ÉXODO 10:6 - Dios Rimashca Shimicunami

⁶ Langostacunaca cambaj huasipipish, cambajta rurajcunapaj huasicunapipish, tucui egipciocunapaj huasicunapipishmi jundanga. Cancunapaj ñaupa yayacuna, cancunapaj abuelocuna causai callari punllamanta cunan punllacama cai allpapi nunca mana ricushcatami ricunguichij ninmi– nircacunami. Moisesca chashna nishcahuanmi faraonpaj ñaupajmantaca muyurishcahuan rirca.

ÉXODO 10:6 Iomraidhean Croise

ÉXODO 10:11

Cancuna nishca shinaca mana cangachu. Ima shina cancuna mañashca shinallataj Mandaj Diospajta ruranamanca c'aricunallami rina canguichij– nishpami, faraonpaj ñaupajmanta, llujshichishpa cacharcacuna.

ÉXODO 11:6

Tucui Egipto llajtapimi, caparishpa huacana tiyanga. Chashna llaquica nunca mana tiyashcachu, cutinpish manataj tiyangachu ninmi.

ÉXODO 11:8

Chaipica tucui cambajta rurajcunami ñucapajman shamushpa ñuca ñaupajpi cungurishpaca: Canpish, tucui cambaj ucupi caj gentecunapish richij ningacuna. Tucui chai q'uipami ñucaca llujshishpa risha– nishpaca, Moisesca yallitaj p'iñarishcami faraonpaj ñaupajmanta llujshishpa rirca.

ÉXODO 8:21

Ñuca agllashcacuna richun can mana saquijpica, ñucaca cambaj jahuamanpish, cambajta rurajcunapaj jahuamanpish, can mandacun gentecunapaj jahuamanpish, cambaj huasicuna jahuamanpish, tucui laya chuspicunatami cachasha. Egipciocunapaj huasicunapipish, paicuna causan llajtapipish tucui laya chuspicunami jundanga.

ÉXODO 8:3

Jatun yacumantaca yallitaj t'imbucuj sapocuna llujshishpami, cambaj huasipi, can causana ucupi, can dormina camapi, cambajta rurajcunapaj huasicunapi, tucui cai pueblopi, cambaj hornocunapi, tandapaj masana artesacunapipish yaicushpa jundaringacuna.

ÉXODO 9:18

Cunanca Egiptota callarichishca punllamanta cunan punllacama nunca mana urmashca llashaj rundutami caya cai horasllataj tamyachisha.

ÉXODO 9:24

Chai runduca ninahuan runduhuan chagrumi carca. Egiptopi causai callari pachamanta chashna runduca Egiptopica nunca mana tiyashcachu carca.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

JOEL 2:9

Puebloman chayashpaca, pata jahuatami callpangacuna. Huasicunaman huichiyashpaca, shuhua shinami ventanacunata yaicungacuna.

Hebreos 11:27

Crishcamantami Moisesca, jatun mandaj p'iñarinatapish mana manchashpa, Egiptomantaca llujshishpa rirca. Paica mana ricuipaj Diostaca ricucuj shina cashpami, chashna sinchi carca.