ÉXODO 12:15 - Dios Rimashca Shimicunami

¹⁵ Canchis punllacunapica levadura illajlla tandatami micuna canguichij. Chai punllacunapica punta punllamanta pacha tucuri punllacama cancunapaj huasicunamantaca levaduracunata anchuchinguichij. Maijanpish chai canchis punllacunapi maijan punllapi levadurayuj tandata micujca, israelcunapuramanta anchuchishcami canga.

ÉXODO 12:15 Iomraidhean Croise

GÉNESIS 17:14

Maijan cashpapish pai charishca aicha mirga carata mana p'itichijca, ñucahuan ari ninacushcata p'aquishcamanta cancunapuramanta anchuchishca cachun– nircami.

2 CRÓNICAS 30:21

Chashnami Jerusalenpi tandanacushca israelcunaca, jatun cushicuihuan canchis punllacama levadura illajlla tandata micurcacuna. Shinallataj levitacunahuan curacunahuanca Mandaj Diospaj tocanapaj rurashca tocanacunapi sinchita tocashpa, Mandaj Diostaca punllanta cantarcacuna.

ESDRAS 6:22

Israelcunapaj Mandaj Diospaj huasita ruranata ashtahuan fuerzarichun Asiria llajtata jatun mandajta Mandaj Diosllataj israelcunata llaquina yuyaita cushcamantami levadura illajlla tandata micuna jatun fiestatapish cushicushpa canchis punllata rurarcacuna.

ÉXODO 12:8

Chai tutaca cusashca aichata, levadura illajlla tandahuan, jayaj q'uihuacunahuan micunguichij.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 23:15

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij. Chai punllacunapica ñuca ñaupajmanca, pi ama chushaj maquilla shamuchun.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

ÉXODO 30:38

Maijanpish can rurashca shina inciensota mutquingapaj rurajca israelcunapuramanta anchuchishcami canga” nircami.

ÉXODO 31:14

Chaimanta samana punllataca huaquichinguichij. Chai punllaca cancuna Diospajlla cana punllami. Chai punllata yangata rurajca huañungatajmi. Chai punllapi maijanpish paipaj imalla rurana cashcata rurajtaca israelcunapuramanta anchuchishcami canga.

ÉXODO 34:18

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij.

ÉXODO 34:25

Ñucaman cushca animalpaj yahuartaca imapish levadurahuan cajhuanca ama cunguichijchu. Pascua fiestapi ñucaman huañuchishpa cushca animalpaj aichataca cayandijpaj ama imata saquinguichijchu.

LEVÍTICO 17:10

Maijan israelcuna cashpa mana cashpaca paicunapurapi causaj mana israelcuna cashpa ima animalpaj yahuarta micujpica ñucaca paihuan p'iñarishpa, paitaca israelcunapuramanta anchuchishami.

LEVÍTICO 17:14

Aichayujcunaca yahuarmantami causan. Chaimantami israelcunataca: “Ima aichamantapish yahuartaca amataj micunguichijchu. Tucui aichayujcunaca yahuarmantami causaiyuj. Chaimanta maijanpish yahuarta micujtaca, israelcunapuramanta anchuchishcami canga” nircami.

MALAQUÍAS 2:12

Jacobopaj huahua huahuapuramantaca, cuidaj cachunpish, cutichij cachunpish, tucuita Mandaj Diosman imalla cuna cashcata cuj cachunpish anchuchingallami.

NÚMEROS 28:17

Chai quillapaj chunga pichca punllapica jatun fiesta cachun. Chaipica canchis punllacunata levadura illajlla tandata micunguichij.

NÚMEROS 9:13

Maijanpish manapish mapayashca cashpa, mana cashpaca maimanpish mana rishca cashpa chaillapitaj cashca jahua Pascua micuita mana rurajtaca, israelcunapuramanta anchuchishca cachun. Mandaj Dios mandashca punllapitaj Mandaj Diosman cuna cashcata mana cushpa juchallishcamantaca, chai juchamantaca llaquita apangatajmi.

Mateo 16:12

Jesús chashna nijpimi, tandata ruranapaj levaduramanta mana rimacushcata, ashtahuanpish fariseocunapaj, saduceocunapaj yachachinata mana chasquina cashcata nicushcata entendircacuna.

Lucas 12:1

Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca: –Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman.

Lucas 2:43

Ña fiesta tucurijpica Jesuspaj yaya mamaca huasimanmi tigrarcacuna. Jesusca Jerusalenllapitajmi saquirishca carca. Chaitaca Josepish, Jesuspaj mamapish mana yacharcacunachu.

Hechos 12:3

Chashna rurajta ricushpa, judiocunaca achcata cushicujpimi Pedrotapish japichirca. Chai punllacunaca, levadura illaj tandata micuna punllacunami carca.

Gálatas 5:12

¡Cancunata pandachijcunaca paicunallataj tucui p'itirishpachari alli canman!

DEUTERONOMIO 16:3

Chai aichataca, levadurahuan rurashca tandahuanca ama micunguichijchu. Canchis punllata levadura illajlla tandahuan micunguichij. Cancunaca Egiptomantaca callpashpami llujshimurcanguichij. Egiptomanta llujshimushca punllata tucui cancunapaj causaipi yuyarinapajmi chashna rurana canguichij.

DEUTERONOMIO 16:5

Chai Pascua ovejataca Mandaj Dios cancunapaj Taita Dios cancunaman cushca maijan pueblocunapipishca mana huañuchinachu canguichij.

DEUTERONOMIO 16:8

Levadura illajlla tandataca, sujta punllacunata micunguichij. Canchis punlla tucujpica, Mandaj Dios cancunapaj Taita Diospajlla jatun fiestami canga. Chai punllapica ama trabajanguichijchu.