. Chaimantami samana punllapajca, huañushcacuna cruzpi ama saquirichun, changacunata p'aquishpa paicunata anchuchichun Pilatota nigrircacuna. (Chai samana punllapica jatun fiestami cana carca).

DEUTERONOMIO 16:8

Levadura illajlla tandataca, sujta punllacunata micunguichij. Canchis punlla tucujpica, Mandaj Dios cancunapaj Taita Diospajlla jatun fiestami canga. Chai punllapica ama trabajanguichijchu.