ÉXODO 10:3 - Dios Rimashca Shimicunami

³ Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

ÉXODO 10:3 Iomraidhean Croise

1 REYES 18:21

Chaipimi Eliasca, tucui chaipi cajcunapajman c'uchuyashpaca: –Callaripi ruracushcata saquishpamari ishquipajta rurajcuna tucushcanguichij. Chashna canataca ¿maicamataj saquinguichij? Mandaj Dios Diostaj cajpica, paita catichigari. Mana cashpaca Baal diostaj cajpica, paita catichigari– nijpica, chaipi cajcunaca shuj shimillapish mana llujshircacunachu.

1 REYES 21:29

“¿Ñuca ñaupajpi Acab llaquirishpa cutirishca cajtaca ricunguichu? Chashna ñuca ñaupajpi cutirishcamanta pai causacujpirajca mana llaquichishachu. Paipaj churi mandacui punllapimi paipaj huasi familiataca llaquichisha” nircami.

2 REYES 22:19

tucui shunguhuan chaipi cambaj yuyaita churashpami Mandaj Diospaj ñaupajpi cumurircangui. Cai llajtapish shitashca saquirinata, tucui chaipi causajcunapish llaquichishca canata huillashcatami uyarcangui. Chaita uyashpaca can churarishcata lliquirishpami, ñuca ñaupajpi huacarcangui. Chaita uyashpaca ñucapish cantaca llaquinimi ninmi Mandaj Diosca.

2 CRÓNICAS 33:12

Shina cashpapish llaquita apacushpaca, Manasesca paipaj ñaupa yayacunapaj Diospaj ñaupajpica tucui shunguhuanmi llaquirirca. Chashna llaquirishpami Mandaj Diostaca mañarca.

2 CRÓNICAS 33:19

Taita Diosta pai mañajpi cutichishcapish, Diosta mana cazushpa paimanta anchurishpa millaita rurashpa causashcapish, Dios ima nishcata paiman huillajcuna quillcashcapimi tiyacun. Shinallataj Diospaj ñaupajpi manaraj llaquirishpa, maillapi Asera huarmi diosman rijchajcunata churashcapish, shujtaj dioscunata rurashcapish, lomacunapi altarcunata rurashcapish ima tucunata huillajcuna quillcashcallapitajmi tiyacun.

2 CRÓNICAS 34:27

Cai llajtatapish, cai llajtapi causajcunatapish, ñuca llaquichina cashcata chai quillcapi huillacushcata uyashpaca, shungu p'aquirishpami ñuca ñaupajpi llaquirircangui. Chashna llaquirishpami tucui shunguhuan chaipi cambaj yuyaita churashpami ñuca ñaupajpica cumurircangui. Chashna llaquirishpami ñucallata cazuna yuyai tucurcangui. Shinallataj can churarishcata lliquirishpami ñuca ñaupajpi cumurishcata ricuchingui. Can chashna llaquirishcataca uyanimi ninmi Mandaj Diosca.

2 CRÓNICAS 7:14

Ñuca agllashcacunamanmi ñuca shutita apachun curcani. Ñuca chai llaquicunata cachashpa llaquichijpica, paicuna mana allita ruracushcata saquishpa tucui shunguhuan nanarishpa ñucata yuyarishpa mañajpica, jahua pachamanta uyashami. Paicunapaj juchacunata perdonashami. Shinallataj paicunapaj allpapi tucui imapish mirachun bendiciashami.

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

ÉXODO 10:4

Can mana cazushpa, paicuna richun mana saquijpica cambaj llajtamanca cayatajmi langostacunata ñuca apamujpi,

ÉXODO 16:28

Chaimi Mandaj Diosca Moisestaca: –¿Cancunaca maicamataj ñuca yachachishcacunata, mandashcacunata chaitataj ruranataca mana rurashun ninguichij?

ÉXODO 4:23

Ña nishca shinaca ñucapajta rurachun ñuca churi richun saqui ninmi. Ashtahuanpish paicuna richun mana saquijpica ñucaca cambaj punta churitami huañuchisha ninmi ningui– nircami.

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

ÉXODO 9:17

Chai jahuachu ñuca agllashcacuna richun mana saquishpa jarcangui.

PROVERBIOS 1:22

“Yachai illajcuna, ¿maicamataj yachai illajllataj causashun ninguichij? Chanzata rurajcuna, ¿maicamataj chanzata rurashpa cushicunguichigari? Ch'ahuanyashcacuna, ¿maicamataj yachanataca p'iñanguichigari?

PROVERBIOS 1:24

Cancunaca mashna cutin cayajpipish, pi mana shamurcanguichijchu. Maquihuan cayajpipish, tigrarishpallapish mana ricurcanguichijchu.

PROVERBIOS 18:12

Jatun tucujtaca q'uipataca, llaquicunallami japin. Mana jatun tucujmari q'uipataca, alli nishca tucun.

ISAÍAS 1:5

¿Ima nishpataj ashtahuan llaquichishca cashun ninguichij? ¿Ashtahuan c'ariyashpachu caticushunlla ninguichij? Umacamamari chugri canguichij. Shungupish nanaihuan chaupiricujmari canguichij.

ISAÍAS 2:11

Jatun tucushca ñahuicunaca cumurichishcami canga. Jatun tucushcacunaca pingachishcami canga. Chai punllapica, Mandaj Diosllami jatunyachishca canga.

JEREMÍAS 13:10

Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 13:18

Jatun mandajtapish, jatun mandajpaj mamatapish cashna ni: Cancuna jatun cashcata ricuchij coronaca, cancunapaj umamanta pambaman urmashcami. Cunanca jatun tiyanamanta uriyashpa, pambapi tiyarishpa huacaichijlla.

JEREMÍAS 50:29

“Babiloniapi causajcunataca puntajlla caspicunahuan huañuchichun tucui arcoyujcunata tandachichij. Tandanacushpa paipaj tucui muyundijpi shayarichij, shujllatapish ama causaj llujshichun saquichijchu. Paicuna rurashcallatataj cutichichigari. Paicunaca israelcunapaj jucha illaj Mandaj Diostamari jatun tucushpa c'ariyarcacuna.

EZEQUIEL 5:6

Paica ñuca huillachishcacunatapish, ñuca mandashcacunatapish shujtajyachishpami, shujtaj llajtacunatapish yalli, paipaj muyundij llajtacunatapish yalli ñucataca mana mancharca. Chaimantamari ñuca huillachishcacunatapish, ñuca mandashcacunatapish mana cazushpa causarcacuna.

DANIEL 5:22

Nabucodonosorpaj churi Belsasar, canpish tucui chaicunata yachashca jahuamari Taita Diospaj ñaupajpica mana cumurij shungu cangui.

NÚMEROS 14:27

–Yallitaj millaita rurana yuyailla caj cai tucui achcacuna ñucata juchachishpa rimashcataca ¿maicamataj uyacushalla? Cai israelcuna ñucata juchachishpa rimashcataca ñami cai tucuita uyashcani.

Romanos 2:4

¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

Santiago 4:10

Jatun Diospaj ñaupajpica, ama jatun tucuichijchu. Paimi cancunataca jatunyachinga.

1 Pedro 5:6

Tucuita rurai tucuj Diospaj maquipi cashcamanta, ama jatun tucuichijchu. Pai cancunata jatunyachina punlla chayamujpica jatunyachingallami.