ÉXODO 11:4 - Dios Rimashca Shimicunami

⁴ Moisesca faraontaca: –Mandaj Diosca cashnami nin: Cunan chaupi tutatami egipciocunapaj llajtata purigrini,

ÉXODO 11:4 Iomraidhean Croise

2 SAMUEL 5:24

Bálsamo yuracuna puntacunata puricuj shinata uyashpaca, macanacunaman puri callaringuilla. Chaica Mandaj Diosmi filisteocunapaj carpa huasicunapi macanacungapaj canta ñaupashpa ricunga– nircami.

JOB 34:20

Runacunaca ñapish huañungallami. Chaupi tutahuan capariricushpa chingaringallami. Tucuita rurai tucuj Diosca maquihuan mana huajtashpallataj chingachingallami.

SALMOS 60:10

¿Ñucanchijta shitaj Taita Diostaj shina cangui? ¿Manachu ñucanchij soldadocunahuan llujshij cangui?

SALMOS 81:5

Josemanmari cai mandashcataca curca. Egiptomanta llujshimucujpimari curca. Mana entendishca rimaitamari uyarcani.

ÉXODO 12:12

Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ÉXODO 12:23

Mandaj Diosca Egipto llajtapi causajcunata huañuchicushpaca, cancunapaj pungupi quinriman churashca caspita pungu ishqui lado quisyucunata yahuarhuan llihuishcata ricushpaca pasajta ringallami. Huañuchij cancunapaj huasicunaman yaicushpa huañuchichun mana saquingachu.

ÉXODO 12:29

Mandaj Diosca, chaupi tutami egipciocunapaj punta churicunataca tucuicunata huañuchirca. Mandashpa tiyanapi tiyacuj faraonpaj punta churimanta callarishpaca, macanacuipi prezu japimushca carcelpi tiyacujpaj punta churicamami huañuchirca. Punta huacharishca animalcunatapishmi huañuchirca.

ISAÍAS 42:13

Mandaj Diosca, yallitaj jatun runa shinami llujshinga. Alli macanacuj runa tucuchina yuyailla rijcharij shinami llujshinga. Caparingami, macanacuiman llujshina caparitami caparinga. Paita p'iñajcunataca mishangami.

AMÓS 4:10

“Egipto llajtapi causajcunata shinallataj huañuchichunmi, huañuchijcunata cancunapajmanpish cacharcani. Cancunapaj churicunatapish espadahuanmi huañuchircani. Cancunapaj caballocunatapish cancunata p'iñajcuna apachunmi saquircani. Cancunapajmanca huañushcacunapaj ismushca aicha ashnaitapishmi cacharcani. Cancunaca chashna tucui llaquicunata apacushpapish, manataj ñucapajman cutirircanguichijchu” ninmi Mandaj Diosca.

AMÓS 5:17

Ñuca cancunata llaquichinaman shamujpica, tucui uva chagracunapipish huacangacunami” ninmi Mandaj Diosca.

MIQUEAS 2:13

Paicunata ñaupashpa ñanta pascajca huichiyangami. Ñanta pascashpaca, pungutami llujshingacuna. Paicunata jatun mandajca ñaupashpami ringa. Tucuicunata ñaupashpa rijca, Mandaj Diosmi canga”.

Mateo 25:6

Chaupi tutapica ñapish: “¡Ñami novioca shamun, tupanaman llujshichij!” nishpa caparishcami uyarirca.