ÉXODO 11:10 - Dios Rimashca Shimicunami

¹⁰ Moiseshuan Aaronhuanca, tucui cai milagrocunata faraonpaj ñaupajpi rurajpipish Mandaj Diosllataj faraonpaj shunguta rumi shunguta rurashcamantami, israelcunataca chai llajtamanta llujshichunca manataj saquirca.

ÉXODO 11:10 Iomraidhean Croise

JOB 9:4

Paica tucuita yachajmi, imatapish rurai tucujmi. Maijanpish paita c'ariyashpa shayarijtaca chingachinllami.

ÉXODO 10:20

Mandaj Diosllataj faraonpaj shunguta rumi shunguta rurajpimi, paica israelcuna richunca mana saquirca.

ÉXODO 10:27

Mandaj Dios faraonpaj shunguta rumi shunguta rurajpimi, israelcuna richunca mana saquishpa,

ÉXODO 12:1

Mandaj Diosca Egipto llajtapica Moisesta, Aarontaca cashnami nirca:

ÉXODO 3:19

Egiptota jatun mandaj cancuna richun mana saquina cashcataca yachanimi. Ashtahuanpish sinchi maquihuan llaquichijpimi saquinga.

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 7:3

Ashtahuanpish faraonpaj shungutaca ñucami sinchiyachisha. Ñucallatajmi Egiptopica, milagrocunatapish, jatun mancharinacunatapish ashtahuan mirachisha.

ÉXODO 9:12

Mandaj Diosllataj faraonta rumi shunguta rurajpimi, Mandaj Dios Moisesman nishca shinallataj mana uyarca.

ISAÍAS 63:17

Mandaj Dioslla, ¿ima nishpataj quiquinpaj ñanmanta anchurichun saquircanguiyari? ¿Imamantataj canta ama cazuchun ñucanchij shunguta sinchiyachircanguiyari? Ñucanchijca cambajta rurajcunamari canchij. Can cushca allpacunapi causaj aillucunamari canchij. Ñucanchijta llaquishpa ña alli tucupayari.

Juan 12:40

Taita Diosllatajmi “Paicunapaj ñahuitaca, mana ricujta rurarca. Shungutapish sinchiyachirca. Ñahuihuanca ama ricuchun, shunguhuanca ama yuyarichun, ñuca jambichun, ñucapajman ama cutirichunmi chashna rurani nishca” pajtachunmi chashnaca tucurca.

Romanos 9:18

Chashna cashpami Diosca, maijanta llaquisha nishcataca llaquin, maijanpaj shunguta sinchiyachisha nishpaca sinchiyachin.

Romanos 9:22

Diospish pai p'iña cashcata, paipaj poderta ricuchisha nicushpapish, p'iñarishpa chingachingapaj rurashca vasocunataca ¿ima nishpataj mana utca chingachishpa shuyacunlla?

DEUTERONOMIO 2:30

Ashtahuanpish Hesbón llajtata jatun mandaj Sehonca, paipaj llajtata pasachunca mana saquisha nircachu. Mandaj Dios, cancunapaj Taita Diosmi chai llajtata cancunapaj maquipi entregangapaj chai llajtata jatun mandajpaj yuyaitapish, shungutapish sinchiyachirca. Chaimi cunancama chai llajtaca cancunapaj.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

1 SAMUEL 6:6

¿Ima nishpataj cancunaca egipciocuna shina, Faraón shina rumi shungucuna tucunguichij? Paicunatapish cunan llaquichij shinallataj llaquichijpimi, israelcunata richun saquijpi israelcunaca rircacuna.