ÉXODO 11:7 - Dios Rimashca Shimicunami

⁷ Ashtahuanpish israelcunataca paicunatapish, paicunapaj animalcunatapish shuj allcupaj c'allullapish mana cuyuringachu. Egipciocunahuan, israelcunahuanca Mandaj Diosca ch'ican cashcata ricuchingapajmi chashna ruranga.

ÉXODO 11:7 Iomraidhean Croise

JOB 5:16

Huajcha runaca paillatami shuyan. Millaicunataca millaita rurashcallatajmi shimitaca huichcanga.

SALMOS 7:12

Manataj cutirijpica paipaj espadata filojllata rurangami. Paipaj arcotapish allichishpa caspita shitanallatami charicun.

ÉXODO 10:23

Chaimantami caishuj chaishuj mana ricui tucurcacuna. Paicuna maipi canmantaca quimsa punllacama mana jatari tucurcacunachu. Ashtahuanpish israelcunapaj huasicunapica achijllami carca.

ÉXODO 7:22

Shinallataj Egipto llajta brujocunapish, brujocuna rurana cashca shina rurashpaca, Moiseshuan, Aaronhuan milagrota ruraj shinallatajmi rurarcacuna. Chaimi faraonpaj shunguca Mandaj Dios nishca shinallataj rumi tucushpa mana uyarca.

ÉXODO 8:19

Chaimi brujocunaca faraontaca –Caitaca Taita Diospaj maquimi ruracun– nircacuna. Ashtahuanpish faraonca Mandaj Dios nishca shinallataj, rumi shungu tucushpami mana uyarca.

ÉXODO 8:22

Chai punllacunapica ñuca agllashcacuna causacun Gosén llajtataca ñucapajllami ch'icanchisha. Chaimanta chai llajtapica nima laya chuspicuna mana yaicungachu. Mandaj Dios ñucataj israelcuna causacunpi cashcata yachachunmi chashna rurasha.

ÉXODO 9:26

Israelcuna causan Gosén llajtallapimi runduca mana urmarca.

ÉXODO 9:4

Mandaj Diosca israelcunapaj animalcunatapish, Egiptopi causajcunapaj animalcunatapish ch'icanchingami. Israelcunapaj animalcunaca shujllapish ama huañuchunmi ch'icanyachinga ninmi” nigri– nircami.

MALAQUÍAS 3:18

Ñucapajman cutirishpami cashcata rurajtapish, millaita mana rurajtapish, Diosta servijtapish, Diosta mana servijtapish yachaj chayanguichij” ninmi.

1 Corintios 4:7

Chashna cajpica ¿pitaj cantaca caishujta yalli jatunyachin? ¿Can charishcacunataca manachu tucuita Dios cushca? Pai cushcallata charishpaca ¿ima nishpataj canllataj charishca shina jatun tucungui?

JOSUÉ 10:21

Tucuita huañuchishca q'uipaca israelcunaca shujllapish mana huañushpa, ima mana tucushcami, Macedapi caj carpa huasicunaman Josuepajman tigrarcacuna. Israelcunata p'iñajcunaca paicunata c'amingapajca c'allullapish mana cuyurircacunachu.