ÉXODO 10:7 - Dios Rimashca Shimicunami

⁷ Chaimi faraonpajta rurajcunaca: –¿Cai runaca maicamataj ñucanchijpajca ñitcana cangari? Paicunataca saquilla paicunapaj Mandaj Diospajta ruragrichun. Egipto llajta jatun llaquipi cashcataca ¿manachu yachangui?– nircacuna.

ÉXODO 10:7 Iomraidhean Croise

SALMOS 107:34

Alli granota p'ucuj allpacunatapish mana p'ucuj cachi allpata ruranllami. Chaipi causajcuna millaicuna cajpimi chashna ruran.

ÉXODO 12:33

Egipciocunaca: “Tucuicunami ña huañugrinchij” yuyashpami, israelcunataca: “Cai llajtamanta utca richij” nishpa llujshichishpa cacharcacuna.

ÉXODO 23:33

Paicunapaj dioscunapajta rurashpa, cancunatapish ñuca ñaupajpi juchallichishpa cancunapaj ñitcana cana cashcamanta paicunaca cancunapaj llajtapica manataj causanachu can nircami.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

ÉXODO 8:19

Chaimi brujocunaca faraontaca –Caitaca Taita Diospaj maquimi ruracun– nircacuna. Ashtahuanpish faraonca Mandaj Dios nishca shinallataj, rumi shungu tucushpami mana uyarca.

PROVERBIOS 29:6

Millai runaca juchallapitaj tsagnarishpa urmanllami. Ashtahuanpish cashcata ruraj runaca, cushicuihuan cantashpami causan.

ECLESIASTÉS 7:26

Caitapishmi ricurcani: Trampa shina, urmachij linchi shina shunguta charij, c'uyaj tucushpa ugllarij huarmica huañuitapish yalli jayajmi. Diosta cushichij runaca, chashna huarmipaj maquimantaca quishpirinmi. Ashtahuanpish millaita ruraj runaca, chai huarmihuanca linchipi shina urmangallami.

ISAÍAS 14:20

Canca caishuj jatun mandajcunata shina alli nishpa jutcupi churashcaca mana canguichu. Canca cambaj llajtata chingachij, cambaj llajtapi causajcunata huañuchij cashcamantami chashna cangui. Millaita rurajcunapaj huahua huahuacunaca alli nishcacunaca mana tucucungallachu.

ISAÍAS 51:9

¡Rijchariyari, rijchariyari. Mandaj Diospaj rigra tucuita rurai tucuj canahuan churariyari! ¡Achca huatacuna ñaupaman shinallataj rijchariyari! Rahabta mirga mirgata rurajca quiquintajmari cangui. Dragonta chugrichijpish quiquintajmari cangui.

JEREMÍAS 48:4

Moabpi causajcunataca jatun llaquimari japishca. Uchilla huahuacunapish caruman uyarijtamari huacacuncuna.

JEREMÍAS 51:8

Shina cashpapish Babilonia llajtaca, paipaj maquimanta ñapish urmashpa ñuturishcallamari. Paimanta huacaichigari, bálsamo aceiteta mashcaichigari. Chaihuan jambijpica, paipaj chugricuna alliyangapishchari.

SOFONÍAS 1:18

Mandaj Dios jatunta p'iñarishpa llaquichicui punllapica, paicunapaj cullquipish, curipish mana quishpichi tucungachu. Ashtahuanpish Mandaj Diosca jatunta p'iñarishpami, cai pachataca ninahuan tucuita tucuchinga. Cai pachapi causajcunataca, ñapish tucuita tucuchingallami.

1 Corintios 7:35

Caitaca cancunapaj allipajmi nini, mana jarcasha nishcamantachu, ashtahuanpish tucuipi alli caj, alli ruraj cajpi pi mana jarcashca, Mandaj Jesuspajman c'uchuyachunmi cashna nini.

JOSUÉ 23:13

cai llajtamanta chai saquirishca gentecunataca, Mandaj Dios cancunapaj ñaupajmanta mana anchuchina cashcata yachaichij. Ashtahuanpish paicunaca laziyana angu shina cancuna churarishpa urmanapajmi canga. Cancunallatataj huashapi macana angu shina, ñahuipi casha tiyacuj shinapishmi canga. Cancunata Mandaj Dios, cancunaman cushca cai sumaj llajtamanta cancunata tucui chingachingacamami chashna llaquichishca canguichij.

1 SAMUEL 18:21

Chaimi Saulca: Micalca Davidpajca filisteocunapaj maquipi churangapaj sipina huasca shinami tucugrin yuyashpami, cunantajca paiman cushami nij tucushpa, Davidtaca cutinllataj: –Cunantajca ñuca yerno tucunguitajmi– nirca.

1 SAMUEL 5:11

Ecronpi causajcunapish filisteocunata tucui mandajcunata tandachishpami: “Ñucanchijtapish tucui caipi causajcunatapish ama huañuchichun, israelcunapaj Diospaj arcataca pai maipi cashcallapitaj saquinaman cachaichijlla” nircacuna. Diosca paipaj maquihuan jatunta llaquichijpimi, chai llajtapi caj pueblocunapi causajcunaca yallitaj jatun llaquita huañushcacuna.