ÉXODO 12:14 - Dios Rimashca Shimicunami

¹⁴ Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 12:14 Iomraidhean Croise

2 REYES 23:21

Chai q'uipami jatun mandaj Josiasca tucui israelcunataca: “Cancunata Mandaj Dioshuan ari ninacushca cai libropi nicushca shinataj cancunata Mandaj Diosta yuyarishpa Pascuata ruraichij” nishpami mandarca.

SALMOS 111:4

Mandaj Diosca mana cungaripaj mancharinacunatamari rurashca. Mandaj Diosca llaquijmari, c'uyajmari.

SALMOS 135:13

Mandaj Dioslla, quiquinpaj shutica huiñaipajmari. Mandaj Dioslla quiquintaca huahua huahuacunacama yuyaricungallamari.

ÉXODO 12:17

Levadura illajlla tandata micuna punllacunapica amataj saquishpa ruracunguichijlla. Chai punllacunallapitajmi cancunataca achca tandanacushcacunata Egiptomanta llujshichimurcani. Chaimanta cai mandashcataca cancunapaj huahua huahuacunapish huahua huahua huiñaita pajtachicuchunllacuna.

ÉXODO 12:24

Chashna yachachishcacunataca cancunapish, cancunapaj huahua huahuacunapish huiñaipaj mandashca cashcamanta pajtachicunallami canguichij.

ÉXODO 12:43

Mandaj Diosca Moisesta, Aarontaca: “Cai mandashcacunaca Pascua micuimanta mandashcami. Pascua micuitaca mana Israel cajca pipish mana micungallachu.

ÉXODO 12:6

Chai animaltaca, cai quillapaj chunga chuscu punllacama alli cuidashpa chai chishi zuyuyacuita huañuchinguichij. Tucui tandanacushca israelcunami chai horasllataj huañuchina canguichij.

ÉXODO 23:15

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij. Chai punllacunapica ñuca ñaupajmanca, pi ama chushaj maquilla shamuchun.

ÉXODO 27:21

Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

EZEQUIEL 46:14

Chashnami punllanta shuj malta c'ari ovejahuan, shuj efa cutataca sujtapi chaupishpa, shuj mirgata cungui. Shinallataj tucuimanta yalli alli cutapi chapungapajca, shuj hin nishca medida aceiteta quimsapi chaupishpa shuj partetami cuna cangui. Huiñaipaj quillcachishcapi nishca shinami, Mandaj Dios ñucaman imalla cuna cashcataca cuna cangui.

LEVÍTICO 23:6

Chai quillapaj chunga pichca punllapica, Mandaj Diosta alli nishpa, levadura illajlla tandata micuna jatun fiestami canga. Levadura illajlla tandataca canchis punllata micunguichij.

ZACARÍAS 6:14

Chaishuj coronacunataca, Helemtapish, Tobiastapish, Jedaiastapish, Sofoniaspaj churi Hentapish ricuchij cachun yuyarinapaj Mandaj Diospaj huasipi churangui ninmi ni” nircami.

NÚMEROS 10:8

Trompetacunapi tocajcunaca Aaronpaj churi curacuna cachun. Tucui chai mandashcacunallatajmi cancunapaj huahua huahuacunapajpish canga.

NÚMEROS 15:15

Israelcuna cashpapish, cancunahuan causacuj mana israelcuna cashpapish ima shinalla rurashpa pajtachinataca chai shina mandashcallatajmi charinguichij. Chaitaca cancunapaj huahua huahuacunapish, cancunahuan causacuj mana israelcunapaj huahua huahuacunapish chai shinallataj ruracuchunlla. Chashna rurashpami mana israelcunaca, cancuna shinallataj Mandaj Diospaj ñaupajpica cangacuna.

NÚMEROS 16:40

Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

NÚMEROS 18:8

Mandaj Diosca Aarontaca cashnami nirca: “Ñucaman cushca ofrendacunata cuidachunca canmanmi cuni. Diospajlla cachun ch'icanchishpa israelcuna tucui imata cushcacunataca canman, cambaj churicunamanmi Diospajta rurashcamanta japina cashcata japichun cuni. Chaicunataca cambaj huahua huahuacunapish chai shinallataj japicuchunlla mandashcami.

Mateo 26:13

Tucui cai pachapica, maipipish cai alli huillaita huillacushpaca, cai huarmi imata rurashcatapishmi huillangacuna. Chaipica allitamari rurashca nishpami yuyaringacuna. Chashnatajmi canga– nircami.

Lucas 22:19

Tandata japishpapish Taita Diosta pagui nishpa, chaupishpa yachacujcunaman cushpaca: –Caica, cancunamanta llaquichishca cana ñuca cuerpomi. Chaimanta caitaca, ñucata yuyarishpa ruracunguichijlla– nircami.

DEUTERONOMIO 16:1

Cancunataca Abib quillapi shuj tutami Egiptomantaca Mandaj Dios cancunapaj Taita Diosca llujshichimurca. Chai quillataca amataj cungaringuichijchu. Chaimanta Abib quillapica, Mandaj Dios cancunapaj Taita Diosta yuyarishpa Pascua fiestata ruranguichij.

DEUTERONOMIO 16:11

Mandaj Dios cancunapaj Taita Dios paipaj shutita churangapaj agllashpa paipaj shutita churashca pueblopi cushicunguichij. Chaipica, cancunapish, cancunapaj churicunapish, cancunapaj ushushicunapish, cancunapajta ruraj c'aricunapish, huarmicunapish, cancunapaj pueblocunapi causaj levitacunapish, shujtaj llajtamanta cajcunapish, yaya mama illaj huahuacunapish, cancunapurapi causaj viudacunapishmi Mandaj Dios cancunapaj Taita Diospaj ñaupajpi cushicuna canguichij.

DEUTERONOMIO 6:8

Cai mandashcacunataca ima ricunacunata shina cambaj maquipi, cambaj frentepi huataringui.

JOSUÉ 4:7

cashna huillanguichij: Mandaj Dioshuan ari ninacushca quillcata huaquichina arcata apashca Jordán yacuta ch'imbacujpimari chai yacuca p'itirishpa chaquirirca ninguichij. Chai rumicunami caya mincha cancunapaj tucui huahua huahua israelcunapaj yuyarina canga” nircami.

1 SAMUEL 30:25

Chai punllamanta pachami chai mandashcaca chashnataj caticunlla. Cunan punllacamami Israelpica chaitataj pajtachincuna.