ÉXODO 12:12 - Dios Rimashca Shimicunami

¹² Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ÉXODO 12:12 Iomraidhean Croise

1 CRÓNICAS 14:12

Filisteocunaca paicunapaj rurashcalla dioscunata chaipi shitashpami rircacuna. Davidca, chaicunataca rupachichircami.

SALMOS 135:8

Egipciocunapaj punta churicunataca paimari huañuchirca. Gentecunapaj punta churimanta callarishpa, animalpaj punta huacharishcacunacamami huañuchirca.

SALMOS 82:1

Taita Diosca dioscuna tandanacushca chaupimantami jatarin. Dioscunapaj chaupipimi paicuna imallata rurashcata ricushpa cashna nin:

SALMOS 82:6

Ñucami cancunataca: Dioscunami canguichij. Tucui cancunami jahua pacha Taita Diospaj churicuna canguichij nircani.

SALMOS 91:7

Cambaj lluqui ladomanca shuj huaranga runacunami urmangacuna. Cambaj alli ladomanpish chunga huaranga runacunami urmangacuna. Ashtahuanpish cantaca imata mana rurangacunachu.

SALMOS 95:3

Mandaj Diosca Jatun Diosmari, tucui dioscunapaj jahuapi caj Jatun Mandajmari.

ÉXODO 12:23

Mandaj Diosca Egipto llajtapi causajcunata huañuchicushpaca, cancunapaj pungupi quinriman churashca caspita pungu ishqui lado quisyucunata yahuarhuan llihuishcata ricushpaca pasajta ringallami. Huañuchij cancunapaj huasicunaman yaicushpa huañuchichun mana saquingachu.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

ÉXODO 21:6

paipaj amoca juezcunapaj ñaupajman pushashpa pungupi cashpa, postepi cashpa paipaj rinrinta churashpa alishñahuan jutcuchun. Chashnaca paipaj tucui causaipimi paipaj amopajta ruraj canga.

ÉXODO 22:28

Juezcunataca ama p'iñashpa rimanguichij. Cancunapaj llajtata mandajtaca ama imapish tucushca canman ninguichij.

ÉXODO 6:2

Taita Diosca Moiseshuan cutin rimashpaca: –ÑUCACA MANDAJ DIOSMI CANI.

ÉXODO 9:6

Cayandij punllaca Mandaj Diosca, pai nishca shinallatajmi rurarca. Tucui Egipto llajtapi causajcunapaj animalcunami huañurca. Ashtahuanpish israelcunapaj animalcunaca shujllapish mana huañurcachu.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

JEREMÍAS 43:12

Cai Egipto llajta dioscunapaj huasicunataca, ninata japichishpami tucui rupachinga. Chai dioscunataca llujshichishpa paipaj llajtamanmi apanga. Chashna rurashpami cai Egipto llajtataca, michij runa paipaj jahua churanata chaspij shina, tucuita tucuchishpa ima illajta saquinga. Chashna rurashpaca paica ima mana tucushpa, paipaj llajtaman sumajta tigrangallami.

JEREMÍAS 43:13

Shinallataj cai Egipto llajtapi caj Bet-semes pueblopi tiyaj suni jatun rumicunatapish tucuimi ñutunga. Tucui cai Egipto llajta dioscunapaj huasicunatami rupachishpa saquinga ninmi ni” nircami.

JEREMÍAS 46:25

Tucuita Mandaj, israelcunapaj Diosca cashnami nin: Ñucaca Tebas pueblopi caj Amón shuti diosta llaquichigrini. Faraontapish, pai mandacun Egipto llajtatapish, chaipi causajcunapaj dioscunatapish, paicunapaj jatun mandajcunatapish llaquichigrinimi. Faraontaca, tucui paipi shunguta churajcunandijmi llaquichisha.

EZEQUIEL 12:16

Paicunapuramantaca ashacunallatami, espadahuan, yaricaihuan, ungüihuan huañunamantaca quishpichisha. Paicunami mai llajtaman chayashpapish: Ñucanchijca yallitaj millaitami rurashcanchij nishpa, tucuita huillangacuna. Chaimantami ñucataca, Mandaj Diostaj cashcatapish yachangacuna” nircami.

AMÓS 5:17

Ñuca cancunata llaquichinaman shamujpica, tucui uva chagracunapipish huacangacunami” ninmi Mandaj Diosca.

SOFONÍAS 2:11

Mandaj Diosca, paicunahuanca jatuntami p'iñaringa. Chaimanta cai pachapi tiyaj dioscunataca tucuitami chingachinga. Tucui llajtacunapi causajcunaca, tucuicunallatajmi paicuna maipi cashcallapitaj Diostaca cunguringacuna.

NÚMEROS 33:4

Israelcuna llujshimucui punllaca egipciocunaca Mandaj Dios paicunapaj punta churicunata huañuchishcatami pambacurcacuna. Chashna rurashpami Mandaj Diosca egipciocunapaj dioscunaca yangalla cashcata ricuchirca.

1 SAMUEL 5:3

Asdod pueblopi causajcuna cayandij tutamanta utca jatarishpa ricugrishpaca, Dagón diosca Mandaj Diospaj arca ñaupajpi urisinga siricujtami japircacuna. Dagón diostaca jatarichishpami, pai tiyanallapitaj churarcacuna.

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.