ÉXODO 10:9 - Dios Rimashca Shimicunami

⁹ Shina nijpi Moisesca: –Ñucanchij Mandaj Diospaj jatun fiestapi alabana cashcamantaca ñucanchijca ñucanchij huahuacunandij, ñucanchij yuyaj yayacunandij, ñucanchij churicunandij, ñucanchij ushushicunandij, ñucanchij ovejacunandij, ñucanchij vacacunandijmi rina canchij– nircami.

ÉXODO 10:9 Iomraidhean Croise

GÉNESIS 50:8

Josepaj huasi ucupuracunapish, paipaj yayapaj huasi ucupuracunaca tucui huauquicunami paihuan huichiyarcacuna. Gosenpica paicunapaj uchilla huahuacunata, paicunapaj ovejacunata, paicunapaj huagracunallatami saquishpa rircacuna.

ÉXODO 10:10

Chaimi faraonca: –Mandaj Dioshuan cancuna chashna cana cajpipish ¿maitataj cancunataca cancunapaj huahuacunandij richunca saquishari? Riqui, cancuna mana alli yuyaihuan cashcaca cancunapaj ñahuillapitaj ricunallamari.

ÉXODO 10:26

Ñucanchijca ñucanchij animalcunataca apashpami rina canchij. Shuj sillullapish mana saquiringachu. Chai animalcunamanta agllashpa japishpami, ñucanchijta Mandaj Diospajta rurana canchij. Chaiman chayashpa Mandaj Diospajta rurana punllacama maijan animalta agllashpa cuna cashcataca mana yachanchijchu– nircami.

ÉXODO 12:32

Cancuna nishca shinallataj cancunapaj ovejacunatapish, vacacunatapish apashpa richij. Ñucatapish alli cashca cachun ninguichij– nircami.

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

ÉXODO 12:38

Paicunahuanca yallitaj achca tucui laya runacunami huichiyarcacuna. Achca ovejacunata, achca huagracunatami aparcacuna.

ÉXODO 13:6

Cancunaca canchis punllacamami levadura illajlla tandataca micuna canguichij. Chai canchis punllacuna tucuri punllaca Mandaj Diosta yuyaringapajlla shuj fiestata ruranguichij.

ÉXODO 3:18

Paicunaca can nishcatami uyanga. Egiptota jatun mandajpajmanca canpish cunaj yuyajcunapish rishpaca: Hebreocunapaj Mandaj Diosmi ñucanchijhuan tuparca. Chaimantami caimantaca quimsa punllata shitashca pambata rishpa, ñucanchijta Mandaj Diosman animalcunata cushpa huañuchigrishun ninchij ninguichij nircami.

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

ÉXODO 5:3

Chaimi paicunaca: –Hebreocunapaj Taita Diosmari ñucanchijhuan tuparca. Ñucanchijta Mandaj Dios jatun ungüihuan, mana cashpaca espadahuan ama huañuchichunmi, cunanca quimsa punllacunata shitashca pambaman rishpa, chaipi ñucanchijta Mandaj Diosman animalcunata cushpa rupachina canchij– nircacunami.

PROVERBIOS 3:9

Can imalla charishcacunahuanpish, Mandaj Diosta jatunyachingui. Cambaj chagracunapi punta p'ucushca tucui granocunamantapish paimanraj cungui.

ECLESIASTÉS 12:1

Chairaj cashpami, canta Ruraj Diostaca yuyarina cangui. Llaquilla cana huatacuna manaraj chayamujpi yuyariyari. Chai huatacunapica: “Cai causaitaca ña mana munananchu” ninguimi.

NÚMEROS 29:12

Chai canchis quillallapitaj chunga pichca punllapica, tucuicunata cayashpa Diospajlla tandanacuita ruranguichij. Chai punllapica sinchi trabajocunataca imata ama ruranguichij. Mandaj Diospaj jatun fiestataca canchis punllacunata ruranguichij.

Efesios 6:4

Shinallataj yaya mamacuna, cancunapaj huahuacunata ama p'iñachichijchu. Chaipaj randica, ima shinapish llaquichishpa, cunashpa Mandaj Jesús munashca shina huiñachichij.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.