ÉXODO 11:2 - Dios Rimashca Shimicunami

² Israelcunataca c'aricunatapish, huarmicunatapish paicunapaj c'uchullapi causaj egipciocunataca cullquimanta, curimanta rurashca sumaj charinacunata mañachun mandai– nircami.

ÉXODO 11:2 Iomraidhean Croise

GÉNESIS 24:53

Chai q'uipami Abrahampajta ruraj runaca cullquimanta, curimanta rurashca sumajcunatapish, churanacunatapish llujshichishpa Rebecaman curca. Paipaj turi Labanmanpish, paipaj mamamanpish tucui laya sumajcunatami curca.

GÉNESIS 31:9

Chashnami Taita Diosca cancunapaj yayapaj animalcunata quichushpa ñucaman curca.

SALMOS 105:37

Israelcunataca cullquindij, curindijmi llujshichimurca. Paicunapaj aillucunapurapica ungushcacunaca mana tiyarcachu.

SALMOS 24:1

Cai pacha allpaca Mandaj Diospajmi. Chaipi imalla tiyajcunapish paipajmi. Cai pachapi tucui imalla causajcunapish paipajmi.

ÉXODO 3:21

Cancuna chai llajtamanta llujshicushpa, ama chushaj maquilla llujshichunca Egiptopi causajcunamanca, cancunata llaquina yuyaitami cusha.

ÉXODO 3:22

Tucui huarmicunami egipcia huarmicunataca cancunapaj c'uchullapi causajcunatapish, cancunallahuantaj causajcunatapish, cullquimanta, curimanta rurashca sumaj charinacunata, churanacunatapish mañana canguichij. Chaicunatami cancunapaj churicunamanpish, ushushicunamanpish churachinguichij. Chashnami egipciocuna imalla charishcacunata quichushpa ringuichij ningui– nircami.

ÉXODO 32:24

Chaimi ñucaca: Maijanpish curita charijca llujshichishpa apamuichij nijpi paicuna ñucaman cujpimi, chaicunata ninapi shitajpica, cai bizi llujshircalla– nircami.

ÉXODO 35:22

C'aricunapish, huarmicunapish cuna munaita shungupi charijcunaca cadenacunata, zarcillocunata, sortijascunata, brazaletecunata, tucui laya curi charinacunata, Diosman cuna cashcata Mandaj Diosman cungapajca tucuitami curimanta apamurcacuna.

PROVERBIOS 13:22

Allita rurashpa causaj runaca, imalla charishcacunataca huahuacunapajpish saquincunami. Ashtahuanpish juchasapacuna charishcacunaca, cashcata rurajcunapajmi huaquichishca tiyacun.

HAGEO 2:8

Shinallataj tucuita Mandaj Diosca, cashnapishmi nin: “Cullquipish, curipish ñucapajmi.

Mateo 20:15

Ñucapaj cashcataca ¿manachu imatapish rurai tucuni? Ñuca alli cashpa chashna cushcamantaca ¿ima nishpataj p'iñaringui?” nircami.